Markus 3:25 - Eipomek

²⁵ Aning ton atonun, tonok you aik ulamting nang olanmatingopura, yata wiribuka neika uptinge do? Akunum yuk-yuk bendoptinge.

Markus 3:25 Referans Kwoze

Yakobus 3:16

Anyapmasina ara talye ati kume. ‘Yuk nang ning nauk doproptinye,’ tenena ap, ‘Nauk erepnitinge,’ tenena ap, awinipsilye mutuku nirya ara, malye ubuka, kwalinarye talye-talye una ap, pia malye tenebuka, malye un ning yuk-yuk nirya ap aunamle.

Galatia 5:15

Kanye moupnamlulume. Wini talak wininmalum touk, kanye yuk-yuk tenepmunce, yu upliba, yupu deice arye walana weik tuba-tuba winipmunyopura, anggun bidamnye arye, anggun bidamnang ati, pia malye ulildanamlume. Ati, amalye wininmalum ning nirya ara, bataknamlulume.

Mazmur 133:1

Raja Daud birye, Mazmur yupu deice, mot sekuk. Israel yala nang ara, ‘Allah el si erenamap’ tenen, Yerusalem weik asik domik mutuku welebalamik talak ara, Mazmur yupu mot deice arye nyalamik. Daud birye sekeibuk yupu ara, ani. Yata nang do nirya, olana ap, walana ap kumce, neika unyak talak nirya ara, kanye deibuka, telebuk winilamting toura, pia telebe.

Kejadian 37:4

Yakub birye Yusup biti, kanye delilamuk ati, sik yuk mapu nirya ara, Yusup biti utenelamik. ‘Kume, nun ni koprop arye, Yusup ati pia teleb tenelul bukni, nunti ara, mitik tonunuk teleb tenesulule’ tenebuka, talima wililamikce, Yusup biti, el du yapu arye, teleb yupu pia ton kum nyalamik.

Markus 3:24

Tonok mutuku noutamak ulamice nang olanmakceopura, tonoknye birye yata wiribuka taliptu do? Tonok akuk kum winipdatinge, yuk-yuk bendoptinge.

Markus 3:26

Anyapman ning atonun, Isa Mutuku Dongonye ap, el mapu koprop isa ap, olatingopura, sik mikip pia kum uptue. Tonda, Isa Mutuku Dongonye el mikip kum uptue. Aning ati ara, isa yakuka dolkwetenuna ara, Isa Mutuku Dongonye el mikip deice arye kum pil donune. Aning kum bukni, Allah El Dib Kanye el mikip deice aryuk isa yakuka dolkwetenune.