Markus 12:4 - Eipomek

⁴ Winibikopura, awa tuku deiyoknye, ila tamubuka, el pil donanye, yuknye ton anang dam dopkwetebuk. Dopkwetebukba, awa tuku tia talak ati talyamik nang arye tonap, dopkwetebuknye, kisok cobuka obikce, el nong deice ikin ning weik deibikopura, el obiknye alye ubukura, biyuk.

Markus 12:4 Referans Kwoze

Markus 12:3

Biyukura, awa tuku tia talak ati talyamik nang eibikce, ayanmoknye el nong talibuka weik arye obik. Obikce aning arena kumcuk, “Tamubuka bilyame,” nyabikura, biyuk.

Markus 12:5

Winibikopura, ila tonap, anggur tapu wa deiyoknye birye, yuknye dopdeibukura, anye bira dipkoprop pia obikopura, dibuk. Atouk ton, awa tuku deiyoknye birye, el pil don nang yuk nang ton weik arye dolilalamuk bukni, awa tuku pil dolamik nang arye, ton nang, talye kama arye olamik. Ton nang ara, dipkoprop pia olamikbuk diplamik.

Lukas 20:11

Winibikopura, awa tuku deiyoknye birye, el pil donanye yuknye ton, ‘Anang dam binul’ tenen, dopdeibukce, “Bilyame,” nyabukura, biyuk. Anang dam biyukopura, anang arye anye babye, weik wenebikce, bokuka obikura, anggur tapu duk arena kumce el nong demuk dopkwetebik.

1 Tawarikh 19:4

Nyabikura, ninye deiyoknye Raja Hanun birye, Daud wipdeipmokba yanmek nang nirya ara, tomobuk. Winibuka sik anang bam potong, ton tam nirya ara kobuka batakuk. Tonda, sik ongopmek baju der dam adiparyuk sekuka batakuk. Winibukopura, sik anang nirya ati, “Wini talak ara binulume,” nyabukba, tamubuka biyik.

Mazmur 68:21

Nun mal olan nang arye, ‘Israel nang opnuyap’ tenen, olyangasikce talak nirya ara, nun ni Allah aryuk, lyelosulule. Nun mal olan nang arye, talye lukparabuk obuka sirya daksiting bukni, nun ni Allah aning-aning nirya talilirye, mikip weik ulya deiyoknye ulula ati, elcuk lyepsilyeba, kum dibinyabe.