Matius 7:28 - Eipomek

²⁸ Yesus arye ayupu nyanmoka ani, sirya dakukopura, abulupmek nang nirya kekebikce, mambul kanye bobuka, ‘Se’ tenen, ngalukunmek.

Matius 7:28 Referans Kwoze

Lukas 4:32

‘El yupu peterenmok talak ara, abulupmek nang nirya kekebikce, mambul kanye bobuka, se’ tenen, ngalukunmek. Ara, Yesus ara, weik kel ap, weik mikip ap deice arye peterenmoka ati, ngalukunmek.

Markus 1:22

Yesus arye peterenmokba, abulupmek nang nirya kekebikce, mambul kanye bobuka, ‘Se’ tenen, ngalukunmek. Ara, Musa sekamuk yupu peteren nang arye, peterelamik touk kum bukni, Yesus ara, ‘Yuk nang arye peterelamik ninguk nyapnune’ tenena kumce, weik kel arye peterenmoka ati, amutuku nang ngalukunmek.

Yohanes 7:46

Wenebikbuk, ayin talin nang arye, “Kume, anye birye nyalye yupu ara, pia mambule. Yuk nang nirya ara, el nyalye touk pia kum nyalamsike,” nyabik.

Markus 6:2

Binuka daulamika ani, Yahudi yala nang, sik pil dona kumce, dikdik sen sum, sabat sik Allah si erelamik sum akunum ubuka ati, Yahudi yala nang arye, Allah yupu peterelamik aik Yesus wekelbiyukce, Allah yupu peterenmok. Peterenmok talak ara, el yupu kekenmek nang arye, ngalukunmek. Ngalukunmekce nyanmek, “Anye bira, el peterenmasil yupu ara, dan mutuku arye kel bikuk do? Yata ning arye peterebik ak, weik kel arye peterenmasil do? Yata arye kel kibukba, ninye winipman kum pil dolul do?” nyabuka ngalukunmek.

Lukas 4:22

Yesus arye peterenmokura, ayupu kekenmek nang arye, “Se yupu teleb ubuka peterenmasile,” nyabuka ngalukik akarye kanye deibik. Tonda, “Anye bira, Yusuf arye deibuk mi do?” Tenebuka nyanmek.

Yohanes 7:15

Yesus arye peterenmokbuk, sik Yahudi yala deiyok nang kekenmekce, “Se, anye bira, yuk nang arye peteryamikak, ton kel kum bikamuk bukni, yata wiribuka deice arye, aning-aning nirya weik kel arye peterenmal do?” nyabuka, asipdanuka lukuldanmek.

Matius 22:33

Yesus arye ayupu nyabukba, akekenmek nang nirya arye, ‘Se’ tenen, “El peterelye yupu ara, pia telebe nyabuka kanye deibikce,” ngalukunmek.

Lukas 19:48

Pirildelamik bukni, atalak ara Yesus nyanmoka, kekenmek ninye nirya arye, el yupu moubuka kekenmekce, Yesus ati, pia kanye deipmeka ati ara, amalye nang arye Yesus opmanto kum ulamik.

Markus 11:18

Nyanmokopura, Allah si erena aik pum bisik pil dona deiyok nang ap, Musa arye mem yupu sekamuk yupu peteren deiyok nang ap, kekenmekce, yu ubukura, ‘Anye bira opnuyabe,’ tenebikce, ‘Yata ubuka optibye do?’ tenen, yupu talilbiyik. Yesus el yupu nyanmok talak ara, talye nang nirya awekmeka kekenmekce, ‘Se, Yesus arye peterlirye, yupu ara, pia teleb’ tenen, mambul kanye bopmekce, Yesus ati kanye deipmeka ara, adeiyok nang nirya arye eipmeka anya arye, Yesus ati sik ilil ubuk.

Matius 26:1

Yesus arye ayupu nirya akunum nyabukopura, el mapu 12 nang ati nyabuk.

Matius 11:1

Yesus arye el yupu bobuka, ‘Peterepra banamak’ tenen, wibuka deiyamuk nang, sik 12 nang ati, ayupu nirya nyabukce, akunum peterebukopura, amutuku batakuka, Galilea tam noutamak asik dolamikak nirya, el yupu peterepra balamuk.

Mazmur 45:2

Na talima noutam ara, pia teleb yupu nyan ning upmanila ati, amot seknune. Amot ara, nun mutuku noutam ara, ninye deiyoknye, nun Raja si erebuka kina ati, amot sekuka arepnamne. Na si bambol deice arye, nyapnun yupu ara, kel weik yupu seknanye birye seklamle touk, nyapnune.

Matius 19:1

Yesus arye ayupu nirya akunum nyabukopura, Kapernaum mutuku batakuka bisik pia mapnin balamika ani, Galilea tam batakuka, Yordan mek koubuka bisik mapnin balamika ani, Yudea tam biyik.

Matius 7:27

Dobukopura, mok cebuka, yenya dobukce, weik mek deibukak dongobukce, anyaik dibukce loklobuk. Anyaik loklobukba, weik arye lelim nyabuk. Yesus arye nyabuk.

Matius 7:29

Ara, ‘Allah arye, ‘Wininamlulume, aning ara kum wininamlulume,’ nyapdeibukba, Musa arye sekeiyamsuk yupu peterena deiyok nang arye, peterelamsik touk kum bukni, Yesus ara, dipkoprop weik kel arye peterelamsile. Elda, dipkoprop peterena weik deiyok ning talilirye, peterelule,’ tenebuka, ngalukunmek.

Lukas 2:47

Sik peterena deiyok nang arye elti, asinmekbuk, elce tamubuka sikti, nyanmok yupu nirya kekenmek nang nirya ara, ‘Se yata wiribuka arye ami aning-aning bikam turye laka nyaptu do? Se ami ara, pia kel weik mi,’ tenebuka ngalukunmek.

Lukas 7:1

Yesus arye ninye weik kekenmekak, ayupu nirya akunum nyabukopura, anyasik arye banmoka ani, Kapernaum mutuku biyuk.