Matius 17:14 - Eipomek

¹⁴ Sik welepmek mutuku deice arye koulukikce, amutuku amu tam bataka binmek nang unmeka dam yayik. Yaikopura, Yesus el mapu tupne barye bataka binmek nang ap, yuk nang ap, unmekak yayik.

Matius 17:14 Referans Kwoze

Markus 1:40

Tonok sum ara, weik barye suse atonun suse, el nong bola nirya dilamuknye, Yesus dam kutam tuku dipdongobuka bulyayukce, Yesus ati morobuk. “Anye bira kwetepnune, tenepnutumtoura, adiparyuk kwetepnutume. ‘Ati, kwetepnamnilam’ tenen, moropmakine,” nyabuk.

Markus 10:17

Yesus arye amapu nirya ati Allah akunum morobukura, sakwetebuka bayuk bukni, bona weik talinanye tonok bik-bik abuka Yesus dam biyukce, Yesus el si erena ati, kutam tuku dibuka Yesus ati asipdeyuk. “Anda peterenanye, telebnye ulyame. Bol koplobuka pia kam Una deiyok ning, narye yata wiribuka doproptinye do?” nyabuka asipdeyuk.

Matius 17:13

Nyabukopura, el mapu arye, ‘E, nabi Elia atonunye nyapmala ara, Yohanes arye dib tenen, ninye dobuka mek dongolamuknye biti, nyapmasila’ tenen, kel kibik.

Rasul 21:5

Paulus ati malye nyabik bukni, nun mek bukna yo binuyuk talak ara, akunum ubukopura, sik asik-asik nirya nun mapmapu aik batakuka banmapu ani, amutuku Yesus diba tenebik nang ap, sik kilapu ap, sik mapu ap nirya, asik bisibuka neika banmapu ani, laut mekwen kup-kup bipopura, nun nirya mek wininga deice gutam dunukdongobupurye, Allah morobupu.