Matius 26:32 - Eipomek

³² Zakaria birye nyalilamuk touk winipnamnulume. Bukni, na dipmanya ani, kam buknyopura, na minopce Galilea tam binmaniba, anggun aminyan yanamlume. Yesus arye nyabuk.

Matius 26:32 Referans Kwoze

Matius 28:10

Winiprikba, Yesus arye ayupu nyabuk. “Anggun ilil una meme. Na mapu dam birumunce, na weit yapu ati nyaprurume. ‘Galilea tam bimunce, Yesus ap epdanuka eipnamlume,’ nyabuka laka nyalbinururume,” Yesus arye nyabuk.

Matius 28:16

Aning nirya akunum winibukopura, Yesus elce wipdeiyamuk nang, sik 11 nang ara, Yesus arye, ‘Na nyapsinye mutuku, amutuku binamlulume,’ nyapdeibuk touk, Yerusalem mutuku batakuka, Galilea tam noutamak, Yesus arye nyapdeibuk mutuku tamubuka biyik.

Matius 20:19

Arepnikcopura, nong bola deice nalibuka ngilikna ap, maka tuluna ap, kama arye nong deice kulana ap, winipnikirye na nong dobuka, wanwanun yo deice arye opnamniyake. Opnikcopura, dipmanya ani, like winilye sum akunum uplyopura, Allah arye tamubuka kam bukeipnamnile,” Yesus arye nyabuk.

Markus 16:7

Asukum kum unmale ati, elce wipdeiamuk nang, sik 11 nang ap, tonda Peterus ap, ati, ayupu laka nyalbinululume. ‘Yesus arye, ‘Wininamne,’ nyapdeipsuk touk, el minopce Galilea tam binmalibuk, anggun aminyan bimunyeba, el ap, ansinibuka epdanamalum,’ ati ayupu nyabuka laka nyalbilulume,” nyabuk.

Markus 14:28

Bukni, na dipmanya ani, kam bukyopura, na minpola Galilea tam binmaniba, anggun aminyan yanamlume,” Yesus arye el mapu ati nyabuk.

Matius 16:21

Yesus arye anyapmok yupu moupdeibukce, el nong deice ikin ning deipnamik ning ap, kanye imun ning upnamuk ning ap, el mapu 12 nang ati, deiyok koubuka peterenmokce nyabuk. “Nara, Ninye Mi Koprop Atonunye unune. Narye Yerusalem mutuku binyopura, sik Yahudi yala nang sik deiyok nang ap, Allah arena ati deiyok nang ap, Allah arye, ‘Winamlulume, aning kum wininamlulume,’ nyapdeibukba, Musa arye sekeiyamsuk yupu, mem yupu peterena deiyok nang ap, anang nirya arye nati, ‘Nun like’ tenen, bataknikirye, ikin ning weik na nong deice deipnikirye opnamniyake. Opnikcopura, dipmanyani, weipnikcopura, like winilye sum arye, ila tamubuka Allah arye kam bukeinamnile,” nyabuk.

1 Korintus 15:6

Aning akunum winibukopura, aminyan ara, elti, dib tenyamik nang, sal babye, kilapu babye, yupa weik 500 ninye bulubuka unmekak panabuka tikukba, sik tonok talak aryuk Yesus eibik. (Atalak eibik nang ara, weik talak ara, tuba kam unyak bukni, ton nang ara, akunum dibik.)

Matius 26:33

Nyabukura, Peterus mikip arye tamubuka nyabuk. “Anang nirya ara anti kanye boktopliba, batakuka bendopkitinga babye, nara kanye bokoltona kumce, kum batakuka bindopnamkine,” nyabuk.