Matius 5:21 - Eipomek

²¹ Ayupu nyabukopura, Yesus arye ayupu ton dukdongobuka nyabuk. Minop talak Allah yupu peterelamik nang ati, ‘Ninye talya obuka batakna ara, meme. Ninye talya obuka batakikcopura, yupu bokeibikirye, wenepnamake,’ nyalamik. (Keluaran 20:13) Nyabuka peterelamikba, sik apu yapu kekelamika ati, anggun babye ayupu tuba kekelulume.

Matius 5:21 Referans Kwoze

Ulangan 5:17

Tonda, ninye talye ona meme,

Keluaran 20:13

“Anggun kanye aniryuk yu kibuka ninye talye ona meme,” Allah arye nyabuk.

Matius 5:38

Yesus arye ayupu nyabukopura, ayupu ton nyabuk. Minop arye kekelamlum ning ara, ani. ‘Yuk nang arye, anggun asing tulubuka opsikcopura, anggun babye tamubuka anang sik asing tulubuka onamlulume. Tonda, yuk nang arye, anggun si bana moubuka opsikcopura, anggun babye tamubuka, anang sik si bana moubuka opnamlulume.’ (Keluaran 21:24) Nyalamikba kekelamlume.

Bilangan 35:12

Akintinip deipnamlum mutuku ara, mangkau arye ninye opmakce nang, amutuku binuka, ukceura, obiceba dipmalinye, el tam nang arye, ‘Anye kwang dakuka opnuyabe,’ tenebikce babye, amutuku noutam binuka ulyeura, kum opnamake. Ara meme. Ati, anyasik noutam arye, anye bira telebuk unamle. Aminyan talak ara, aninye obik nang ara, ‘Yata deiyok ati winilayikce obik do?’ tenen, yupu lipsisikina deiyok nang arye, ayupu ton lipsisiknamake. Adeiyok nang arye, Israel ninye nirya sik kekenak arye, ayupu kum lipsisikmace talak ara, aninye obikce nang ara, wenena kume.

Matius 5:33

Yesus arye nyabuk. Ura, Allah yupu peterelamik nang arye anggun apu yapu ati, “Anggunce Allah ati dipkoprop winipnamle,” nyalilulum yupu ara, talya nyaltakana kume. Anggunce Allah ati, “Winipnamabe,” nyabuka nyalalulum yupu nirya ara, “Dibkoprop wininamlulume,” nyalamik.’ Ayupu ara anggun babye kekelulume.

Matius 5:27

Ayupu nyabukopura, Yesus arye ayupu ton nyabuk. “Allah yupu peterelamik nang arye, ‘Kil ubula yoldana meme,’ nyabuka peterelamik. (Keluaran 20:14) Nyabuka peterelamikba, anggun apu yapu kekelamik touk, anggun babye kekelulume.

Matius 5:43

Yesus arye nyabuk. Allah yupu peterelamik nang nyalamikba, anggun apu yapu kekelamik touk, anggun wini talak ululum ninye babye, kekelulume. Ara, ‘Anggun oldalamlum nang ati, lik tenenamlulume. Bukni, anggun dam unyak ninye ati, bicoe tenebuka melinamlulume,’ nyalamsikba kekelulume.

Ulangan 16:18

Sik Israel yala ninye nirya ati, ‘Sik amutuku noutam unamakʼ tenen, Allah arye arepsukba, asik dobuka ululum mutuku nirya ara, aululuma atonun, anyasik noutam arye, anggun yupu lipsisikuka bokolina deiyok nang ton, yuk-yuk wipdeipnamlume. Tonda, Israel nang, anggun unamlum noutam arye, malye upmunyeba, adeiyok nang arye, ayupu kekebikirye, lipsisikuka bokolina pia teleb dipkoprob yupu nyapsikirye, tamubuka tonap teleb kipdeipnamsiyake. Ati, ‘Ninye yupu lipsisikuka bokolina deiyok nang melibuka yupu bokolinamakʼ tenen, adeiyok nang ton wipdeipnamlume.

2 Samuel 20:18

Nyabukura, akil arye tamubuka nyabuk. “Minop talak ara, amutuku dana-dana tam ulamik nang nirya arye nyalamik. Ara, ninye nirya arye, ‘Yata wiriptinye do?’ tenenyak talak ara, ‘Weik tonun kel nang arye, weik kel yupu ton nyapnitingʼ tenen, patapsilyeura, Abel mutuku binuka, asilenamlulume. Winipmunyeura, amutuku nang arye, teleb kel yupu nyanamsiake,” nyalamik. Wilamik deice arye, sik yupu lipsisikuka bolilamik.

2 Tawarikh 19:5

Tonda, el amutuku Yehuda mutuku noutam nirya ara, ‘Yuk mutuku nang arye olyasicak tenen, weik asik domikce, anyasik dana-dana tam, cang keil arye poka domikak binuka, sik amutuku ulamik nang melina ati, binuka yupu tanah deiyok nang erepdeibuk.

1 Yohanes 3:15

Ninye nirya, sikce yuk nang ati, like tenebikirye, yu ubuka wilibuka unyak ninye ara, ninye on ninye atonun unyake. Tonda, anggun kele, ninye onyak nang ara, pia kam una deiyok ning sik talima ak kum ulule.