Mazmur 102:2 - Eipomek

² Se, na ni Allah, an si Yahweh ati, na moropnukin yupu nirya ara, kekepnamnilam’ tenen, moropkine. Ara engebuka, malye nyanmance ngalukunman yupu ara, ‘An dam yatuba, ance kekeptum’ tenen, moropkine.

Mazmur 102:2 Referans Kwoze

Mazmur 69:17

Na ni Allah Yahweh, ance weik bico teneniminya deice arye, amoropne ning nirya, kekebuka melipnilyame. Anda pia telebuk umince, ninye ati weik arye kanye talima pum tam kanye deibuka bico tenebuka, melilyamnye uminya ati, ‘Na babye lyepnamnilam’ tenen, moropkine.

Yesaya 8:17

Yakub birye deibukba, dadeipdanin balamika ani, deibik ninye nirya ara, Allah el si Yahweh arye, ‘Sik malye wininyak ning ara na like’ tenen, balye tamubuka, akunum batakmasile. Bukni, ‘Nun ni Allah Yahweh, dan talak tamubuka melipnamsil do?’ tenen, diba tenebuka, dinauk unamne. Nara, ‘Allah elcuk melipsutu’ tenen, Allah atibuk, diba tenebuka, el dam anyuk banamne. ‘Yuk ning arye, ton melipnutue,’ tenebuka, kum unamne,” nabi Yesaya birye, nyabuk.

Mazmur 27:9

Ati ara, na batakanina meme. Narye moropkinye talak nirya ara, an urasin tamuna meme. Ance nati, yu upkiliba, urasin malye bonina meme. Aning ara, ancuk lyelonilyamnye ati, ‘Na batakniminyak’ tenen, moropkine. ‘Tonda nara, an amu tam pil donanye ununa anya arye, narye anti, nyapnamne ning ara, kekebuka namin kipniminyak’ tenen, nyapkine. Anda, na ni Allah, na Lyena Deiyoknye unilyama ati nyapkine.

Mazmur 104:29

Bukni, nun ni Allah, ance nun nirya ati, lik ukilye talak ara, bataksimince, nun ton kum dilyasiminye talak ara, nun ilil weik upsiliba, imun kanye bobuka unyabe. Tonda, ninye do, yuk kam ulul ning do, ance nun isin dopropsiminye talak ara, adiparyuk dibinyabe. Akunum dibipyopura, ninye babye, yuk talye kam ulul ning babye, tuba tamubuka tuku uk dongolbanyabe.

Mazmur 70:1

Raja Daud birye, aMazmur mot sekukce, Allah yupu mot nyana deiyoknye biti, arebuk. Ara, ‘Allah si erebuka kina ati, kam ning obuka, elti, arepsi ning, tuba teninamne’ tenen ati, amot sekuk. Daud birye nyabuka, sekuk yupu ara, ani.

1 Korintus 10:13

Ara, ‘Aning winipnune’ tenen, pataplya deice arye, talima lilosulul ning nirya ara, ninye mutuku-mutuku nirya aning aryuk, nun talima nirya lilosulule. Bukni, Allah arye nunti, “Ura, ‘Na mapu malye winibicak’ tenen, kalekuka melinamsile,” nyalilamsuk touk, pia kum batakasulule. Elce nyalisilye atouk dipkoprop usilirye, melinauk usulule. Elce kalekuka melisilyopura, nun talima lilosulul ning, kum bisipmanto ning ton kum yanamsile. Allah melisilya deice arye, aning nirya ara, malye kibuka bisiptibye. Ati, malye winin ning tenebibirye, ‘Aning winipnun’ tenen, kanye teniptobibyopura, talima lilosulul talak nirya ara, Allah arye nunti, ‘Amalye winin ning bataktingce, diksukumuk unamak’ tenen, loplobuka diksukum balamak bisikuk laka kipdeipnamsile. Talima lilosilye ning awabsilya babye, Allah arye, kintinipsilye bisikuk bipyopura, kanye darapdongobuka telebuk unamabe.

Mazmur 143:7

Na ni Yahweh, na talima pia mitang uniliba, kum winipmanto ununa ati, narye morokunun ning ati, ance minop kekepnimince, melipnamnilame na nio! Na nio, ikin unilye talak, narye anti moropkinyopura, ‘Ance luba kum kinamnilam’ tenen, moropkine na nio. Ance kum kekepnimince, luba kibuka batakniminyopura, sik akunum diamik nang unyak touk, unamne na nio!

Mazmur 71:2

Allah anda pia diksukumuk ulyama deice arye, ‘Na ti melibuka lyepnimince, teleb kipdeipnamnilam’ tenen, moropkine na nio. Tonda, narye anti moropkinye talak nirya ara, ‘Moubuka kekepnimince, yanuka melipnamnilam’ tenen, moropkine.

Yesaya 43:2

“Ati, anggunce weik mek koubuka banamlum bukni, mek noutam banumunye talak babye, narye melipnamsina deice arye, amek optua babye, mek koubuka banmamunye talak arye, kum dopnamsile. Tonda, weik uku buk pakanmalyak banamlum bukni, uku buk noutam banmamunye talak babye, narye melipnamsina deice arye, auku weik arye diptua babye, uku noutam bamunyeba, auku arye kum dipnamsile. Atonun ton, yuk asilen ning nirya anggun dam yangasilya babye, malye kum kipnamsine.

Mazmur 40:13

Na nio, ‘Ance melibuka kalikinamnilyame,’ nyabuka moropmakin ning ara, talye ati kum nyapkine na nio. Weik ikin ning ap, malye winin ning ap, kanye imun ning aning-aning nirya ap, pia weik ulye noutamak unune. Tonda, narye malye wininye ning tuba tenenya deice arye, imun kanye bopne. Na malye wininye ning arye lelipniliba, ‘Teleb bisik ani’ tenen, moubuka, bita kel kum bikmanto unune. Winipmanto ara, na kisok potong kum nukmanto unilye touk, na malye winin ning, pia weik wininulul ati ara, na kanye talima pia ikin unulule. Na kanye talima noutamak, mikip kum unulule ati ara, kum winipmanto unune.

Mazmur 31:2

Se, na ni koproba Allah Yahweh, anda, ‘Ikin ning na dam yanilyak’ tenen, ‘Ancuk nati, melibuka kalikinamnilam’ tenen, morokunune. Tonda, ‘Yu nang arye do, yuk ikin ning arye do, ikin upnilya babye, melipnamnilamba, alye kum daknamne’ tenen, morokunune na nio. Alye kum daknamne bukni, anda diksukum ulyam ning ap, ance nyapdeiamsulum yupu ap deice arye, na ikin unilye noutam arye, ‘An Allah arye melibuka lyepnamnilam’ tenen, moropkine na nio.

Mazmur 22:19

Sik yu nang arye, winipnamniak bukni, na ni Allah Yahweh, ance nati, bataknimince, pera mutuku atonun kum unamlame. Dipkoprop anda, na Mikip Kilina Deiyoknye unilyama ati ara, ‘Ance minop yanuka, melipnamnilam’ tenen, moropkine. Na ni Allah ancuk mikip kilinamnilyame.

Mazmur 13:1

Mazmur yupu deice mot nyana ati, Raja Daud birye sekuk. Ara, Allah yupu mot nyana deiyoknye arepnamika ati, amot sekuk.

Ayub 34:29

Allah arye, ‘Nara tunim abuka diltaknauk unirye, malye wininyak nang, min kum wenepnamane,’ tenebuka utopu ura, yata nang arye sik adeiyok nang ati wenepting do? Tonda, Allah arye, ‘Ninye ara, na wininye ning kum eipnikcakʼ tenen, el urasin duknuptu ura, yata tonye birye, el urasin eiptu do? Tonda, tonok weik mutuku noutam unyak nang arye, Allah eipting do? Akumopura, tonoknye biryuk, Allah el urasin eiptu do? Kume, ara kum winipmanto.

Ayub 7:21

Yata deiyok ati, ance na malye unun ning nirya ara, adiparyuk lyebuka kum lyepnutum do? Na malye wininun ning ara, ance kum kipdeipnutuma ati do? Na ikin weik unmana ati, minopce akunum dipniba, tuku palipnikcopura, ance nati enmaniminya babye, ance pia kum eipnamnilame. Ayupu nirya ara, Ayub birye nyabuk.

Yesaya 65:24

“Sik amutuku unamak ninye arye, nati ‘Melipsilyame,’ nyabuka min kum moropmanice talak arye, na adiparyuk kekebuka melinamne. Tonda, tuba moronmaca noutam, min kum sirya dakmace talak ara, na kekepnirye, ‘Telebe,’ nyabuka arenamsine.

Keluaran 2:23

Atalak noutamak ara, keting tamun weik, Israel ninye ap, neika amutuku daulamika ani, aminyan talak Mesir mutuku ninye deiyoknye, Firaun dibuk. Tonda, atalak noutamak ara, Israel nang keting tamun deice arye, ikin pil pia talye urdem pil dolamikce, weik mambul kanye bobuka engelamik. Sik ikin pil dona ap, mambul kanye bona ap ati engelamikce, “Se, nun ni Allah melibuka lyepsilyame,” nyabuka morolamikba, Allah arye kekelamuk.

Keluaran 2:24

Israel nang Allah ati, morolamik ning ara, kekelamukce utenebuk. ‘Kume, Israel ninye, sik apu yapu nang Abraham ap, Isak ap, Yakub ap ati, narye, “Dipkoprop winipnamsine, winipnamsine,” nyabuka nyalilamse ara, tuba tenenuna ati ara, sik biti melinamne,’ tenebuk.

Mazmur 17:1

Raja Daud birye, aMazmur mot sekuk. Se, na ni Allah Yahweh, ikin unulula ati, narye anti, ‘Melipnilyame!’ nyabuka, engena deice arye, ‘Moubuka melipnilyame!’ nyabuka, moropkin yupu ara, kekepnimince, melipnilyame, na nio! Nara anti, ‘Melipnamnil’ tenen, moropmakin yupu ara, ‘Moubuka kekepnamnilam’ tenen, nyapkine. Na si bambol arye nyakunun yupu ara, talye yupu kuma. Dipkoprop yupu dem nyakunune.