Matius 26:33 - Eipomek

³³ Nyabukura, Peterus mikip arye tamubuka nyabuk. “Anang nirya ara anti kanye boktopliba, batakuka bendopkitinga babye, nara kanye bokoltona kumce, kum batakuka bindopnamkine,” nyabuk.

Matius 26:33 Referans Kwoze

Lukas 22:33

Yesus arye nyabukura, Peterus arye tamubuka nyabuk. “Kume naio, wenena aik dongopniting babye, na opnitinga babye, na kanye ara aning telebuka. Na ap an ap, neika unaname” nyabuk.

Pilipi 2:3

Yata winin ning do nirya, ‘Nauk ereipnitinge,’ tenena ap, kwalina ap, maknye kintinilina ap, deice arye, pil kum donamlume. Aning ara, pia kum bukni, anggun adiparyuk talima namin kibuka, amu tam umunce, anggunce yuk ninye nirya ati, ‘Kume na kwit eluk ereiptinge. Nara, mitik mambul bukni, eluk ara weik mambule’ tenen, tenelanamlulume. ‘Weiknye bira na uka,’ tenena kume.

Roma 12:10

Anggunce, yuk ninye nirya ati, ‘Na weit yapu atonun unyake’ tenen, kanye talima deipdamunce, unamlulume. Pia kum batakalanamlulume. Yuk nang ati, ‘E, sikda mambul weik bukni, nara mitik mambulnye unune,’ tenemunce, yuk ninye sik amu tam umunce, aninye ati erepdeipmunce, si erenamlulume. Anggun nirya arye, anggun kayapu nirya ati, kanye deibuka si erelanamlulume.

Markus 14:29

Nyabukura, Peterus kekebukce mikip yupu arye tamubuka nyabuk. “Anang nirya ara, an batakuka bindopkiting bukni, na tonok ara, kum batakuka bikitinye,” nyabuk.

Yeremia 17:9

Ninye kanye talima noutam arye, tenenyak ning ara, laka kibuka kum biktinge. Ninye kanye pum tam ara, dungnubuka talye-talye yupu uk nyasulula ati, pia yuk ulule. Yuk ning ton, tilila yupu nyalul bukni, ninye arye, sik talima noutam arye teninyaka ara, pia malye weik ulula ati, tilila ning ati, ‘Diba,’ tenebikirye, talye ninguk talibuka unyake. Ati ara, ninye arye, sik kanye pum arye teninyak ning babye, moubuka kum biktinge.

Amsal 20:6

Ninye weika arye nyabuka laka nyanyake. “Kume, nunda pia dipkoproba bico tenesinyaba anya arye, anggunti pia kum batakanamsiabe,” nyanyake. Bukni, sik anang noutamak arye, ninye pia weik tam ara, talye yupu nyaltakanyake. Bukni, talye yupu nyaltakana kumce, “Dipkoprop anye bira, na kwit koproba, na talimanye ulule,” nyabuka, pia bico tenesilirye, kum batakasululnye bira, pia elti, eiptibye bukni, anye bikilul touk, yuk nang ton weik kum unyake. Dipkoprop bico tenesinyak ninye ara, tonok-tonok uk unyake.

Mazmur 17:5

Diba na ni, ance, ‘Aning ara, wininamlume. Aning ara, pia kum wininamlume,’ nyapdeipsulum yupu, pia moubuka talinirye, dipkoprob uk wininune. Winipmanto ara, ninye arye kat tuku deice arye, bisik talye mangkau asa banmakirye, yan dum dukliba, kum saklamaka atonun, kum wininune. Ance nyapdeiamsulum yupu ara, pia moubuka kekenuna ati, malye kum wininune.

Yohanes 21:15

Sik nirya akunum dibikura, Yesus arye Simon Peterus ati, ayupu nyabuk. “Wisinye Yohanes arye deipkuk mi, anda Simon Peteruso, anang ara, kanye delininyak bukni, an dan do? Ance nati weik arye kanye delinilyam do?” nyabuka asipdeyuk. Asipdeyukura, Peterus arye, “Diba, naio, an kele. Narye anti, ‘Na du koprop’ tenen, kanye delikunune,” nyabuk. Nyabuk bukni, Yesus arye tamubuka domon yupu deice arye, “Ati, na domba ati, sik din arenamlyame,” nyabuk.

Matius 26:32

Zakaria birye nyalilamuk touk winipnamnulume. Bukni, na dipmanya ani, kam buknyopura, na minopce Galilea tam binmaniba, anggun aminyan yanamlume. Yesus arye nyabuk.

Matius 26:34

Nyabukopura, Yesus arye Peterus ati tamubuka nyabuk. “Kao, dipkoprop nyapkine. Arup lukunyan ara, yim ayam min kum kamupmalye talak ara, an babye like winilye deice arye, nati, ‘Anye bira, na walwale,’ nyabuka palibuka, bataknamanilame,” nyabuk.