Matius 27:21 - Eipomek

²¹ Sik ayupu nyalilanmek talak ara, Gubernur Pilatus arye awekmek ninye nirya ati, asipdeyuk. “Abitinye nang ara, yatanye bak lobuka arepnusin do?” nyabuka asipdeyuk. Asipdeyukbuk, “Barabasuk lobuka arepsilyame,” nyabik.

Matius 27:21 Referans Kwoze

Matius 27:20

Nyabuk bukni, sik Allah arena ati deiyok nang ap, Yahudi yala sik deiyok nang, wisi nang ap arye, “Nyapnulyame, nyapnulyame,” nyabuka, yupu nyalinmek ati, sik talye bulubuka wekmek ninye arye kekenmek. Nyalinmek yupu ara, ani. “Barabas ara, lobuka arepsimince, Yesusuk ara, opdeipnamsulume,” nyabuka nyalinmek ati, awekmekce talye kekenmek ninye nirya arye, Pilatus ati, ayupu uk nyapdeibik.

Matius 27:22

Nyanmekbuk, Pilatus arye tamubuka nyabuk. “Aning ati ara, anggunce Ninye Lyena Deiyoknye, Kristus nyanyaknye Yesus ara, na adiparyuk yata wiripnun do?” nyabuka asipdeyuk. Nyabukopura, sik awekmek ninye nirya arye, weik yupu erebuka nyanmek. “Ance nyapminba, wanwanun yo deice deibuka opnuyake,” nyabuka weik yupu arye nyanmek.

Mazmur 88:8

Ara, na malye winilamse ning wenena ati, yu weik upkukba, na nong deice, ikin ning pia weik arye deipnulume. Ara, an yu deice arye, ikin weik arye areniminyeba, nara kum winipmanto unune. Winipmanto ara, laut mekwen noutam, mek weik arye deibuka, welepnin yangalamle atonun, ikin ning ara, na dam tuba yanganulule.

Matius 27:17

Keting tamun nirya Kaplina Kwalina talak arye, ninye tonok lolilamuk anya arye, ninye weik arye, Pilatus dam bulubuka yayikura, Pilatus arye abulupmek nang ati asipdeyuk. “Tonoknye lopdeipnusina ara, Barabas lopdeipnun do? ‘Ninye weik lyeplirye, talinamle,’ nyanyaknye, Kristus nyanyaknye bira, Yesus lopdeipnun do, kum do?” nyabuka asipdeyuk.

Lukas 20:14

Dopkwetebukura, awa tuku tia talye pil dolamik nang dam yanganmokak, eibikce nyabik. “Awa tuku deiyoknye bira diplyeura, el punupnamlanye bira, ayanmal atia. Aning ati ara, nunce el opnamabe. Obibyopura, awa tuku nun bidamang kipdopnamabe,” nyabik.

Lukas 23:13

Pilatus dam dopkwetebikura, Pilatus arye Allah arena ati deiyok nang ap, Yahudi yala nang sik yuk deiyok nang ap, tonda yuk talye daunmek nang ap yukubuk ati, yayikopura, ayupu nyabuk.