Matius 17:17 - Eipomek

¹⁷ Nyabukura, Yesus ayupu kekebukce, atikmek nang nirya ati lik ubukba, ayupu nyabuk. “Anggun atalak umunye ninye ara, dib kum tenelulum ninye anya arye, pia malye winilulume. Na lik ati, ‘Yata barye talak arye anggun dam tuba unamne do?’ Tonda, ‘Teleb unamak do?’ tenen, batakna kumce, yata barye talak arye pia dinamsin do? Ati, isa talyamuk mi ara, dobuka na dam boyalulume,” Yesus arye nyabuk.

Matius 17:17 Referans Kwoze

Bilangan 14:11

Atalak ara, Allah el si Yahweh arye, Musa biti nyabuk. “Dan talak arye, sik akilisal arye nati, ‘Elda talye nyaltakasulule,’ nyabuka malye yupu nyaninyak do? Tonda, narye ninye winipmanto kum pil weik, sik dam dolamseba elilamik bukni, yata talak arye, nati dib tenepnamniak do?” Allah arye nyabuka asibuk.

Matius 6:30

Bukni, Allah arye akait el urasin pia teleb ubuka kwelilule. Ati, aning ara mambul kum ning bukni, anggun tukwak ninye ara, weik mambul ululuma ati, Allah arye anggun patapsilye baju babye, melibuka arenamsile. Bukni, anggunce Allah ati, weik arye diba kum tenelulume. Anggunce, ‘Nun patapsilye ning, Allah arye arenamsile,’ tenen, diba tenelulum ning ara, mitik anunuk usulule.

Rasul 13:18

Menekuka bobiyukura, sik aninye arye Allah ati malye winilamik bukni, keting tamun yupa ara, 40 tahun deice arye, sikda mek kum mutuku anya arye ninye kum ulamik mutuku, yinim mutuku noutamak balamik talak ara, kum bataklamukce pia melilamuk.

Markus 16:14

Daunmeka ani, yuk talak ara, Yesus arye 11 wipdeiamuk nang din dibuka wekmek aik noutamak, Yesus talye karin arye panabuka tikilyayuk. Tikilyayukce asebelas nang ati wenebuk. Ura, Yesus min kum obik talak, kam ulamuk talak arye, ‘Na dipmanya tamubuka kam buknamne,’ nyalamukbuk sik mitik touk diba tenelamika anya arye, el akunum dibukopura, sikce, ‘Kume, akunum dipmale,’ tenebika ati wenebuk. Ton ning ara, Yesus akunum kam bukukbuk, eibik nang, weika arye laka nyanmekbuk, malye kibuka, mankau kanye bobukabikce, diba kum tenepmek ning ati wenebuk.

Markus 9:19

Nyabukura, Yesus ayupu kekebukce, atikmek nang nirya ati lik ubukura, ayupu nyabuk. “Atalak umunye nang ara, diba kum tenen, ululum nang ati, yata wiribuka talak arye apia unamne do? Tonda, ‘Teleb unamak do?’ tenen, batakna kumce yata wiribuka talak arye pia dinauk wininamsin do? Ati, ami, na dam boyalulume,” nyabuk.

Matius 13:58

Yesus el mutuku koprop nang arye, elti, lik ubuk ning ati ara, amutuku noutamak nirya ara, ninye sirya dakna pil ap, ninye kum winipmanto ning ap, weik arye pil kum dobuk. Mitik anunuk pil dololamuk. Winibuk ning ara, Nasaret mutuku noutamak ulamik ninye nirya, sik dib kum tenebik ati, Yesus arye el mutuku kopropa noutamak ara, ninye kum winipmanto pil weik arye kum dololamuk.

Matius 8:26

Nyabikopura, Yesus arye tamubuka nyabuk. “Anggun ilil unmaluma ara, yata deiyok ati do? Nati, mitik tonunuk diba tenepmanulume,” nyabuk. Yesus nyabukopura, bukukabukce, ayenya donmoka ap, mekwen lonting-lonting nyanmoka ap ati, “Tunimaplyame,” nyabuka, yupu sekuk. Yupu sekukopura, atalak aryuk, amekwen lonting-lonting nyanmoka ap, ayenya ap, tunim abuk.

Amsal 1:22

Se, anggunda walwal ninye uk ululume. Kanye bona kumce, pia walwal deice aryuk umunye ning, pia malye weik ulamunye ning atibuk, kanye deibuka ululume. Yata talak tonap, amalye winin ning ati, kanye deibuka unamlum do? Anggun yep-yep alulum ninye ara, yata talak arye, yata karin arye tonap, talye kanye deibuka, yep-yep tuba nyanamlum do? Anggun kel bikna deiyok ning ati, ‘Nun like’ tenen, walwal kanye bobuka umunye ninye ara, yata talak karin arye tonap, walwal un ninguk winiltakanamlum do? Aning atonun, dan talak na nyasinye yupu ati, moubuka kekepmunce, kel biknamlum do?

Bilangan 14:27

“Sik Israel kili sal arye nati, ‘Se, Allah arye ikin ning arenmasile. Aning ara nun like,’ nyabuka, nati malye yupu nyanyak nang ara, akunum kekepse. Dan talak ton, sik Israel kili sal malye unyak nang arye, nati malye yupu nyanamniak do? Sikce malye yupu nyaninyak yupu ara, akunum kekenune.

Keluaran 10:3

Nyabukopura, Musa ap, Harun ap, sik Firaun dam birikce nyaprik. “Nun Ibrani ninye talibuka melisilye Allah, el si Yahweh arye, nyapmakile. ‘Yata talak arye ton, talima namin una kum arye, malye kibuka bisina uk umince, na amu tam kum unamlam do? Na mapu Israel ninye arye, na si erepnamniak’ tenen, ance sikti, lopdongopminba, yukak binamake, nyapkine.

Yohanes 20:27

Yesus arye nyabukopura, Tomas ati nyabuk. “Tomaso, na taruk tatang dila ara, an taruk arye talipdenilyame. Na nong dipdenimince, na yace yok luknika dila deice talipdenilyame. ‘Dip do, telela do?’ tenen, kanye teniltonauk unmalama ara, bataklyame. Diba teneplyame,” Yesus arye Tomas ati nyabuk.

Lukas 24:25

Nyaprikura, Yesus arye tamubuka anang ati nyabuk. “Anggun walwal nang ululum ani. Anggun Allah yupu laka nyalamik nang nabi-nabi nang arye sekamik yupu ara, diba kum tenelulumce, lik asa kel bikilulume.

Lukas 9:41

Nyabukura, Yesus ayupu kekebukce, atikmek nang nirya ati lik ubukura, ayupu nyabuk. “Anggun wini talak ululum nang ara, dib kum tenelalum nang ati, yata talak arye, pia aunamne do? Tonda, ‘Teleb unamak do?’ tenen, batakna kum arye yata weribukap talak arye pia neika unamap do? Ati, ami ara na dam boyalulume,” nyabuk.

Matius 16:8

Sik yupu talipdanmek ning ara, Yesus kekebukce, sikti, nyabuk. “Anggunce, ‘Se, Roti din ning kum lipmaba ati, nyapmasile,’ nyapmaluma ara, yata ati do? Anggun asing elina ap, amul kekena ap, moubuka kum tenepmalumce nyanmalum do? Anggunce nati mitik anunuk dib tenepmanulum nang atia. Mitik anunuk diba tenepnulum deice arye, na nyasinye yupu kum kekepmanto nang unmalum do?

Yeremia 4:14

Yerusalem mutuku nang ati nyabuk. Anggun talima noutam arye, malye un ning tenelulum ning nirya ara, adiparyuk bataknamlume. Winipmunyeba, narye anggun nirya ara, lyepropnamsine. Yata talak arye do, anggun talima noutam arye malye teneplulum kanye ara, pia delinamlum do?

Keluaran 16:28

Dipdeyikbuk, kum eibikba, Allah el si Yahweh arye Musa biti nyabuk. “Ura, ‘Tek sum aning elbana kume,’ akunum nyapsise bukni, yata talak karin ton, narye ‘Aning ara wininamlulume, aning ara kum wininamlulume,’ nyabuka deresinye yupu nirya ati, anggunce kekebuka talye kanye bobuka unamlum do?

Amsal 6:9

Ati ara, anggun babye aning atonunuk, wininamlulume. Pil dona walwal arye maltakna uk ululnye bira, pia amaplopnalam do? Amaplopmaminya ani, dan talak buknalam do?

Mazmur 95:10

Awinilelamnik ning ara, keting tamun yupa tonok, keba odeikin, 40 puluh tahun noutamak nirya, anggun apu yapu bisik yangalamik talak ara, malye weik winilamika anya arye, narye sikti, yu ulamnukba, pia malye kanye bolamse. Tonda, narye sikti, nyalamse. “Narye nyalilamse yupu ap, diksukum ubuka winilamse ning ap ara, moubuka kum tenyamikce, talye kanye bobuka, malye winipnin yangalamikba, yu ulamnuk.

Ulangan 32:5

Winilul bukni, wini talak ninye ara, el dam malye ning wininyak nang ara, el mapu tuba kum unyake anya arye, alye weik asa unamake. Wini talak unyak ninye ara, Allah kum tenelye bisik, kwalin bisikuk yakce ninye arye, malye weik wininyake.

Yesaya 19:14

Allah Yahweh, elce sik Mesir mutuku nang deiyok kibuka talinyak nang ati ara, kanye walwalamak ning arebukba, kanye boktobukce walwal asa uk unyake. Winibuka ati, sik Mesir mutuku talibuka ninye deiyok nang nirya arye, walwal uk ukirye, Mesir mutuku unyak nang nirya ara, talye bisik bobuka binamake. Winipmanto ara, yu mek din nang, kanye walwalabuka, bisik banmace talak obinuka, abinuka balamake. Tonda, sik mining dukna deice uk malamak touk, Mesir mutuku deiyoknye babye atonun, pia walwal kanye bopnamle.

Matius 17:16

Winilya ati, ‘An mapu arye, aisa yakdonoknamak’ tenen, moropman bukni, sikce aisa kum yakdonokmake.” Isa talyamuk mi el li birye Yesus ati nyabuk.

Matius 17:18

Yesus arye nyabuka ati, anang arye ami dobuka, Yesus dam boyayik. Boyayikopura, ami talyamuk isa ati, Yesus arye nyabuk. “Ami talimak talipluma batakmince, kutukuka bilyame,” nyabuka yakwetebukopura, atalak aryuk aisa ami talimak arye kutukuka biyuk. Biyukopura, ami teleb ubuk.

Rasul 2:40

Nyabukce, wenena ap, laka lena ap, weik nyabuk deice arye anang ati nyabuk. “Anggunda anang atalak pia malye wininyak ninye kan-kan arye, lyepdamunce, Allah dam banamlume.” Nyabuk ning ara, ‘Allah arye oplyak’ tenen, yupu sekuk.

2 Korintus 11:1

Ara, na kayapu. Narye mitik anun walwal nang arye talye-talye nyaltakalamak touk nyapnyopura, ‘Talye lamapdongobuka kekepnamlum’ tenen, moropsine.