Matius 9:18 - Eipomek

¹⁸ Sik nirya Yesus ap aunmek bukni, tonoknye yayuk. Anye bira, Yahudi yala nang Allah si erelamik aik, anyaik sik deiyok nang weik ulamik bukni, el ton ulamuk. Yayukce, Yesus eibukopura, ‘Yesus ati si erebuka kipnun’ tenen, Yesus yan dam gutam tuku dipdongobuka bukukce, Yesus ati weik arye moronmok. “Na kilmu akunum dipmal bukni, ance yanuka, el nong deice an taruk deipnutumce kweteipnutumba, kam buknamle,” nyabuka moronmok.

Matius 9:18 Referans Kwoze

Matius 8:2

Aninye nirya koulukuka yanganmek bukni, barye suse atonun suse, nong bol nirya dilamuknye, aunmoka arye, Yesus eibukce, Yesus dam yayuk. Yayukopura, Yesus si erena ati, gutam tuku dibuka yanuka bukuk. Yanuka bukukce, Yesus ati morobuk. “Naie, an kanye deipnutumce, ‘Anye bira kwetepnune,’ tenepnutumopura, na barye suse adiparyuk kwetepnutume. Ati, ‘Kwetepnutum’ tenen, moropmakine,” nyabuka morobuk.

Lukas 13:14

Yesus arye akil kwetebukura, anyaik Allah yupu peteren aik talibuka ulamuka deiyoknye birye eibuk akarye, anyaik bukmek nang ati nyabuk. “Nagup sum deice aryuk pil donyapa noutam arye, ‘Anyaik pum kwetepsutue’ tenen, yangana teleb bukni, nun Allah si erena ati, dikdik senyap sum ara, ninye kwetelina ara, pil dona atonun anya arye, ‘Sabat sum deice arye kwetepnusile’ tenen, anyaik yangana kume,” nyabuka wenebuk.

Yohanes 11:32

Maria arye Yesus unmokak biyukce, Yesus eibukopura, ‘Yesus kipnun’ tenen, el yan dam tukwak dipdongobuka bulbiyuk. Bulbiyukce, nyabuk. “Naio, anda nun mutuku unmatumtoura, na du koprop Lazarus bira kum dipmatue,” nyabuka engenmok.

Matius 9:24

“Anggun weik arye malye nyanmalumce, ngalukuka kwelanmaluma ara, yata ati do? Anggunda, anyaik batakuka yukak bilulume. Akilmu ara kum dipmale. Talya mapmale,” nyabuk. Nyabuk bukni, anyaik wekuka unmek nang arye, akilmu akunum dipmoka ara, akunum kel kipmeka anya arye, anang arye Yesus ati akutunmek.

2 Raja-Raja 5:11

“Nyabukba, binuka lak nyabukura, Naaman aning kekebukce yu ubuk. ‘Kumde, na tenepmanua ara, Elisa bira na dam yaturye, barye suse dinilye ning ara, el taruk na nong deice deibuka el si erelye Allah, el si Yahweh deice arye, moropnutuba, adiparyuk kwetepnamnutue,’ tenepmanue,” nyabuka yu ubuk.

Rasul 13:15

Bukibuk, yuk nang arye, Allah arye, “Aning wininamlulume, aning kum wininamlulume,” nyapdeibukura, Musa sekamuk yupu mem yupu ap, tonda Allah nyapdeibukura, el yupu lak lena deiyok nang, sik nabi-nabi nang sekamik yupu ap, anyasik nang arye nyabikopura, sik Yahudi yala deiyok nang Allah yupu keken aik, deiyok nang arye yuk nang ati yupu nyabikura, anang arye Paulus ap, Barnabas ap, ati nyabik. “Nun kayapu, talima kwa din yupu ton aupmasilyeura, nun nyapsuturume,” nyabuka morobik.

Yohanes 11:25

Nyabukopura, Yesus arye nyabuk. “Kam Bulina Deiyoknye ap, Kam Una Deiyoknye ap, na aunune. Yatanye do nirya, nati dib tenepnilinye bira, el nong dipmalya babye, kam pia unamle.

Lukas 18:18

Yesus arye amapu ati, Allah akunum morobukopura, sakwetebuka bayuka ani, tonok bona talinanye birye Yesus ati asipdeyuk. “Naio, anda, peterena telebnye ulyama ati ara, yata teleb pil doptinyeba, Allah lyepnutu deice arye, bol koplobuka pia kam una deiyok ning doproptinye do?” nyabuka asipdeyuk.

Lukas 7:2

Biyukopura, yin nang sik deiyoknye, el pil donanye, pia telebnye anya arye, ‘Anye bira na kwit koprop,’ tenelamuknye ulamuk bukni, uk pia weik dilamuk anye dipmanto kibuk.

Matius 28:17

Amutuku tamubuka biyikce, daunmek talak ara, Yesus yayukba eibikce, ton nang ara diba tenebikce, el si erebik bukni, ton nang ara, ‘Dip do, telela do?’ tenen, teniltonauk unmek.

Matius 17:14

Sik welepmek mutuku deice arye koulukikce, amutuku amu tam bataka binmek nang unmeka dam yayik. Yaikopura, Yesus el mapu tupne barye bataka binmek nang ap, yuk nang ap, unmekak yayik.

Matius 15:25

Nyabukura, akil arye Yesus el dam yayukce, ‘Si erepnun’ tenen, gutam tuku dipdongobuka morobuk. “Naie, anda Daud yala nang arye deipkiknye, ance bico tenebuka melipnilyame,” nyabuka, weik arye morobuk.

Matius 14:33

Tunimabukopura, Yesus el mapu 12 nang arye, ‘Se’ tenen, mambul kanye bobikce, el si erena ati, ayupu nyabik. “Anda, dipkoprop Allah el Mi Koprop ulyame,” nyabik.

Matius 20:20

Yesus arye yupu nyabukba, Zebedeus el mapu bitinye Yakobus ap, Yohanes ap, sik nin ap, Yesus dam yayikce, akil arye, ‘Si erepnun’ tenen, gutam tuku dipdongobuka, Yesus ati morobuk.

Matius 8:25

Winibuka mapmokba, Yesus el melin nang arye el mapmokak biyikce, “Naie, nun mekwen dipmanto unmasila ati, an bukmince, yupu sekmince, nunti lyepsilyame,” nyabuka morobik.

Matius 9:17

Ton ning ara, ayupu nyabuk. “Aning atonun ton, ninye domba bola dobuka, potong lyeklobikirye, dana-dana tam nirya wibikcopura, pum bisik ara, anggur mek kwebuka dikdongobuka delinyake. Wininyaka ati, ninye arye purubuka, winiryuk kwelamak anggur mek ara, minop domba bola pum kum dikdongobuka delinyake. Winiryuk anggur mek kwebuka minop domba bola pum dikdongoptinge. Bukni, anggur mek mikip neplirye, domba bola kwiliklirye, mek sakalule. Kwililirye, sakalyopura, anggur mek ap, domba bola ap, kum danuka malye ulule. Aning ara, kum wininyak bukni, anggur tapu duk purupra, winiryuk anggur mek kwelamak ning ara, winiryuk domba bola pumuk dikdongobuka delinyake,” Yesus arye nyabuk.

Matius 9:19

Moronmokba, Yesus ap, el melin nang ap, amoronmoknye ap, neika banmekce, Yesus dam dana-dana nirya langdipmekce banmek.

Rasul 28:8

Puplius, el li bira, nong bupu ap, dei bataknauk ap dilamuk ati, amsuna akuk ikin kanye bobuka dolamuk. Dolamukbuk, Paulus eluk donmokak, biyukce, Allah akunum morobukura, adolamuknye, Paulus el taruk anye el gisok deice talibukce kwetebukba, uk dilamuk ning kum dayukba teleb kibuk.