Markus 5:4 - Eipomek

⁴ Yuk nang arye atalak-atalak nirya, el taruk ap, el yan ap, besi ning, el si kawat rantai tapu arye koupmanbuk, el mikip arye bulubuka sekeltakalamuk. Tonda, yuk besi ning arye, el yan koupdongamik ning, ara cebuka donoklamuk. Aning-aning nirya winipdemik bukni, sik mikip mitikuk uamuka ati, anye bira kum talipmanto ulamik.

Markus 5:4 Referans Kwoze

Mazmur 105:18

Atalak, anye bira Yusup el yan ara, kat tapu arye pia koupdongamik. Tonda, el ngang dam ara, ikin ning rantai besi arye karakeiyamike.

Markus 5:3

Ninye weilamik keil deiya damakuk ulamuk talak ara, yuk nang arye tapu koulelamik bukni, atalak ara, mikip weik uamuka ati, anye bira tapu kum koupmanto ulamik. Ara kawat rantai tapu, besi ning babye, kum koupmanto ulamikbuk talye balamuk.

Markus 5:5

Anye bira, lukunyan babye, keting noutam babye, ninye weilamik keil deiya dam ap, mutuku dam dana-dana ap, pia balamukce, weik yupu nyabuka ngaluklamukce, keil dobuka el nong sekelalamukce olalamuk.

Lukas 8:29

Yesus mekwen kup-kup tikilbiyuk talak ara, isa uryamuknye bira Yesus eibukopura, Yesus dam bik-bik abuka yayuk. Yayukce, weik arye ngalukukabukce, gutam tuku dipdongobukce gisok talipdongobuk. Yesus arye anye uryamuk isa ati, “Isao, anda anye bira el talima ak talipluma ara batakmince, kutukuka bindoplyame,” nyabukce, ayupu nyanmok talak ara, anye bira el kanye auryamuk isa ara, weik yupu arye Yesus ati labisibuk. “Anda yata wiripnamasilama ati, yanmalam do? Allah el mikip weik ulirye, yuk allah-allah nirya bisilulce, aning-aning nirya deice tam ulul Allah ara, Yesus anda, Allah el Mi Koprop ulyame. ‘Se, weika arye kum opnusilam’ tenen, moropkiayape,” nyabuka, aisa weik yupu arye Yesus ati nyabik.