Markus 9:7 - Eipomek

⁷ Sik amutuku dup unmeka ani, dua arye siktikmek mutuku nirya lipdongobukura, adua kan-kan Allah arye ayupu nyabuk. “Aunmalnye bira, na Mi Koprop uplibuk, elti, na kanye pia delinune. El yupu pia moubuka kekenamlulume,” nyabuk.

Markus 9:7 Referans Kwoze

2 Peterus 1:17

Nun pi asing kopropa arye eibupu ning ap, amul arye kekebupu ning ap nyapnusine. Ara, nun ni Allah arye Yesus ati, “Anye bira, na Mi Koprop ulule. Elti na bico tenepnirye, elti, na kanye deipne,” nyabuka deice arye, Allah arye Yesus ati si erebuka, el si weik aribuk. Allah pia telebnye, weik mambulnye birye, im deice arye ayupu nyapdeibukura, nunce kekebupe.

Matius 3:17

Bulyayukopura, Allah im deice arye ayupu nyapdeibuk. “Anye bira, na Mi Koprop ulule. Narye elti, pia bico tenenuna anya arye, elti, na kanye pia deilinune,” Allah arye nyabuk. Nyabukopura, Allah El Dib Kanye arye, Yesus talima noutam nyapdeibukba, Yesus ara ninye pia kum ulamik mutuku, pata mutuku noutamak biyuk.

Markus 1:11

Bulyayuk talak ara, Allah im deice arye ayupu nyabuk. “Anda na Mi Koprop ulyame. Na anti, pia bico tenekinirye, na kanye pia delikunune,” Allah arye nyabuk.

Wahyu 1:7

Anggun moubuka kekenululume. Aminyan talak dua kan-kan noutamak yanamsil talak ara, ninye mutuku-mutuku nirya arye eipnamake. El obik ninye babye, eipnamake. Yesus yaliba, el obik ninye ap, yuk ninye nirya ap, sik asing eibikirye, el obikba, dibuk ning ati malye kanye bobuka engenamake. ‘Dipkoprop Yesus Kristus eibikirye engenamak’ tenen, na Yohanes arye, “Amin,” nyapsine.

Ibrani 2:1

Arup akunum nyapmasin yupu nirya aupmala ati ara, peteren nang arye peterelamsikba, kekelamubu yupu ara, pia kanye moubuka tenenamabe. Ara, ‘Mangkau kanye bobuka, walwal arye, Allah arye nyapdeipsuk bisik batakuka, yuk malye bisik kirikuka bipyak’ tenen, nyapsine.

Yohanes 20:31

Bukni, abuku noutamak sekuka deipse yupu nirya ara, talye ati kum sekse. Ayupu nirya kekebikirye, ‘E, Yesus ara, dipkoprop Ninye Lyena Deiyoknye, Kristus ulule. Elda, Allah el Mi Koprop dipkoprop ulule’ tenen, dib tenebiceura, ‘El si deice arye kam pia unamlum’ tenen, abuku sekeipsise. Na Yohanes arye nyapsine.

Yohanes 6:69

Nun kel bikuburye, anti akunum dib tenekinyabe. Allah arye dopdeipsukba, Diksukum una deiyoknye bira, an tonoka. Yuknye kume,” nyabuk.

Yohanes 1:34

Aning eipse ati, narye anggunti laka nyapsine. Ayanmalanye Yesus ara, Allah el Mi Koprop ulule.” Yohanes birye nyabuk.

1 Yohanes 5:20

Ton kel kibupu ning, ton nyapnusine. Ara, ‘Sikda Pia Dib Koprop Allah, diba tenebuka talipnamake’ tenen, Allah el Mi Koprop Yesus yayukce, kel kina deiyok ning akunum arepsuke. Pia Dib Koprop Allah ap, nun ap, talima dukdongopsukba neika unyabe. Aninguk kume. Allah el Mi Yesus Kristus el bidamnye ap, nun ap, talima dukdongopsukba, neika unyabe. Yesus Kristus elda, Dib Koprop Allah el nong tonok ulule. Tonda, elda, Pia Kam Una Deiyoknye ulule.

Roma 1:4

Yesus Kristus ara akunum dipmok bukni, Allah arye Yesus ati tamubuka kam bukeibuka deice arye laka kipdeipsuke. Ara Allah El Dib Kanye mikip deice arye nyapsuke. “Yesus ara Allah el Mi Kopropa ulule. Allah el malye winina kumce, pia telebuk ulul touk, el mi kopropa Yesus babye, malye un ning tonok babye kum winilirye, pia diksukumuk ulule. Elda pia mikip weik unamle,” nyabuka, laka kibuka ayupu laka nyapsuke. Lakak kibuka deipsuknye bira, yuknye kume. Elda, nun Deiyoknye Yesus Kristus el tonok ulule.

Rasul 8:36

Apia peterepnin banmoka ani, bisik noutam mekwen deiyamukak birikopura, anye birye nyabuk. “Mekwen mening dam deibuka ati, adiparyuk mek dongopnutum do? Na talye ning ton aupmanil do? Kum do?” nyabuk.

Rasul 7:37

Anyapmasin Musa ara, elcuk Israel ninye ati ayupu ton nyabuk. ‘Nara, Allah el yupu laka nyananye nabinye ulamse touk, Allah el yupu laka nyanamsilnye, anggun yala nang kan-kan arye anggunti arepdeipnamsile,’ Musa arye nyabuk. (Ulangan 18:15)

Rasul 1:9

Yesus ayupu akunum nyabukopura, sik adinmek talakuk, Allah arye Yesus dobuka im deice welenmoka ani, dua kan-kan wekukopura, dua arye singnipdongobukura, sik kum eibik.

Yohanes 19:7

Nyabuk bukni, sik Yahudi yala deiyok nang, weik arye nyanmek. “Kume, nun apu Musa birye sekeiyamsuk yupu, amem yupu noutamak nyasilye yupu ara, anye birye yanipsuka ati, adiparyuk opdeipsilyame. Elce, ‘Nara, Allah el Mi Koprop unune,’ nyabuka deice arye, nun mem yupu yanipsuka ati, opdeipsilyame,” nyabik.

Yohanes 9:35

Farisi nang arye yu ubukba, asing kuamukbuk, Yesus kwetebuknye dobuka, bai tam dopkwetebik ning ara, yuk nang arye nyalbiyikba, Yesus kekebuk. Aminyan talak Yesus ap, asing kuamukba, akunum kwetebuknye ap epdarikura, Yesus arye anye biti nyabuk. “An dan do? Ninye Mi Koprop Atonunye ati, diba tenelyam do?” nyabuka asipdeyuk.

Yohanes 5:37

Aninguk kum bukni, anggun ni koprop Allah dopdeipnuknye bira, elce nati, “Anye dipkopropnye ulule,” nyanulule. Bukni, anggun Farisi nang ara, el nyalye yupu kum kekelulume. Tonda, el nong pia kum elilulume.

Yohanes 5:18

Nyabuka ati ara, amutuku Yahudi yala deiyok nang arye yu ubukba, ‘Yesus optibye’ tenen, patalamuk. Deiyok ara, Yesus arye sik pil dona kum sum, Sabat sum pil atonun ning winilamuka ati tenelamik. Aning ara mambul bukni, weik mambul tenelamik ning ara Yesus arye, “Na Ni Koprop Allah,” nyabuk deice arye, sikce, ‘Se, anye bira, “Nara, Allah ulye touk unune. Nun ansinibuka unyame,” nyalule. Anyalul yupu ati ara, pia malye ubuka, Allah yanina atonun ulule,’ tenebik. Utenebik ati, ‘Yesus ara, wenebuka optibye,’ tenelamik.

Yohanes 1:49

Nyabukura, Nataniel birye mambul kanye bobuka nyabuk. “Se, anda Peterena Deiyoknye, Rabinye dipkoprop ulyame. Na kele, anda Allah el Mi Koprop ulyame. Anda Israel yala ninye nun weik ninye deiyoknye, Sisinanye Raja unamsilame,” nyabuk.

Matius 27:54

Yesus weik arye ngalukukce, el dipmok talak ining mek lokuk ning ap, ton asum winibuk ning yuk ning nirya winibukba, yuk nang ton eibik. Tonda, tonoknye, yin talin nang yupa weik, 100 nang talyamuknye, Yesus wanwanun yo deipmeka deice tam tikuka dinmoka anya arye, el ap neika unmek ninye ap, sik nirya eibikce, ilil weik ubuk ati, ayupu nyabik. “Se, anye bira, dipkoprop Allah el Mi Koprop ulamuke,” nyabik.

Matius 27:43

Anye bira, ‘Nara, Allah el Mi Koprop unune,’ nyalamuka ati, ‘Allah elcuk melinulul’ tenen, ululnye anya arye, Allah arye anye pataptopura, atalak aryuk Allah arye lyepmimitue,” nyabuka nalinmek.

Daniel 7:13

“Alukunyan noutamak babye, na lengdar mapmasirye, lengdar deice dinmase. Wininmase talak ara, Ninye Mi Atonunye, ninye urasin atonun upmok ning welebukba, aning ton eipse. Tonda, el anye yangayuk talak ara, dua bum arye, deibuka antanapmok deice yangayukak eipse. Ninye Mi Atonunye yanganmoknye ara, el minop talak arye, kam ulamuka ani, Pia Tuba Kam Unamle Deiyoknye, el dam bana ati, sik im deice unyak ninye arye, menekuka banmekak, Ninye Mi Atonunye, sik aminyan tam banmok.

Mazmur 97:2

Allah el dam ara, weik dua ap, kuna ap aulule. Ara, ninye arye, el urasin kum elinamaka ati upnamle. Bukni, Allah arye aning-aning nirya talibuka ulula deiyok ara, diksukum winin ninguk talibuka winilule. Tonda, ninye nirya winilamice touk, akunum elilula ati, elce dipkoprob diksukum kibuka, yupu lipsisikuka bokeipsilirye, dengna arepnamsile.

Mazmur 2:7

Aninye deiyoknye birye nyapnamle. Allah Yahweh arye, nati nyapnuk yupu ara, nyapnune. Allah Yahweh arye nyapne. “Anda na mi koproba ulyame. Na Allah ara, an ni koproba na unune,” nyabuka, wibuka deipnuke.

Keluaran 40:34

Allah si eren aik ap, anyaik pum tam ning ap, bai tam ubuk ning ap, pil nirya akunum dobukopura, weik dua koulukukce, anyaik nirya teikuk. Ton ning ara, anyaik noutamak ara, Allah arye wekukba, el dirin weik ubuk.

Keluaran 24:16

Atalak ara, Allah el si Yahweh, el dirina weik, Sinai mutuku deice nirya lak koprop kibukba, like nakub barye sum arye, dua arye amutuku tuba libuk. Winyamuka ani, tekbarye sum ara adua noutamak arye Allah el si Yahweh arye Musa biti yukubuk.

Markus 9:6

(Peterus arye ayupu nyabuk ning, Yesus el urasin yuk winibuk ning ap, Musa ap, nabi Elia ap, yanmarake nyabuka, nirya eibikce, ilil ubukura, Peterus arye talye yupu nyaplobuk.)

Markus 9:8

Allah arye ayupu nyabukura, adiparyuk sik awinilye nang arye, siktikmekak dana-dana dipdeyik bukni, yuk nang ara, kum eibik. Sik winilye nang ap, Yesus ap, sikuk aunmek.

Lukas 3:22

Mek dongobukba, lukuka tikukura, Yesus arye dinmok talak ara, adiparyuk Allah arye im deice pakibukce, Allah El Dib Kanye ara, yalma maka atonun dayukce, Yesus el nong deice bulyayuk. Bulyayukopura, Allah im deice arye ayupu nyabuk. “Anda na Mi Koprop ulyame. Narye anti pia bicoe tenekenuna anya arye, anti na kanye pia delikunune.” Allah arye Yesus ati nyabuk.

Yohanes 12:28

Ati na ni Allah, ‘Ninye nirya an pia teleb winiminya ara, lak kibuka eibikirye, kel kipnamak’ tenen, ance anminingsi erepnamlyame.” Yesus arye nyabuk. Yesus arye nyabukba, im deice noutamak arye, ninye yupu atonun yupu arye, Allah arye nyabuk. “Akunuma minop talak noutamak arye na si ereipse. Ila tonap na si ereipnamne,” nyabuk.