Biblia Todo Logo
Bib sou entènèt

- Piblisite -




Markus 12:6 - Eipomek

6 Winilamik bukni, sirya ara, tonok dopreipmantonye ubuk. Wa tuku deiyoknye, el mi koprop anya arye, pia bico tenelamuknye ulamuk. Adeiyoknye birye, ‘Na mi koprop anya arye, na wa tuku tia talinyak nang arye kibuka dopnamake,’ tenebukce dopreibuk.

Gade chapit la Kopi




Markus 12:6
32 Referans Kwoze  

Aning eipse ati, narye anggunti laka nyapsine. Ayanmalanye Yesus ara, Allah el Mi Koprop ulule.” Yohanes birye nyabuk.


Bulyayukopura, Allah im deice arye ayupu nyapdeibuk. “Anye bira, na Mi Koprop ulule. Narye elti, pia bico tenenuna anya arye, elti, na kanye pia deilinune,” Allah arye nyabuk. Nyabukopura, Allah El Dib Kanye arye, Yesus talima noutam nyapdeibukba, Yesus ara ninye pia kum ulamik mutuku, pata mutuku noutamak biyuk.


Allah arye utenebuk. ‘Yesus pil dopnamle deice arye, sik pia kam bukuka, Yesus mikip deice unamak’ tenen, Allah el Mi Koprop tonokuk ulamuk bukni, nun tukwak mutuku noutamak, nun tukwak nang nirya ati, Yesus akunum arepsuke. Yesus arepsuka deice arye, ‘Allah arye nunti, pia bico tenesulule’ tenen, kel kinyabe.


Arup nyapmasin touk, Allah arye, el minyuma deibuk Mi Kopropa ati, tukwak mutuku dopkwetepsuk talak ara, ami ati ayupu nyabuk. Ayupu ara ani. ‘Na im deice pil donyak nang, sik malaikat nirya ara, na Mi Kopropa ati, el siuk kibuka si erenamake,’ Allah arye nyabuk. (Ulangan 32:43)


Allah arye amambul pil dobuka, el Mi Koprop ati aribuka deiyok ara, ‘Ninye mutuku-mutuku nirya, nati si erebuka, na si kilamniayak atonun, na Mi Koprop ati atonun, si erebuka el si kipnamake’ tenen, yupu bokolina deiyok pil ara, el mi koprop ati aribuk. Ati, yata ninye do nirya, Allah el Mi Koprop ati si erebuka, el si kum kinyak ninye ara, wininyaka deice arye, Allah el babye ati si erebuka, el si kum kinyake. Yesus arye sik Yahudi yala deiyok nang ati nyabuk.


Nun ni koprop Allah arye, el Mi Koprop ati, kanye deibuka el talima arilule. Ati, yata ning do nirya, Allah arye aning-aning nirya, el Mi Koprop ati aribukba, el taruk aryuk talilirye, aning-aning deice tam deiyoknye ulule.


Nyabukura, Nataniel birye mambul kanye bobuka nyabuk. “Se, anda Peterena Deiyoknye, Rabinye dipkoprop ulyame. Na kele, anda Allah el Mi Koprop ulyame. Anda Israel yala ninye nun weik ninye deiyoknye, Sisinanye Raja unamsilame,” nyabuk.


Minop talak arye dipdongobuka, wini talak noutamak nirya arye, nun tukwak ninye arye, Allah el urasin pia kum elilamubu. Bukni, nun ni Allah, el ulyak ululnye, el Mi Koprop, Allah ap neika ururaknye bira, Yesus arye Allah el ulul ning laka elilule. Yesus el ulamuk ning ap, yupu nyalamuk ning ap deice arye, Allah el ulul ning lak kibuka laka nyalamsuke.


Yupu nyalamapnye bira, ninye nong atonun dayukce, tukwak mutuku yayukura, nun kan-kan noutamak neika ulamubu. El pia teleb ubuka ulamukba, elilamubu. El pia teleb ulula ara, talye ati kume. Ara Allah el Mi Koprop tonok ululnye bira, el uka. Allah el Mi Koprop ulamukce, el dipkoprop una ap, el dipkoprop yupu nyana ap, el kanye aryuk tukwak ninye ati bico tenebuka, pia melina deiyok ning ap, anye deice weik arye uamuk. Nun ni koprop Allah arye anye bira dopdeipsukba, pia telebuk ulamukak, elilamubu.


Adua kan-kan ara, Allah arye ayupu nyabuk. “Aunmalanye bira, na Mi Koprop ulule. Narye el wibuka deiamsa ati, el yupu pia moubuka kekenamlulume,” nyabuk.


Mek dongobukba, lukuka tikukura, Yesus arye dinmok talak ara, adiparyuk Allah arye im deice pakibukce, Allah El Dib Kanye ara, yalma maka atonun dayukce, Yesus el nong deice bulyayuk. Bulyayukopura, Allah im deice arye ayupu nyabuk. “Anda na Mi Koprop ulyame. Narye anti pia bicoe tenekenuna anya arye, anti na kanye pia delikunune.” Allah arye Yesus ati nyabuk.


Sik amutuku dup unmeka ani, dua arye siktikmek mutuku nirya lipdongobukura, adua kan-kan Allah arye ayupu nyabuk. “Aunmalnye bira, na Mi Koprop uplibuk, elti, na kanye pia delinune. El yupu pia moubuka kekenamlulume,” nyabuk.


Bulyayuk talak ara, Allah im deice arye ayupu nyabuk. “Anda na Mi Koprop ulyame. Na anti, pia bico tenekinirye, na kanye pia delikunune,” Allah arye nyabuk.


Asipdeyuk bukni, Yesus ara yupu tonap tamubuka kum nyabukce, tunim abuk. Winibukopura, ila tonap Allah arena ati, aweik deiyoknye, Kayapas birye, Yesus ati asipdeyuk. “Allah arye dinmasilak unmalama ati, talya yupu nyana kum, dipkoprop ninguk nyapnusilame. ‘Ninye weik lyeplirye, sik kanye talima talinamle’ tenen, Allah arye wipdeiyamuknye, Mesias bira, an aulyam do? Tonda, Pia Teleb Etekdopnye Allah ara, anuk el Mi Koprop ulyam do?” nyabuka asipdeyuk.


Peterus arye ayupu tuba nyanmok talak ara, sik amutuku dup unmek bukni, dua arye siktikmek mutuku nirya palibuka lelipdongobukura, adua kan-kan arye, Allah arye ayupu nyabuk. “Aunmalanye bira, na Mi Koprop ulula ati, elti, na kanye pia delinune. Anggun nirya ara el yupu pia moubuka kekenamlulume,” Allah arye nyabuk.


Allah morobukopura, el yupu kekenmek nang ati ayupu ton nyabuk. Na ni Allah arye, ‘Na mi Yesus, aning-aning nirya talibuka deiyoknye unamle’ tenen, akunum arepnuke. Ninye nirya tonoknye ton, Allah el Mi Koprop arye, el kanye talima noutamak tenelul ning ara, kum kel biktinge. Allah el Mi Koprop kanye talima ulye ning ara, Allah elcuk kel bikilulue. Ninye nirya tonoknye ton, na ni Allah el kanye talima noutamak tenelul ning ara, kum kel biktinge. Na ni Allah, el talima noutamak ulye ning ara, tukwak ninye ton kum bukni, nauk ara, el Mi Koprop arye kel bikinune. Tonda, ‘Narye peterenunba, na ni ulye ning kel kipnamak’ tenen, wibuka deipse nanguk, na ni Allah arye pataplyeba, tenelul ning kel biktinge.


Yesaya arye nyalilamuk yupu ara ani. ‘Ninye dona kum kil arye, mi bomlya ani, sal mi deipnamle. Deiplyopura, el si ati Imanuel nyanamake. Imanuel nyanamaka ara, ‘Allah ap, nun ap, neika unyapnye’ tenen, nyanamake.’ (Yesaya 7:14)


Allah el si Yahweh arye nyabuk. Anggun nirya dilulume. Na amu tam ulirye, na mambul pil donamlanye bira, anggun kel bikna ati, erepdeipsine. Narye anye pia melibuka talinamne. Narye anye wibuka deiamsa ati, elti, ara, pia kanye delinamne. Na wiamsinye bira, na Dib Kanye weika arye el deice delinamne. Winipnyopura, elce sik tukwak ninye ayala-ayala nirya ati, diksukum kibuka yupu lipsisikuka bokolinamle. Winiplyopura, sik ikin weik ulamik ning kum kipdeiplirye, ninye weika arye teleb kilinamle. Winipliba, sikda kanye deibuka telebuk unamake.


Aning atonun, anggunce Allah el Mi koproba ati, “Nun ni,” nyabuka, el amu tam umunce, el dam yok sirim talibuka, yana kinamlulume. Wininamluma deiyok ara, ‘Allah el si Yahweh arye wenebuka kum opnamsil’ tenen, wininamlulume. Tonda, ‘Mangkau arye Allah el yu nun deice deipsilyak’ tenen, moubuka wininamlulume. ‘Allah el Mi koproba arye, lyepnamsil’ tenen, el dam unyak ninye nirya ara, sik unamak ning nirya ara, telebuk unamle.


Ura Yakub bira, mapu weik delilamuk bukni, sikda mitik tonunuk kanye deiamuk bukni, Yusup bira, Yakub el akunum wisi deiamuk talak arye deiamuka anya arye, Yusup biti weik arye kanye deiamukce, talima areamuk. Ati ara, tonok talak Yakub birye, el mi Yusup ati, alip tam ongolamik baju, warna teleb ubuk ning, pia teleb baju urdem arebuk.


Nyabukura, Allah arye Abraham biti, nyabuk. “An mi ona meme. An mi ara, tonok ulul ati, ance, ‘Kume, elda na mi koprop ati, Allah arye nyapnila babye, kum arepnamne’ tenen, kum batakmalamce, ‘Ami opnun’ tenen, kintinipmalam deice arye, pia moubuka dipkoprob kel bikmakine. Anda, ‘Allah ara, weik mambulnye anya arye, el siuk erebuka, el nyanilye yupu nirya kekenamne,’ tenenilyamnye ulyama ak, kel bikmakine,” Allah arye, Abraham biti nyabuk.


Nyabukura, Allah arye nyabuk. “Ura, ance deiplumce, ‘Na mi koprop’ tenen, pia bico tenelyam mi, an mi tonok Isak bobuka, Moria mutuku dup bobinulyame. Bobiminyeura, narye, ‘Amutuku dup asukumak,’ nyapnamkin sukumuk, na si erena ap, na arena ap ati, an mi opmince, arepnamnilyame,” nyapdeibuk.


Aninye deiyoknye birye nyapnamle. Allah Yahweh arye, nati nyapnuk yupu ara, nyapnune. Allah Yahweh arye nyapne. “Anda na mi koproba ulyame. Na Allah ara, an ni koproba na unune,” nyabuka, wibuka deipnuke.


Asipdesulumba nunce, “Diba, nun ni koproba, tuba kam ulule. Tonda, el pia wisi ulamuk talak noutamak ara, nun weit koproba, tonok ton deibuk. Ami ara, el lin koproba arye, min yuma talak deiamuk mi, el du koproba ara, akunum dibuka ati, akil el deiamuk mapu ton kum, ami tonokuk ulule. El li koprop arye elti, pia bico tenebuka kanye delilule,” nyabupu.


Winibikopura, ila tonap, anggur tapu wa deiyoknye birye, yuknye dopdeibukura, anye bira dipkoprop pia obikopura, dibuk. Atouk ton, awa tuku deiyoknye birye, el pil don nang yuk nang ton weik arye dolilalamuk bukni, awa tuku pil dolamik nang arye, ton nang, talye kama arye olamik. Ton nang ara, dipkoprop pia olamikbuk diplamik.


Dopreibukba, awa tuku pil dolamik nang dam yanganmokbuk, eibikce nyabik. “Awa tuku deiyoknye diplibuk, el punupnamlanye bira, ayanmal ani. Aning ati ara, nunce el opmabye. Obibyopura, awa tuku nun bidamang kipdopnamabe,” nyabik.


Nara, an deiyoknye Yohanes arye, na ka Gaius ati, yupu seknukine. Allah el yupu dib tenebuka talinirye, anti kanye delikunune.


Swiv nou:

Piblisite


Piblisite