Markus 9:6 - Eipomek

⁶ (Peterus arye ayupu nyabuk ning, Yesus el urasin yuk winibuk ning ap, Musa ap, nabi Elia ap, yanmarake nyabuka, nirya eibikce, ilil ubukura, Peterus arye talye yupu nyaplobuk.)

Markus 9:6 Referans Kwoze

Wahyu 1:17

Anye epsirye, mambul kanye bobuka, ‘Si erebuka kipnun’ tenen, el yan dam bisirye, gutam ap, kisok ap, tuku deice dipdongobuka buksirye, pia yupu kum asa bukse. Winibuka buksibuk, anye el sirik taruk arye, na nong deice deibuka talipnukce, ayupu nyapnuke. Ara, ani. Anda ilil una meme. Aning-aning nirya, min kum uamuk talak ara, na akunum ulamse ati, nara Deiyok Kina Deiyoknye unune. Tonda, aning-aning nirya, akunum kum uplye talak babye, na pia kam unamne anya arye, nara Sirya Dakna Deiyoknye unune.

Markus 9:5

“Naio, nun aunmaba ara, pia teleb ati, nun winilye nang arye buru aik ton doptibiba, asukumuk ulamtibye. Ton aik ara, anti, ton aik ara, Musa biti, ton aik ara, nabi Elia biti doptibye,” Peterus arye nyabuk.

Markus 9:7

Sik amutuku dup unmeka ani, dua arye siktikmek mutuku nirya lipdongobukura, adua kan-kan Allah arye ayupu nyabuk. “Aunmalnye bira, na Mi Koprop uplibuk, elti, na kanye pia delinune. El yupu pia moubuka kekenamlulume,” nyabuk.

Lukas 9:33

Sik nabi Elia ap, Musa ap, Yesus ap, ayupu talipmekce, abitinye yanmarik nang binurik talakuk, Peterus arye Yesus ati nyabuk. “Naio, nun aunmaba ara, pia teleb ati, nun winilye nang arye buru aik ton doptibye. Ton aik ara anti, ton aik ara Musa ati, ton aik ara Elia ati doptibirye, anyakuk ulamtibye,” Peterus arye nyabuk. (Peterus arye ayupu nyabuk ning ara, Yesus el urasin yuk ubuk ning ap, Musa ap, nabi Elia ap yanmarik ning ap, yupu nyaprik ning ap, nirya eibikce, ‘Se’ tenen, ngalukikura, Peterus arye bita bikna kumce, talye yupu nyabuk.)