Matius 26:35 - Eipomek

³⁵ Yesus arye nyabuk bukni, Peterus arye ila tamubuka mikip arye nyabuk. “Naie kume. An opkikirye, na ton opnitinga babye, nara pia kum bataknamkine,” Peterus arye nyabuk. Peterus arye ayupu nyabuk touk, Yesus el mapu 12 nang nirya babye, atonun nyanmek.

Matius 26:35 Referans Kwoze

Roma 11:20

Ura, aning ara nyapnitinge bukni, luba kina meme. Minyuma yo taruk seklobuk ning deiyok ara, sik Israel ninye diba kum tenyamika deice arye batakuk. Aminyan dukdongobuk yo taruk ara, anggun Yahudi yala kum ninye, tuba-tuba diba tenemunya deice aryuk, tuba ululume. Aning ati ara, ‘Nunda, akunuma. Teleb ninyeuk unyabe’ tenen, anggun bidamang kanye talima erelana meme. Aning kum bukni, ‘Nun diba tenenyap ning ara lik upsilyeba, batakipyak’ tenen, adiparyuk ilil asa arye unamlulume.

Yohanes 13:37

Nyabukura, Peterus arye, “Naio, yata deiyok ati, adiparyuk kum dobolyakitinye do? An melina ati ara, ‘Na opnitinga babye, telebuka,’ tenenune,” nyabuk.

1 Peterus 1:17

Anggun Allah morolulum talak arye, nun Ni nyalulumnye Allah ara, ninye tukwak ninye nirya, sik wininyak ning dipdesilirye, sik wininyak ning atonun yupu bokeipsilirye, wenesulule. Ninye yuk-yuk ulamak touk, yupu bokuka kintinilisulule. Allah arye ninye urasin dipdebuka, ‘Na ka,’ tenena kum aniryuk, nun wininyap touk, yupu yuk-yuk bokuka kintinilisulul anya arye, anggun tukwak mutuku tia unamlum talak nirya ara, ‘Allah elda weik mambule. Malye winibibyopura wenepnamsile’ tenen, ilil uplibuk,pia leibuka diksukumuk unamlulume.

Pilipi 2:12

Aning ati ara, na kayapu, minop talak dipdongobuka, anoutam talak nirya, na yupu kekebuka, teleb kibuka winimunya atonun, pia wininamlume. Tonda na ap, neika ulamubu talak babye, wini talak nun yuk-yuk unyap talak babye, Allah el yupu uk kekebuka, el yupu uk talibuka dobolbalulum touk, apia wininamlulume. Allah arye, ‘Apil winibuka donamak’ tenen, teleb kibuka tenyamsuk touk, ‘Aninguk pataplya ati, apiluk tenebuka donamak’ tenen, anggun kanye talima noutamak melibuka pil dosulule. Winibuka anggun talima noutamak pil dosulul anya arye, anggunce atouk, yuk-yuk tenepmunce, ‘Allah arye lyepnamnil ara, weik mambule,’ tenenamlume. Tonda, ‘Na mikip kumnye birye malye winipnun’ tenen, kanye pia moupnamlulume, na Paulus arye, nyapsine.

1 Korintus 10:12

Nun wini talak unyap ninye ara, yupu sekelongona ati, ayupu sekuka areamsike. Aning ati ara, anggunce, ‘Kume, nunda, akunum diksukumuk ubirye, kanye darapdongobuka unmabe,’ teneplum ninye ara, ‘Mankau asa malye winipmunyeba, Allah arye, wenepsilyak’ tenen, kanye pia moupnamlulume nyapsine.

Amsal 29:23

Teleb kanye bobuka, talima darapdogobuka ululnye bira, namin asa arye ulamlya ani, yuk ninye arye anye biti, eibuka kel kibicopura, ‘Elda teleb ubuka ulule’ tenen, ereibikirye, elti, kanye deibuka kinyake. Bukni, sikce sik bidamnye ati, talima erepdakirye, maknya kiknipdanuka unyak nang ara, yuk nang arye sik wininyak ning, kel kibicopura, anang sik amu tamuk deipnamake. Anang ati, kanye deibuka kum kinyake. Mangkau kilongona uk unamake.

Amsal 28:14

Aning atonun, yata ninye do nirya, malye upmace talak ara, adiparyuk sik kanye talima noutamak arye, ‘Se, nun malye upmabe,’ tenebikirye, adiparyuk amalye un ning bataklamaka ninye ara, Allah arye aninye ati melibuka teleb ulinamle. Bukni, yuk nang ara malye ubikiba, deiyok nang arye, “Nun kayapu, anggunda malye upmalume,” nyabuka wenebicopura, aninye ara, pia talima kat ninye unyaka anya arye, ‘Awenen yupu nun like, kum kekenamabe,’ tenekirye, awenen yupu ara yaninauk unyake. Aninguk wininyak ninye ara, aminyan talak weik ikin ning dopdopnamake.

Keluaran 19:8

Nyabukura, Israel ninye nirya arye, “Telebe nun Ni Allah, el si Yahweh arye nyapmasil yupu nirya ara, aninguk wininamabe,” nyabikba, Musa birye tamubuka anyabik ning ati, Yahweh el dam nyalbiyuk.

Matius 10:33

Bukni, yata ninye do nirya, ‘Yuk nang arye opsikcak’ tenen, “Nada, Yesus el mi kume,” nyabuka batakikce ninye ara, narye na ni dam, “Aninye ara, nati diba kum tenenyaka ati, na mapu kum unyake,” nyapnamne.