Markus 14:3 - Eipomek

³ Yesus ap, el mapu ap, Yerusalem mutuku batakuka, Betania mutuku binuka unmek. Yesus ara, tonoknye el si Simon, el aik bina bukmokce, din dinmok. Simon ara, min arye barye suse atouk suse, el nong nirya dilamuka ati, el si ara, ‘Simon Barye Suse Talinanye,’ nyalamik. Yesus ara, Simon aik bukmokce, din dinmok talak ara, tonok kil arye bola kat-kat makau dobuka boyayuk. Amakau pum bisik ara, nintong teleb mek, dekna pia weik mek uamuka ati, amakau kukunak arye coplobukabukce, Yesus si erena ati, el kisok deice dikeibuk.

Markus 14:3 Referans Kwoze

Yohanes 11:2

Uk dilamuknye Lazarus, el weit kil Maria ara, yuk kil kume. Ara, mince nintong teleb mek dobuka, Yesus el nong deice dikeibukce, akil el cang potong talibuka, Yesus el yan deice kilyamuk kil binya.

Kidung Agung 5:5

Winipmanuk talak ara, ‘Na kanye delinunye dam unmalʼ tenen, ‘Na aik bublan kukeipnamanʼ tenen, bukmanu. Tonda, ‘Na nong nirya nintong teleb nyapnunilʼ tenen, nintong pia teleb nyalamle mek, el si ara mur, dobuka na nong bol deice likmanu. Diba, ‘Buplan kukeipnunʼ tenen, abublan kukuna ati, talin ning talipmanu talak ara, na taruk ara, mur mek deice moul upmanuk. Ara na taruk duk nirya ara, mur mek kwepmanua deice arye, moul weik tuba upmanukba, abublan kukuna ati talipmanu.

Matius 21:17

Yesus arye Mazmur yupu dobuka nyabukopura, anang asukum batakuka, Yerusalem mutuku asik dolamikak batakukce, Betania mutuku malbiyuk.

Kidung Agung 1:12

Na kanye delinunye bira, ninye deiyoknye atonun unulule. Elda el man amsuna deice mapmok talak ara, nintong teleb ning likmoke. Ara, na nong bol deice lik deipse nintong teleb ning, el si ara narwastu, pia nintong teleb ning banmokba, na dopnamnilanye kekebuk.

Markus 14:2

“Kume, daupmale,” nyabik. Ara, ‘Kwalina talak noutamak arye yuk ninye nirya eipsikcak ati, lak akarye kum opnuyabe. Ninye pia weik wekmeka ati, Yesus obibyopura, eipsikirye yu upliba, derepsicak,’ tenebik. Utenebik ati ara, “Daupmale,” nyabik. Nyapmeka anya arye, atalak ara, Yesus ton kum opdeyik.

Markus 14:4

Amek dikeibukopura, abukmek nang kan-kan, ton nang arye yu ubukura, malye kanye bobikce, ayupu nyapdayik. “Anintong teleb mek, yata ati talye diklople do?

Matius 25:17

El winilamuk touk, weik yo bok 2 doprobuknye birye, pil dolamuka deice arye, weik yo bok 2 ton tabakdeibukura, 4 kibuk.