Markus 3:1 - Eipomek

¹ Yuk talak ara, Yesus arye Yahudi yala nang, Allah yupu peterelamik aik, wekuka unmok talak ara, taruk kwanyamuknye ton, anyaik pum unmok.

Markus 3:1 Referans Kwoze

Markus 1:21

Yesus arye winiryuk dobuk nang ap, Yesus ap, tonok dolamik asik si ara Kapernaum mutuku welebik. Welebikce aunmek bukni, Yahudi yala nang, sik Allah yupu weklamik sum el si ara Sabat sum akunum ubukopura, Yesus arye Yahudi yala ninye Allah si erelamikce, Allah yupu peterena aik wekukce, peterenmok.

1 Raja-Raja 13:4

Anabi binuka ayupu nyabukba, Yorebeam kekebukce, tenebuk. ‘Kume, anye bira, pia malye yupu nyapmala deice arye, nun mesba akunum malye kipdeipmasileʼ tenen, anyaik dam tikmek nang ati nyabuk. “El anabinye bira, malye yupu yanuka nyanmala ati, tomoplulume,” nyabuka, taruk dumu pukukba, adiparyuk Yorebeam taruk ara, biti kibukba, tamuka dopropmanto kum ubuk.

Yohanes 5:3

Amekwen dana-dana aik arum domikak ara, uk dilamuk ninye weik delilyangalamikba, malamik. Aninye ara, asing kun nang ap, yok kwanilamuk ninye ap, yan ap taruk ap dipnarye lulukmankum ulamik nang ap, bisik kum binmanto ninye ap dobuka delilyanabuk, asukumuk malamik.

Markus 1:39

Nyabuk touk, Galilea mutuku noutam nirya, balamukce, Yahudi yala nang sik Allah yupu peteren aik wekuka peterelamukce, aninye talyamne isa nirya yaklamuk.

Markus 2:28

Aning ati ara, na Ninye Mi Koprop Atonunye ununa anya arye, Sabat sum deice winin ning ara, ‘Aning telebe, aning malye’ tenen, bokuka delina deiyoknye, na uka, narye nyapmasine,” Yesus arye nyabuk.