Markus 6:2 - Eipomek

² Binuka daulamika ani, Yahudi yala nang, sik pil dona kumce, dikdik sen sum, sabat sik Allah si erelamik sum akunum ubuka ati, Yahudi yala nang arye, Allah yupu peterelamik aik Yesus wekelbiyukce, Allah yupu peterenmok. Peterenmok talak ara, el yupu kekenmek nang arye, ngalukunmek. Ngalukunmekce nyanmek, “Anye bira, el peterenmasil yupu ara, dan mutuku arye kel bikuk do? Yata ning arye peterebik ak, weik kel arye peterenmasil do? Yata arye kel kibukba, ninye winipman kum pil dolul do?” nyabuka ngalukunmek.

Markus 6:2 Referans Kwoze

Yohanes 6:42

Yu ubukba nyanmek. “Anye bira, Yusuf arye deibuk mi kum ulul do? Kume, elda anye binyuka. El li koprop ap, el lin koprop ap, ara nun kele. Ati ara, yata wiribuka, ‘Nara, im deice arye tukwak mutuku yase,’ nyapsutu do? Talye nyanmasile,” nyabik.

Yohanes 7:15

Yesus arye peterenmokbuk, sik Yahudi yala deiyok nang kekenmekce, “Se, anye bira, yuk nang arye peteryamikak, ton kel kum bikamuk bukni, yata wiribuka deice arye, aning-aning nirya weik kel arye peterenmal do?” nyabuka, asipdanuka lukuldanmek.

Matius 4:23

Sik ap, Yesus ap, Galilea mutuku noutamak balamika ani, Yesus arye, sik Yahudi yala nang Allah yupu keken aik wekuka, el yupu peterelamuk. El teleb yupu peterelamuka ara, Allah arye ninye lyeplirye, sik talima talinamle yupu, lak teleb yupu peterelamuk. El peterelamuk talak nirya ara, sik amutuku ninye mitikuk dilamuk nang ap, minop danirye weik uk dilamuk nang ap, teleb ubuka kwetelamukba, aninye nirya teleb ulamik.

Matius 7:28

Yesus arye ayupu nyanmoka ani, sirya dakukopura, abulupmek nang nirya kekebikce, mambul kanye bobuka, ‘Se’ tenen, ngalukunmek.

Lukas 4:15

Atalak nirya ara, Yahudi yala ninye, sik Allah yupu peteren aik wekelbinarye, Allah yupu peterelamukura, el yupu kekelamik ninye arye, “Pia teleb ubuka peteresulule,” tenebuka nyalamik.

Markus 1:39

Nyabuk touk, Galilea mutuku noutam nirya, balamukce, Yahudi yala nang sik Allah yupu peteren aik wekuka peterelamukce, aninye talyamne isa nirya yaklamuk.

Markus 10:1

Kapernaum mutuku batakuka bisik pia mapnin balamika ani, Yordan mek koubuka bisik mapnin balamika ani, Yudea tam biyik. Biyikopura, Yesus arye atalak-atalak nirya ulamuk touk, ninye weik Yesus dam yangalamikbuk, aninye ati peterelamuk.

Lukas 2:47

Sik peterena deiyok nang arye elti, asinmekbuk, elce tamubuka sikti, nyanmok yupu nirya kekenmek nang nirya ara, ‘Se yata wiribuka arye ami aning-aning bikam turye laka nyaptu do? Se ami ara, pia kel weik mi,’ tenebuka ngalukunmek.