Markus 7:10 - Eipomek

¹⁰ Musa arye, ‘Anggun ni yapu ap, anggun nin yapu ap, si erebuka pin-pin arye melinamlume. Yata kil do, yatanye do, sik ni yapu ap, sik nin yapu ap, malye yupu nyabiceura, wenebuka onamlulume.’ Musa arye nyapdeiamuk. (Keluaran 20:12; 21:17)

Markus 7:10 Referans Kwoze

Keluaran 21:17

Yatanye do nirya, el anye birye, el li do, el nin do, sikti, ‘Ikin uptueʼ tenen, malye yupu nyabuka wenelamlinye bira, adiparyuk anye el wenena ati opmunyeba, dipnamlule.

Keluaran 20:12

“Anggun ni yapu ap, anggun nin yapu ap, ‘Sikda mambule’ tenen, sik yupu moubuka kekemunya deice arye, teleb winipmunyopura, keting tamun weika arye tonap arepnamsine. Pia teleb mutuku arepsinyopura, kam tuba unamlume,” Allah el si Yahweh arye nyabuk.

Ulangan 5:16

Anggun mapu nirya arye, anggun ni yapu nirya ap, anggun nin yapu nirya ap arye, sik nyabikce yupu, moubuka kekemunce, aning talibuka wininamlume. Ayupu ara, narye anggun ni Allah Yahweh arye, nyapdeipsise touk wininamlume. Anggunce ayupu kekebuka winimunyopura, anggun kam una ara, keting tamun tonap, lo weik tonun arepnamsine. Tonda, anggunce ayupu kekebuka winimunyopura, anggun ni koproba Allah narye, ‘Ateleb mutuku arepnamsine,’ nyalin yupu deice arye, nyapdeiamsise mutuku ara, amutuku talibuka unamlum talak ara, teleb updeipsiniba, teleb kanye bobuka umunce, telebuk unamlume.

Imamat 20:9

Tonda, yatanye do, el li ap, el lin ap ati, yu weik uplirye, el li ap, el lin ap ati, sik deice ikin ning deiplirye, malye kibuka suplyeura, anye bira, adiparyuk obuka, batanamlulume. Tonda, anye el dipnamle ning ara, el bidamnye malye upmalya deice arye, opdanamle.

Matius 15:4

Ara, Allah arye nyapdeibukba, Musa arye ayupu sekiamuk. ‘Anggun ni yapu ap, anggun nin yapu ap, kibuka kil-kil asa arye melinamlulume. Yata kil do, yatanye do, anggun ni yapu ap, anggun nin yapu ap ati, malye yupu nyabikcopura, wenebuka opnamlulume.’ Musa arye nyapdeiamuk. (Keluaran 20:12; 21:17)

Markus 10:19

Tonda, Yesus arye abona weik talinanye biti ayupu nyabuk. “Allah arye, ‘Winamlulume, aning ton kum wininamlulume,’ nyapdeibukura, Musa arye mem yupu sekeiamuk ara, an akunum kel kiplume. Ayupu ara, ani. ‘Ninye ona ap, yuk kilapu talye ubula yona ap, yuk nang ning ubula dolona ap, yuk nang ati minina yupu nyana ap, talye tilila yupu nyana ap, tenebuka, arye talye yupu nyaplobuka dolona ap, anirya ara, pia meme. Tonda anggun ni yapu ap, anggun nin yapu ap, si erebuka melinamlume.’ Ayupu nirya ara, Musa sekiamuk yupu noutamak aupmal ati, nyapmakine,” Yesus arye nyabuk.

Amsal 30:17

Ninye ton el li koproba ap, el lin ap, sik akunum wisi dadikirye, aik bukdikce talak ara, sik bitinye ati, akutubuka malye yupu nyalulnye bira, aminyan talak Allah arye, anye bira wenebuka oploplirye, bai tam donokliba, Gagak maka ap, Rajawali maka ap arye, anye bira el asing ara, lukuka dipnamdake.

Amsal 20:20

Winipmanto ning ara, lukunyan talak noutamak weisa tangaplirye kuna dakliba, aning nirya kum elilamak touk, yata ninye do nirya, sik nin yapu ap, sik ni yapu ap ati, malye yupu nyabuka suplinye bira, Allah arye aninye ati, minopce wenebuka oplomliba, dipnamake.

Ulangan 27:16

Tonda, “Yata nang do nirya, sik wisi nang ati, bico kum tenebikirye, anang ati, si erebuka kina kumce, batakikiba, talye kankan uk ulamikcopura, epdakca menenga ara, Allah arye arepliba, anang sik mapu dam, ikin ning yalyeba, dolonamake. Adeice arye dipnamake,” nyabuka, yupu deice arye, sun yupu nyanamake. Ayupu ara, anggun Israel nang nirya kekepmunyopura, anggunce tamubuka nyanamlum yupu ara, ani. “Yo, dipkoprob nyapmasuluma ati, nunce, “Aninguk winipnamleʼ tenen, ‘Akunuma,’ nyababe,” nyapnamlume.