Markus 2:1 - Eipomek

¹ Sik nirya daulamika ani, Yesus arye Kapernaum asik domik mutuku tuba tamubuka biyukopura, amutuku noutam ulamik nang arye, ‘Yesus el mutuku kopropa tamubuka yanmale,’ nyabikura, atam nang kekebik.

Markus 2:1 Referans Kwoze

Yohanes 4:47

Yuk nang arye, “Yesus ara, Yudea tam batakuka, nun tam Galilea tam akunum yanmasile,” nyabikura, aninye deiyoknye birye kekebuk. Kekebukce, pera mutuku tenena kum bukni, Yesus dam morolyayuk. Anye bira yayukce, Yesus ati nyabuk. “Se, naio, na mi uk talipmalba, dipmanto unmala anya arye, ‘Na mi dipnilyak’ tenen, ance kweteipnutume,” nyabuka morobuk.

Markus 7:24

Yesus, Genesaret mutuku batakuka welebalamuka ani, Tirus mutuku dam biyuk. Biyukopura, amutuku noutam unyak nang arye, ‘Na eipnikirye kel biknicak’ tenen, duknubuka aik wekuk. Utenen duknubuka aik wekdobuk bukni, amutuku yayuka ara, kum duknupmanto ubuka ati, sik amutuku nang arye kel kibik.

Lukas 5:18

Yesus anyaik pum peterenmok talak ara, dumbarye nang pala yo deice arye, nong nirya malye uamuknye baya wibuka boyayik. Ura, ‘Yesus arye nun kwit kweteptue’ tenen, anyaik wekdeyik bukni, ninye weik wekmeka arye, buplan dam diknepmek ati, Yesus dam bobinmanto kum ubuk.

Markus 1:45

Yesus arye akwetebuknye biti, nyabuk bukni, anyapdeipmok ning batakukabukce, Yesus arye kwetebuk ninguk laka nyapra balamukba, ninye weik kekelamik. Ninye weik arye kekelamika ati, atalak arye deiyok koubukce, Yesus ara, ninye asik dolamikak ara talye mankau arye lak kum balamuk. ‘Ninye weik bulubicak’ tenen, dungnubuka ninye una kumak, buru mutuku uk binuka ulamuk. Bura mutuku ulamuk bukni, ninye dana-dana tam arye weik bulubuka, Yesus dam yangalamik.

Matius 9:1

Sik nirya daulamika ani, Yesus arye ‘Na mutuku kopropa binune’ tenen, mek lia yo deice wekuka, mekwen deice arye otam tamubuka binmoka ani, omutuku biyukce, Kapernaum asik dolamikak biyukopura, amutuku noutamak ulamik ninye arye kekebik.

Rasul 2:6

Adana-dana mutuku arye yanuka unmek nang ara, awinipmoka eipmek ning nirya akekebikura, Yerusalem mutuku noutamak bukni, dana-danarye bulubuka dilyayik. Dilyayikura, Yesus dib tenebik nang arye yuk-yuk mutuku yupu nyanmek anyak, ayayik nang sik yuk-yuk mutuku nang yupu arye teleb kibuka kekebik ati, ‘Se,’ tenen, lukdayikce teniltonauk unmek.

Matius 4:13

Galilea mutuku noutamak bukni, Nasaret mutuku batakuka, Kapernaum mutuku yanuka ulamuk. Kapernaum mutuku ara, Galilea mekwen dam asik domikak ulamuk. El ulamuk mutuku ara, minop arye Zebulon yala nang ap, Naftali yala nang ap, ulamik.

Markus 2:2

Yesus wekuka bulbiyuk aik ara, ninye pia weik bulubuka wekelbiyik. Winibikba, anyaik lo mitika ton pia kum ubuk. Aik buplan ara, buru tam babye, lo kum ubuk, nirya langdibuk. Winibukba, Yesus arye anang ati, Allah yupu peterenmok.

Markus 3:20

Yesus arye adua belas (12) nang akunum wipdeibukopura, anang nirya bulubuka tonok aik wekelbiyik. Wekelbiyikba, ninye yupa weika arye bulubuka, sik dam yayikce, mening deice dekneldanmeka ati, Yesus ap, el mapu ap, pile weik donmeka ati, sik din kum dipmanto ubik.

Markus 7:17

Ayupu nyabukce, sik awekmek nang, asukumuk batakuka banmoka ani, yuk mutuku biyukopura, aik wekdobuk. Aik wekukopura, el mapu 12 nang arye, yuk mutuku arye nyapmok yupu ara, ‘Deiyok aning’ tenen, bita kum bikmek arye tonap, asipdeyik.

Markus 9:28

Yesus ap, el mapu 12 nang ap, aik pum wekik talak ara, el mapu arye asipdeyik. “Ami talyamuk isa ara, nunce kum yakdonokmanto upmaba ara, deiyok yata arye do?” nyabuka asipdeyik.

Lukas 4:23

Nyaldanmek ati, Yesus arye anang ati nyabuk. “Na dipkoprop nyapsine. Domon yupu anyapnusin yupu ara, aminyan ara ila tamubuka nyapnamnulume. Ara, ‘Ninye kwetena deiyoknye ance an bidamang kwetepdanulyame,’ nyapnamnulume. Tonda, ‘Kapernaum mutuku noutamak mambul pil dolamlumak yuk nang arye laka nyanyakak kekenyap ara, an babye, neplum mutuku pil dopsiminyak eipnuyabe,’ nyapnamnulume.