Markus 9:5 - Eipomek

⁵ “Naio, nun aunmaba ara, pia teleb ati, nun winilye nang arye buru aik ton doptibiba, asukumuk ulamtibye. Ton aik ara, anti, ton aik ara, Musa biti, ton aik ara, nabi Elia biti doptibye,” Peterus arye nyabuk.

Markus 9:5 Referans Kwoze

Pilipi 1:23

Na kam una babye, dipna babye, ara telebe anya arye, na kanye teniltonauk unune. Pia weik teleb ning ara, ‘Na diptinyeura, tukwak mutuku batakuka, Kristus ap, ansinibuka, nun neika unamtinimnye’ tenen, patanulule.

Matius 23:7

Tonda, ‘Ninye nirya din ning deibuka deklamakak ara, pasar noutamak arye babiba, ninye nirya eipsikirye si erenamsiak’ tenen, kanye pin-pin asa banyake. Atonun ton, utenenyake. ‘Ninye nirya arye, sikda nun weik peterena deiyok nang, guru nyapnamsiak’ tenen, kanye pin-pin asa arye wininyake.

Mazmur 84:10

Tonda, nun ni Allah, ance nun deiyoknye Raja melibuka talipminyeura, elda pia diksukumuk wininamle. Tonda, ‘Ance akunum wibuka deiplumnye bira, talipminyeura, elda an amu tam ulirye, pia telebuk wininamle’ tenen, moropkine.

1 Yohanes 3:2

Na kayapu na kanye deipsine. Wini talak ara, Allah el mapu unyabe. Aminyan nun nonge unamaba ara, min kum laka nyapsike. Bukni, nun kele. Yesus el yanamle talak ara, el nong babye, el ulul ning babye, dipkoprop ulye touk eipnamaba ati, nun babye el ulye touk unamabe.

Matius 17:4

Sik ayupu talipmek talakuk, Peterus arye Yesus ati nyabuk. “Naie, nun aunmaba ara, pia teleb ati, nun winilye nang arye bara asik ton doptibye. Ton aik ara anti, ton aik ara Musa biti, ton aik ara nabi Elia biti doptibirye, asukumuk uptibye,” Peterus arye nyabuk.

Matius 23:8

Sik Farisi nang ap, Musa sekamuk yupu peterena deiyok nang ap, wininyak bukni, na mapu anggunda, anang winilamaka atonun kum wininamlulume. Anggun weik deiyoknye tonok, na uniba, anggunda na weit yapu atonun ulaluma ati, yuk nang arye anggunti, “Nun weik peteren nang, nun Guru,” nyabuka, ‘Anggun si erepsikcak’ tenen, anggun bidamnye yupu sekeldongonamlulume.

Markus 9:4

Winibukba, sik awinilye nang tikmekak arye, minop talak ulamik nang ara, nabi Elia ap, Musa ap, tikmarikbuk, Yesus ap, sik neika tikikce, yupu talipmek. Sik ayupu talipmek talakuk, Peterus arye Yesus ati nyabuk.

Markus 9:6

(Peterus arye ayupu nyabuk ning, Yesus el urasin yuk winibuk ning ap, Musa ap, nabi Elia ap, yanmarake nyabuka, nirya eibikce, ilil ubukura, Peterus arye talye yupu nyaplobuk.)

Lukas 9:33

Sik nabi Elia ap, Musa ap, Yesus ap, ayupu talipmekce, abitinye yanmarik nang binurik talakuk, Peterus arye Yesus ati nyabuk. “Naio, nun aunmaba ara, pia teleb ati, nun winilye nang arye buru aik ton doptibye. Ton aik ara anti, ton aik ara Musa ati, ton aik ara Elia ati doptibirye, anyakuk ulamtibye,” Peterus arye nyabuk. (Peterus arye ayupu nyabuk ning ara, Yesus el urasin yuk ubuk ning ap, Musa ap, nabi Elia ap yanmarik ning ap, yupu nyaprik ning ap, nirya eibikce, ‘Se’ tenen, ngalukikura, Peterus arye bita bikna kumce, talye yupu nyabuk.)

Yohanes 4:31

Anyasik ninye tuba bisik noutamak yangayik talak ara, Yesus el yupu keken nang arye elti, nyabik. “Naio, nun peterena deiyoknye, anda din ning diplyame,” nyabik.