Mazmur 104:23 - Eipomek

²³ Lukunyan noutam balamle ning ara, sik malamak sukum tamubuka biceura, ninye tukwak ninye nirya bukikirye, sik pil dopra banyake. Apil ayala-yala nirya donmaca ani, akunum iniplyopura, sik pil batakikirye, tuba tamubuka sik asik malbanyake.

Mazmur 104:23 Referans Kwoze

Kejadian 3:19

Wini talak arye, dipdongobuka daulaminya ani, dipminyeba tuku dongopnamkiyak bukni, kam unamlam talak nirya ara, ikin pil weik aryuk dolaminya ani, kwisi meka panamkilya deice aryuk, din ning libuka dinalame. Ura, an kwepdeipkese talak ara, talye mikuka, kel-kel alamuk tuku butbuta arye, dobuka kwepdeipkisa ati, anda talye mikuka kel-kel alamle tuku butbuta atonun ulyama anya arye, dipminyeba, tuku pum weipkicopura, tamubuka tonap, talye tuku pumuk daunalame,” Allah arye, Adam ati nyabuka wenebuk.

Efesus 4:28

Min arye, ubula dolamik nang ara, wini talak tuba tamubuka tonap, ubula kum donamake. Aning kum bukni, ‘Sik bona utotowa talina kum ninye ati na ning noutamak arye bokuka, sikti, melibuka arepnamne’ tenen, sik bidamnye taruk deice arye, yuk ninye melipmanto pil, teleb pil adiparyuk donamake.

Penghotbah 5:12

Tonda, yatanye do nirya, elce pil talibuka, mikip arye dolula deiyoknye bira, pil dopnin banmalya ani, lukunyan talak ara, din weik liplirye, weik tonun diplyopura, teleb ubuka malule. Akumopura, mitik tonun diplyopura, pil akunum dolamlya ani, pia teleb ubuka malule. Bukni, sik bona talibuka unyak nang ara, ‘Se, na bona talinun ning nirya ara, yuk nang arye yanuka alubuka doprobikcakʼ tenen, ilil weik ulula ati, aning ara dipkoprob bita mana kum arye wi pia kum ulule. Ati, sik anang ara, ‘Se, yata wiripnamne do?’ tenena uk unyake.

Hakim-Hakim 19:16

Abukmek bukni, inibuk talak ara, sik amutuku asik dam lilun tam tuba bukmek. Abukmek bukni, wisinye tonok, el wa wilamukak arye, wa winmoka ani yayuk. Dipkoprob el deilin mutuku ara, iknapye tam bukni, Efraim mutuku noutam deiamik. Bukni atalak ara, tiya ati Gibea mutuku noutam ulamuk. (Atalak ara, Gibea mutuku noutam ulamik nang ara, sik Benyamin yala deiyok nanguk ulamik.)