Matius 1:24 - Eipomek

²⁴ Malaikat arye ayupu nyapdeibukba, Yusuf bukukopura, Allah el im deice pil donanye amalaikat arye, “Winiplyame,” nyapmok touk, Yusuf arye Maria dobukura, neika ulamrik.

Matius 1:24 Referans Kwoze

Yohanes 15:14

Narye anggunti, “Aning wininamlulume, aning ara kum wininamlulume,” nyalisinye yupu, dipkoprop kekebuka winipmunyopura, narye, “Anggunda na weitcapu nang koprop,” nyanamsine. Narye nyasinye yupu kum kekepmunce, batakmunyopura, ‘Anggunda na weitcapu nang,’ nyabuka kanye kum delinamsine.

Keluaran 40:32

Allah si eren aik, cang kain aik wekelbinuyik talak ap, tonda ‘Allah arye nun malye ning ati, namin kipsutue’ tenen, kam ning obuka uku dalamik ning ati, pala keil lelebuka yangapdeibuk dam binun talak ap, sik taruk ap, yan ap, mek liklamik. Aning winilamik ning nirya ara, Allah arye nyabuk touk winilamik.

Keluaran 40:27

Emas marikna deibukopura, aning deice uku sekuka Musa birye nintong teleb ning, uku dalamuk. Awinibuk ning ara, Allah arye nyabuk touk winibuk.

Keluaran 40:25

Weisa delinak akunum kintinibukce, Allah arye Musa biti, “Aning ara, winipnamlyame,” nyapdeibuk touk, weisa ton deibuk.

Keluaran 40:19

Aning nirya akunum kintinibikopura, akunum kintinipmek cang kain aik pum ning ara, dobukabikce, ayo deice kalupdeibik. Anyaik noutamak ap, bai tam ap, nirya dobik ning ara, Allah arye nyabuk touk, aning nirya deice tam, kat baju ton dobuka, kalupdongobik. Aning nirya ara, Allah arye Musa biti, “Aning ara winipnamlyame,” nyabuk touk winibuk.

Keluaran 40:16

Allah Yahweh arye, Musa biti, “Apil nirya ara, winibuka-winibuka dopnalame,” nyamuk ning nirya ara, Musa bira ayupu nyabuk touk ubuka, apil nirya dobuk.

Kejadian 7:5

Allah el si Yahweh arye nyabuk touk, Nuh bira, aninguk winibuk.

Kejadian 6:22

Allah arye Nuh biti, “Aning winipnulyame, aning winipnulyame,” nyapdeibuk touk, Nuh birye, aninguk winibuk.

Matius 1:23

Yesaya arye nyalilamuk yupu ara ani. ‘Ninye dona kum kil arye, mi bomlya ani, sal mi deipnamle. Deiplyopura, el si ati Imanuel nyanamake. Imanuel nyanamaka ara, ‘Allah ap, nun ap, neika unyapnye’ tenen, nyanamake.’ (Yesaya 7:14)

Matius 1:25

Yusuf arye Maria domuk bukni, akil ap neika mana kum diparyuk, Allah El Dib Kanye mikip deice arye sal mi deibuk. Sal mi deibukopura, Yusuf arye, “Ami el si ara Yesus,” nyabuk.

Rasul 5:19

Wenena aik dongobik bukni, alukunyan noutamak arye, Allah el im deice pil donanye malaikat tonok yayukce, awenena aik buplan kukuk ak arye, anang nirya dobuka buru tam bobiyuk.

Rasul 12:7

Peterus ap, sik neika mapmarik yin nang ap, mapmekbuk, Allah el im deice yupu lak lenanye, malaikat, talye karin arye awenena aik pum bisik kutukuka tikilyayukura, dirina weik ubuk. Allah el im deice yupu lak lenanye birye, Peterus el nong yanuka bolpipdongobukce bukibuk. Bukibukce Peterus ati nyabuk. “Minpola buklyame,” nyabukura, Peterus taruk nakup ak kawat rantai tapu kirikdongopmeka lopsakuk.