Markus 10:51 - Eipomek

⁵¹ Yayukura, Yesus arye anye biti nyabuk. “Anda, ‘Yata wiripdeipnutu’ tenen, patapkilba, moropmanilam do?” nyabuk. Nyabukura, asing kuamuknye Bartimeus arye tamubuka nyabuk. “Naio, na asing arye aning-aning elina ati patanulule,” nyabuk.

Markus 10:51 Referans Kwoze

Markus 10:36

Moroprikbuk Yesus arye tamubuka nyabuk. “Yata ning patapsil ati moropnurumunyopura, narye yata wiripnamsin do?” nyabuk.

Matius 7:7

Yesus arye ayupu nyabuk. Anggun patasilye ning moropmunyopura, Allah kekepsilirye, aninguk arenamsile. Anggun patasilye ning, ‘Danak eipnuyap do?’ tenen, epkirikmunyopura, eipnamlume. ‘Anyasik abuka wektinye’ tenen, bisik lorum-lorum abuka, pitin-pitin upmunyopura, Allah arye buplan kukeipnamsile.

2 Tawarikh 1:7

Winibuka arebukopura, asum lukunyan ara, ninye deiyoknye Raja Salomo mapmokce lengdar mabukba, Allah el si Yahweh arye lak kibuk ak, Raja Salomo birye eibuk. Eibukce, Allah arye Salomo biti nyabuk. “Wini talak ara an teneminye ning ara, lak nyapnimince, moropniminyopura, dipkoprob na Allah arye arepnamkine,” nyabuk.

Pilipi 4:6

Yesus nun dolyanamsil talak ara, akunum dam upsil anya arye, yata ning do nirya ati, ilil upsiliba, ‘Se, yata upnamap do’ tenen, teniltonauk kum unamlulume. Ilil upsiliba, teniltona kum unamlum bukni, aminyan winipnamsil ning noutamak nirya ara, Allah ati moronamlulume. Ara, Allah ati telebe nyabuka, anggun patapsilye ning nirya ara, lakak nyapmunce, Allah pia moronamlulume.

Matius 6:8

Anang yupu cang arye nyabuka, Allah morolamak touk, kum moronamlulume. Anggun patasilye ning, min kum moropmamunye talak arye, anggun ni Allah akunum kel bikilula anya arye, yupu cang arye morona kum unamlulume.

Matius 23:7

Tonda, ‘Ninye nirya din ning deibuka deklamakak ara, pasar noutamak arye babiba, ninye nirya eipsikirye si erenamsiak’ tenen, kanye pin-pin asa banyake. Atonun ton, utenenyake. ‘Ninye nirya arye, sikda nun weik peterena deiyok nang, guru nyapnamsiak’ tenen, kanye pin-pin asa arye wininyake.

Yohanes 20:16

Maria arye nyabukba, atikmoknye Yesus arye akil ati tamubuka el siuk, “Maria,” nyabuk. Maria ara, keil deiya damuk dinmoka anya arye, Yesus arye el si nyabuka deice arye, adiparyuk Maria moubuka tenebukce, tamubuka Yesus tikmokak eibuka, amutuku yupu Aramaik deice arye, “Rabini (Guru), na peterena deiyoknye,” nyabuk.

Matius 23:8

Sik Farisi nang ap, Musa sekamuk yupu peterena deiyok nang ap, wininyak bukni, na mapu anggunda, anang winilamaka atonun kum wininamlulume. Anggun weik deiyoknye tonok, na uniba, anggunda na weit yapu atonun ulaluma ati, yuk nang arye anggunti, “Nun weik peteren nang, nun Guru,” nyabuka, ‘Anggun si erepsikcak’ tenen, anggun bidamnye yupu sekeldongonamlulume.

Markus 10:50

Nyabikbuk, el nong deice ongopmok ongon cang baju, kwiriplobuka kanye deibuka im sukukce, minopce Yesus dam yayuk.

Rasul 23:19

Nyabukura, ayin talin nang, sik weik deiyoknye birye, akamnye taruk talipdanuka yukak delilbiyukce “An tenepmalam yupu dan do? Ayupu nyapnulyame,” nyabuka asipdeyuk.