Markus 2:12 - Eipomek

¹² Nyabukopura, adiparyuk sisal sebuka darapdomuknye tikukabukce, el amsuna dobuka, awekmek nang nirya sik adinmek bukni, aik pum arye buru biyuk. Yesus winibuka deice arye awekmek nang nirya, se tenebuka ngalukunmekce, Allah el si erenmek. Tonda, “Awinipmal ning atonun ning ton kum elilamupe,” nyabuka malye nyabik.

Markus 2:12 Referans Kwoze

Matius 9:33

Anye bira, isa talyamukba, lupnye ulamuk bukni, Yesus arye aisok yakukba, atalak aryuk, anye yupu teleb kibuka nyanmok. Yupu teleb ubuka nyamokba, abulubuka wekuka kekenmek nang arye, se tenen, ngalukunmek. Ngalukunmekce, ayupu nyabik. “Amutuku Israel tam noutamak nirya ara, atouk ning ara kum ubukba, nun min arye pia kum elilamupe,” nyabik.

Matius 9:8

Biyukba, awekmek nang nirya eibikce, Yesus winibuka deice arye, ‘Se, Allah arye el mikip pia weik arye anye akunum aribuka ara, kel bikaba atia,’ tenebuka ngalukunmekce, Allah el si erenmek.

Lukas 7:16

Yesus arye ami kwetebukopura, abulubuka wekmek nang nirya mambul nyanmekce, Allah si erenmek. Allah si erenmekce, ayupu tonap nyabik. “Se, Allah yupu laka nyananye nabi atonye, nun kan-kan noutamak kunum kutukuka unmale. ‘Allah arye wibuka deibuk ninye ati, melipnun’ tenen, Allah arye dopkwetebukura, akunum yanmasile,” nyanmek.

Rasul 4:21

Ura, sik winipman kum pil dopmarik ak, Allah arye yok kwanyamuk anyak kwetebuknye bira, keting tahun yupa weik 40 tahun akunum wisi deiamuka ati, amutuku ulamik nang nirya arye Allah ati, “Allah anda pia teleb,” nyabuka el si erenmeka ati, aSandeheren deiyok nang arye, ‘Abitinye nang ara, nunce yata wiribuka obuka weneptibye do?’ tenen, teniltonauk unmek.

Yohanes 9:32

Anggun deiamsik talak arye diprongobuka, atalak nirya asing kuamuknye, talye ninye arye kwetelamikbuk, ayupu ton kekelamubu do? Kume, ara kum winipmanto ning anya arye, aning ara pia kum kekelamubu.

Yohanes 7:31

Awekmek ninye weik arye malye tenenmek bukni, ton nang mitik weik arye Yesus ati dib tenepmek. Atalak arye dib tenepmek nang ara, ‘Kume, wini talak nyasilinye birye, ninye kum winipmanto ning, mambul pil dosilye ning ara, weik mambul ulula anya arye, Kristus nyalamaknye aminyan yanamle talak ara, pia mambul pil weik arye tonap winipnamsil do? Kume, el Yesus ara akunum yanmal atia,’ tenebikce dib tenenmek.

Lukas 17:15

Sik barye suse nibuk akarye teleb ubukura, tonok suse dilamuknye tamubuka, Allah si erenmokak arye Yesus dam biyuk.

Lukas 13:13

Yesus arye ayupu nyabukopura, akil nong deice taruk deibukura, adiparyuk akil sisikuka amnyok tikrobukce, Allah si erenmokce, Allah ati, “Telebe,” nyabuk.

Lukas 5:26

Yesus winibuka deice arye awekmek nang nirya, se tenebuka mambul lenmekce, Allah el si erenmek. Tonda, “Awininmeka ara, ninye kum winipmanto ning eipmabe. Aning atonun ning ton kum elilamupe,” nyabuka malye nyabik.

Markus 1:27

Yesus arye winibukopura, abulubuka wekmek nang nirya arye, ngalukuka malye nyanmekce asildanmek. “Se, awinipmasil ning ara, yata ning do? Yuk nang arye nunti peterelamsik yupu atonun kume. Elce weik mikip ap, weik kel ap, arye peterenmasile. Isa mer ababye, Yesus arye ‘Winiplulume, winiplulume,’ nyaplye ninguk kekebuka banyake,” nyanmek.

Matius 15:31

Yesus arye kwetelimokba, sik yupu lup nang yupu teleb ubuka nyanmek ning ton, ara sikuk arye bite ikilamuk ninye tonda, aik bulamik nang ap, teleb ubuka banmek ning ap, tonda, asing kun nang teleb ubuka elinmek ning ap, amutuku wekmek ninye dinmekce, ngalukunmek. Ara, awekmek ninye nirya arye, Yesus elce ninye kwetenmok ning elinmekce, ngalukunmek. Ngalukunmekce, “Sik Israel ninye talilirye, mikip arye melilul Allah ara, el pia telebe,” nyabuka el si erenmek.

Matius 12:23

Winibukopura, awekuka dinmek nang arye, Yesus ati ngalukunmekce ayupu nyabik. “Se, anye bira, Daud yalanye birye deibuknye anya arye, elda Allah arye Ninye Lyenanye, ‘Mesiasnye yanuka unamle’ tenen, wibuka deibukba, akunum yanmasil do, kum do?” nyabik. Nyabik ning ara, ‘Yesus ara, Ninye Lyenanye ulul do, kum do?’ tenena ati nyabik.

Markus 2:11

Nyabukce, sisal sebuka darapdomuknye ati ayupu nyabuk. “Anda, tikukapmince an amsuna dobuka, an aik tamubuka bilyame nyapkine,” nyabuk.