Markus 8:4 - Eipomek

⁴ Yesus arye nyabukura, elce wipdeibuk nang, el mapu sik 12 nang arye tamubuka nyabik. “Nunda pia buru mutuku noutamak unmaba ati, sik din roti ara, dan mutuku dekelbitibye do?” nyabuka asipdeyik.

Markus 8:4 Referans Kwoze

Markus 6:52

Sik lik ati, talye kanye bobuka kum kel kipmeka arye, Yesus arye mekin bal ap, roti ap, bokuka, ninye arepmok ning ara, moubuka kum tenebik, ‘Yesus ara, mikip pia weiknye anya arye, aning-aning nirya caknam aryuk pil dolule’ tenen, bita kum tenebik. Aning ati, Yesus mekwen deice yanibuka yanmok ning ap, kumanya tunimapmok ning ap, ati, sik ikin kanye bopmekce ngalukunmek.

Matius 15:33

Yesus arye nyabukba, el mapu sik 12 nang arye tamubuka nyabik. “Nunda pia buru mutuku noutamak unmaba ati, ninye weik unmaka anya arye, sik din ning arena ning ati ara, dan mutuku dekelbitibye do?” nyabik.

2 Raja-Raja 7:2

Nyabukba, ninye deiyoknye Raja Israel, el melinanye birye, Allah el pil donanye Elisa biti tamubuka nyabuk. “Winipnamasile nyaplam bukni, ara pia tilila nyaplame, aning kum winiptue. Allah el si Yahweh, im deice arye, aning-aning nirya arepsutua babye, an nyapmalam ning ara, kum winipmanto,” nyabuk. Nyabuk bukni, Elisa birye tamubuka nyabuk. “Dipkoprop an asing arye, eipnmalame. Bukni adin ara, an ton tonok babye, ton kum dipnamalame,” nyabuk.

Markus 8:3

Din patanmalibuk, ‘Anggun mutuku tamubuka bilulume,’ nyapnyopura, ton nang yuk mutuku arye yayika ati, din kum dibikirye bisik ak bukbuk bicak ati, ‘Anggun mutuku kopropa tamubuka dabilulume,’ kum nyapnune,” nyabuk.

Markus 8:5

Nyabikbuk, Yesus arye tamubuka nyabuk. “Anggun lipmalum din ning roti, yata barye lipmalum do?” nyabuka asipdeyuk. Asipdeyukura, sikce, “Tekbarye lipmabe,” nyabik.