Markus 4:41 - Eipomek

⁴¹ Sik ilil weik ubukura, asildanmek. “Yesus ara, yatatonye do? Yenya babye, mekwen babye, el yupu nyaplyopura, el nyalye touk kekebuka tunimalule,” nyabik.

Markus 4:41 Referans Kwoze

Lukas 8:25

Anirya akunum tunim abukopura, Yesus arye el mapu obarye 12 nang ati nyabuk. “Anggun min nati dib tenepnulum ning ara, dan tam upmasila arye, ilil weik upmasil do?” nyabuk. Nyabukura, el mapu arye sik, ‘Se’ tenen, ngalukik, akarye ilil weik ubukaura, asildanmek. “Yesus ara yatatonye ulul do? Mok firidipna babye, mekwen babye, el yupu nyaplyeura, el nyaplye touk kekebuka kum danalule,” nyabik.

Ayub 38:11

Tonda, narye alaut mekwen ati, ‘Anda narye kintinibuka deipkise sukumuk deipnalame. Bisibuka yuk-yuk mutuku nirya bamince, kum singnildongonamlyame. Anda na yupu ton kum bisipnamnilyame. Tonda, mek kamula bulamle ning babye, mikip arye talye kum welenamlyame. Tonok sukumuk unalame,’ nyapdeiamse talak ara, an ton kekalum do? Akumopura, atalak ara, dan sukum ulamlum do? Anya arye, ance aning kel bikaminyopura, nyapnilyame.

Matius 8:27

Winibukopura, Yesus el melin nang arye, sik weik ilil weik ubukba, ngalukunmekce asilanmek. “Se, Yesus ara, yatatonye ulul do? Weik yenya babye, mekwen lonting-lonting nyanmal ning babye, el yupu nyaplopura, el nyapmal touk kekebuka winiple,” nyabik.

Mazmur 89:7

Diba, nun ni Allah Yahweh, an uminye mutuku im deice ara, Allah an uminya atonunye ton, kum ulule. Tonda, im deice unyak malaikat nirya babye, an touk ton kum unyake. Allah Yahweh, an uminya atonunye ton, pia kum ulule.

1 Samuel 12:24

Wininamsin bukni, weik mambul ning ara, nyapnusine. Ara, anggun ni koproba Allah, el si Yahweh ati, pia ilil tenenamlulume. Anggun kanye talima nirya, Allah ati arepmunce, el tibuk si erebuka, dukdongobuka talipmunce, telebuk unamlulume. El ti batakna kum diparyuk, el amu tam ubuka, el yupu uk, pia moubuka kekenamlulume. Tonda, Allah arye, anggun melina ati, pia mambul pil ap, ninye winipmanto kum pil ap, dolamsuk ning nirya ara, tuba tenenamlulume. Aning nirya ara, batakana meme.

Wahyu 15:4

Malye winin ning tonok babye kum umince, anda Pia Telebnye ulyame. Ati ara, ninye im sirya, mutuku sirya nirya arye an ap, an si ap ati, ‘Se, elda weik mambule’ tenen, ilil ubikirye, “Allah anda pia telebe,” nyabuka an siuk pia erenamake. Tonok yala ninye babye, anti, ‘Dauplye,’ tenen, kum batakitinge. Ninye yala-yala nirya adiparyuk an siuk pia erenamkiake. Minop talak arye dipdongobuka, wini talak nirya noutamak ara, ance pia diksukum ubuka, dolamsulum pil nirya akunum lakak kipsilama ati, im sirya, mutuku sirya nirya noutamak arye, ninye ayala-ayala nirya an dam yakirye, an si pia erenamake.” Sik amekwen dam tikmek nang arye nyanmekba, kekepse.

Markus 5:33

Dipra banmokbuk, akil, Yesus kwetepmok ning akunum kel kipmoka ati, ‘Mambul pil dopmanile’ tenen, malye kanye bobuka, ilil ubukura, Yesus el si erena ati, el yan dam kutam yanuka tuku dipdongobukce, akil arye el winipmok ning nirya Yesus ati laka nyabuk.

Ibrani 12:28

Aning ati ara, na kayapo, Allah arye nun diba tenenyap ninye talibuka, weik Ninye Deiyoknye unamsila nirya ap, elce arisiliba, talibuka unamap ning nirya ap ara, luluktuba, kum kum uptua anya arye, nun nirya arye Allah ati tuba-tuba, “Telebe,” nyabuka unamabe. Tonda, Allah arye, ‘Aning telebe,’ tenesilye touk, ‘Se, Allah ara weik mambule’ tenen, elti, ilil usiliba, el siuk pia erenamabe. Nun ni Allah ati, ‘Telebe,’ nyabuka, el siuk erebibyopura, Allah arye nunti kanye delinamsile. ‘Allah ati, ilil unamsile,’ nyapmasin yupu ara, talye ati kum nyapsine.

Lukas 4:36

Biyukura, anang nirya arye eibik. Yesus winibukopura, abulubuka wekmek nang nirya arye, mambul nyanmekce, asipdanuka ngalukunmek. “Anye birye, awinipmal ning ara, dan peterelamek yupu do? Anye bira, weik mikip ap, weik kel ap arye peterelirye, isa ababye, Yesus arye, ‘Winiplulume,’ nyaplye ninguk kekebuka banyake,” nyanmek.

Matius 14:32

Nyabukopura, Yesus ap, Peterus ap, mek lia yo welebuka bulbirik. Mek liya yo welebuka, sik anang ap bulbirikopura, weik mok piripna donmoka ara tunim abuk.

Maleaki 2:5

Narye, anggun Lewi yala ninye ati, nyalin yupu nyapdeiamse ning deiyok ara, ‘Anggun Lewi yala nang, anyalina yupu deice arye, anggun nirya diksukumuk umunyopura, kam unamlume. Tonda, na ap, anggun ap kanye deipdabirye, telebuk neika unamabe’ tenen, ayupu nyapdeiamsise. Tonda, “Anggunce na nyalin yupu talibuka unamlum talak ara, diksukumuk upmunce, nati, ilil tenepnumunce, si erebuka, ‘Allah ara weik mambule,’ tenen, na si erenamnulume,” nyapdeiamse. Ayupu nyapdeiamse touk, teleb un ning nirya arelamsise. Na ap, anggun ap teleb kibuka neika ulamupu.

Markus 7:37

Yupu sekmok bukni, sik anang weika arye tonap, laka nyalbanmek. Ayupu nyalbanmek, “Se, amul kunukamlye nang babye, amul pakalilule. Yupu luba wamlye nang babye, teleb updeiplibuk yupu nyanyake. El pil dolulul ning nirya ara, telebuk ulule,” nyabuka laka nyalbiyik.

Markus 4:40

Anirya tunim abukopura, Yesus arye el mapu 12 nang ati nyabuk. “Anggun ilil weik unmasil ara, yata ati do? Anggun min nati diba kum tenepmanuluma arye do?” nyabuk.

Markus 5:1

Weik kumanya ap, liman ap, akunum tunim abukopura, mekwen deiceuk banmeka ani, Galilea mekwen otam Gerasa mutuku biyik.