Markus 15:6 - Eipomek

⁶ Ura, Yahudi yala nang Kaplina ati Kwalina talak noutamak arye, amutuku talyamik nang arye wenena aik dongolamik nang kan-kan bukni, ninye nirya arye, ‘Anye bira loplobuka arepsilyame,’ nyapne anye binyuk, amutuku talyamuk deiyoknye, Gubernur arye nyapdeipne touk, tonoknye wibuka loltakalamik.

Markus 15:6 Referans Kwoze

Rasul 25:9

Paulus nyabukura, Festus ara, ‘Yahudi yala nang ati, melipnyeura, elda telebnye, tenepnamniak’ tenen, Paulus ati nyabuk. “Ura an dan do? An ap, Yerusalem mutuku bipyopura, anang arye, ‘Paulus el malye winibuk ning ara, asukum,’ nyapkikceura, yuk yupu bokolin deiyok nang ton kekebikceura, narye yupu bokeipnamkin do? Kum do?” nyabuka asipdeyuk.

Rasul 24:27

Apia ulamdika ani, keting tamun bitinye akunum kibukopura, Feliks el pununa ati, yuknye el si ara, Perkius Festus, wipdeibik. Winibikura, Feliks arye, Yahudi yala nang yukuna ati, tonda sikce, ‘El telebnye, tenepnamniak,’ tenebukce, Feliks arye Paulus wenena aik adeiamuk touk batakukura, pia anyaikuk ulamuk.

Matius 26:5

“Kum de, nun Kaplina ati Kwalina talak noutamak arye kum opnuyabe. Ninye pia weike amutuku wekmeka ati, Yesus obibyopura, aninye weik yu upliba derepsicak ati, daupmalibuk,” ‘Aminyan talak arye Yesus optibye’ tenen, nyabik. Nyabik bukni, atalak ara Yesus kum obik.

Matius 26:2

“Anggun kele. Yahudi yala nang sik Kaplina ati Kwalina sum ambusum arye ubuka ambusum or upnamale. Atalak ara, nara, Ninye Mi Koprop Atonunye bira, ‘Malye nang arye wanwanun yo deice deibuka opnamak’ tenen, inipraka binamniyake,” Yesus arye nyabuk.

Yohanes 19:16

Sik nirya aunmeka ani, aminyan ara, Pilatus arye Yesus dobuka, ‘Aninye arye wanwanun yo deice deibuka opnamak’ tenen, aninye aribuk.

Markus 15:7

Orkiting tamun deice yuk nang arye, ‘Nun Yahudi mutuku talyamsik nang, Roma mutuku nang obuka daknamap’ tenen, olamik talak ara, ninye tonok, el si ara, Barabas, elce ninye ton obuk. Ninye obuka ati, wenena aik dongamikba, wenena aik tuba unmok.

Yohanes 18:16

Anye bira wekelbiyuk bukni, Peterus ara, Kayapas arye kum kel bikamuknye binya arye, elda bai tam poka buplan damuk unmok. Daunmoka ani, Yesus el mi yuknye ton tuba tamubuka buplan dam yayukce, abuplan kalekna kil ati yupu nyabukce, Peterus bobuka, aik dam tam boyayuk.