Matius 25:4 - Eipomek

⁴ Sik winibik bukni, sik kel kilapu ton tam pamubarye kilapu arye, sik lampu pelita bobinmek. Tonda, ‘Aminyan minyak mek tonap dikdongopnamap’ tenen, uku mek makau dobuka, uku mek dokola ning ton, kintinibuka bobinmek.

Matius 25:4 Referans Kwoze

Roma 8:9

Sik malye ninguk tenebuka unyak ninye ara, wininyak bukni, anggun Roma mutuku tam noutamak umunce, akunum diba tenelulum ninye ara, aning atonun kum winilulume. Deiyok ara, Allah El Dib Kanye arye, anggun kanye talima pum tam akunum weksukba, kanye talima dukdongobuka ululum ninye ara, Allah El Dib Kanye arye anggun talima talisiliba, ululume. Nun babye atonun unyabe. Allah elcuk talisiliba unyaba anya arye, nun talima pum tam malye una deiyok ning awabsilya babye, aning arye nun kanye talima kum talisulule. Bukni, yata ninye do nirya, Kristus el Sambala ap neika sik talima dukdongobuka kum unyak ninye ara, dipkoprop Kristus el mapu kum unyake. Sikda, talye nanguk unyake.

1 Yohanes 2:27

Bukni, anggunda Allah El Dib Kanye Yesus arye arepsuka ara, anggun talima ak, wekamukce, tuba ulula ati, talye ninye arye nyapsitinge yupu ara, kum patasulule. Anang nyasikce yupu ara, kum kekenamlulume. Bukni, Allah El Dib Kanye arye, aning-aning nirya peteresulule. Aning nirya peteresilye ning ara, moubuka kekenamlulume. El babye, el peterelye ning babye, talye kum, dipkopropuk ulule. Ati ning ara, elce peteresilye yupu uk, kekebuka dobolbalamunyopura, Yesus ap neika uk unamlume, nyapsine.

Yohanes 3:34

Allah arye tukwak mutuku dopdeipsuknye, elce talye yupu kume. Allah el dipkoprop yupu nyasulule. Allah arye anye biti, el Dib Kanye weik arye arilule. Ara mitika arye bokuka arena kume. Kum nukmanto pia weik, Allah arye el mikip ariliba, im deice arye tukwak mutuku yayuknye birye amikip dololule.

1 Yohanes 2:20

Sik abataksik nang ara wininyak bukni, anggunda kume. Yesus ara, malye winina ning tonok babye kum ulule. Allah arye el Dib Kanye ara, Yesus arye arepsukbuk, anggun talima ak weksuke. Tonda, anggun nirya, el dipkoprop yupu akunum kel kiplume.

Mazmur 45:7

Se an ni Allah, an weik tonun, aning-aning nirya talibuka, nun ninye deiyoknye ulyam ning ara, pia aunalame. Aning ara, pia kum, kum datue. Ance ninye deiyoknye kina ati, emas kama dopmince, nun ninye tukwak nang ati, yupu lipsisikuka bokeipsimince, ‘Wininamlume,’ nyabuka, yupu nyasilyam ning ara, pia telebuk ulule. Ninye yupu lipsisikuka bokolina ati, ance, ‘Na kwit’ tenen, tenebuka arye, kum nyasilyame. Pia dipkoprob yupu uk nyapsimince, yupu lipsisikuka bokolisilyame.

Yudas 1:19

Sik anang ara, Allah El Dib Kanye sik kanye talima pum tam kum ulula anya arye, sik tenebice touk, malye ning wininyake. Awininyak deice arye, nun diba tenenyap nang noutamak, kanye talima yuk-yuk bokolisinyak arye, nun mamun babye, neika kum unyabe.

2 Korintus 1:22

Winipmanto ning ara, basam amul sekikceba, yuk nang eibikirye, ‘E abasam ara, el ning’ tenen, kel biklamak touk, Allah arye nunti lakilin ning arepsuke. Ara, yuk ninye arye, nunti, ‘Anang ara, Allah el ning, tenepnamak’ tenen, Allah arye el lak kilin ning nun deice deipsuke. Winipsukce, ‘Aminyan talak ara, winipnamle ning, dipkoprop winipnamsile, tenepnamak’ tenen, kil taruk muruna atonun ning ati, minopce el Dib Kanye dobuka, nun talima ak dongopsuke. Ara, minopce areamsuk ning ati nyapsine.

Matius 7:24

Yesus arye nyabuk. Ura, ‘Na nie,’ nyabuka, talya nyaltakaninyak nang ati, “Anggunda na walwale,” nyapnamne, nyapmasina aning ati ara, yupu tonap nyapnusine. Yata ninye do nirya, na nyasinye yupu kekebikirye, aninguk wininyak ninye ara, aik dona pia weik kel nang atonun unyake. Anyaik dona kel nang ara, ‘Anyaik dopnun’ tenen, tuku palibuka mutuku yangan keil deice ayukumna yo ikuka aik dobuke.

Matius 10:16

Domba basam tonok bai kam weik ulamice kan-kan ulyopura, bai kam arye domba basam opmanto ulye touk, narye dopdeipsiniba, na yupu bobuka peterelbimunyopura, kanye talima malye kanye bobikirye, yu ulul nang arye, na mapu anggun nong deice ikin ning deibuka, opmanto unamsiake. Aning ati ara, ninye ton kwatima arye, kanye wisibuka ulamle touk, anggunce aning-aning nirya ati weik kel kipmunce, kanye pia moubuka unamlulume. Tonda, yu upsiliba, yu asa una kum bukni, yalma maka talima namin asa ulirye, ninye kum opmanto ulamle touk, anggunce talima namin asa ubuka telebuk unamlulume.

Matius 25:2

Sik kam kilapu 10 noutamak bukni, pamubarye (5) kilapu walwal kilapu ulamik. Ton pamubarye kilapu, kel kilapu ulamik.

Matius 25:3

Sik walwal kilapu pamubarye, sik weisa lampu el si pelita bobuka banmek bukni, minyak mek uku dibuka sirya dakukopura, ‘Aminyan punubuka dikdongopnamap’ tenen, dokola ning ton kwebuka, kum bobinmek. Aning kum tenebik.

Matius 25:5

Sik nirya arye weisa dobuka, ‘Kil dopnamuka deiyoknye yaliba epdanamap’ tenen, aik pum arye, bulupmekce, daunmek bukni, wi weik upmok ati, mapmek. Kil dopnamuka deiyoknye nimalye arye yanganmoka ati, sik nirya wi talipmoka ati mapmek.