Markus 9:4 - Eipomek

⁴ Winibukba, sik awinilye nang tikmekak arye, minop talak ulamik nang ara, nabi Elia ap, Musa ap, tikmarikbuk, Yesus ap, sik neika tikikce, yupu talipmek. Sik ayupu talipmek talakuk, Peterus arye Yesus ati nyabuk.

Markus 9:4 Referans Kwoze

Wahyu 19:10

Nyapnukopura, narye, ‘Anye binyak kipnun’ tenen, el dam gutam tuku dipdongobuka bukmase bukni, elce nyapnuk. “Amio, winina ara meme. An ap, an kwit yapu aton ninye ap, sik nirya arye Yesus el yupu talibuka, el piluk dolulume. Anggunce aning winilulum touk, na babye, el pil melinanyeuk ununa ati ara, ance nati si erena meme. Allah eltibuk kibuka, si erenamlulume. Anggun nirya arye, ‘Yuk ninye ton Yesus el laka teleb yupu, ninye lyen yupu kekenamak’ tenen, ayupu dobuka peterelamluma atonun, sik minop talak ulamikce, Allah yupu laka nyalamik nang, nabi-nabi nang babye, Yesus ati yupu nyalamik,” nyapnuke.

Yohanes 5:39

Allah arye nyapdeiamukba, seklamik yupu buku nirya ara, anggunce, ‘Kume, ayupu kel bikibirye, moubuka talibibya deice arye, pia kam una deiyok ning dopropnamabe’ tenen, ayupu nirya weik arye, moubuka kel kilulume. Bukni, ayupu seklamik nirya ara, dipkoprop nati lak nyanulul ning ara, moubuka dib kum tenelulume.

Lukas 24:44

Yesus amekin bal dibukopura, ayupu nyabuk. “Na ap, anggun neika ulamuburye, nyalamsise yupu ara, tonap nyapnusine. Yata yupu do nirya, Musa sekamuk yupu ap, Allah yupu laka nyalamik nang, nabi-nabi sekamik yupu ap, Mazmur noutamak sekamik yupu ara, nati sekeiyamnik touk dipkoprop upnamle,” nyabuk.

Lukas 24:27

Nyabukopura, Musa ap, Allah yupu laka nyalamik nang, Nabi-Nabi nang ap arye el Yesus ati sekamik yupu ara, ayupu arye deiyok koubuka, Allah yupu noutam ulye yupu nirya arye el Yesus ati seklamik yupu dobuka, Yesus arye abitinye nang ati, laka nyapnin banmok.

Lukas 9:19

Nyabukura, sik nirya arye tamubuka nyabik. “Ton nang ara, ‘Yohanes Pembaptis ulule,’ nyakinyake, ton nang ara, ‘Elda Allah yupu laka nyalamuknye nabi Elia,’ nyakinyake, ton nang ara, ‘Allah el yupu ap, elce winipnamle ning ap ati, laka nyalamik nang kan-kan arye diamik bukni, tonoknye kam bukuka ulule,’ nyakinyake,” nyabik.

Matius 11:13

Musa sekamuk yupu ap, Allah yupu laka kibuka, laka nyalamik nang arye nyalilamik yupu nirya ap deice arye, ‘Allah arye aminyan talak wininamle, wininamle,’ nyabuka nyalilamik. Sikce ayupu nyalilamik bukni, sirya ara, Yohanes yayuk.

Markus 9:3

Urasin yuk ubukce, el ongon cang baju, juga kurun ubukura, dirina weik ubuk. Ninye arye ongon cang baju, mek likicebuk, kurulamle atonun kum bukni, pia lekuk ubukura, dirina weik dayuk.

Markus 9:5

“Naio, nun aunmaba ara, pia teleb ati, nun winilye nang arye buru aik ton doptibiba, asukumuk ulamtibye. Ton aik ara, anti, ton aik ara, Musa biti, ton aik ara, nabi Elia biti doptibye,” Peterus arye nyabuk.