Markus 1:4 - Eipomek

⁴ Nabi Yesaya birye ayupu nyalamuk atonun Yohanes yayuke. Yayukce ninye ap, mok cena ap, kum ulamukba, Yordan mekinak dib tenen nang dobuka mek dongolamuk. Tonda, Yohanes peterelamuk ning ara, ani. “Ninye kanye talima malye tenelamice ning ap, malye winilamice ning ap, nirya batakuka, kanye tamubiceura, Allah arye nun lyena ati, amalye ning nirya kum kipdeiplirye, namin kipnamsile,” Yohanes birye nyabuka peterelamukce, dib tenen ninye mek dongolamuk.

Markus 1:4 Referans Kwoze

Yohanes 3:23

Atalak noutam akuk, Yohanes arye yuk mutuku si ara Ainon ap, Salim mutuku ap noutamak ara, diba tenen ninye dobuka mek dongolamuk. Ara, amutuku bitinye, el ulamuk mutuku noutamak ara, mekwen weik uamuka ati, ninye arye, ‘Mek dongopsutue’ tenen, tuba-tuba yangalamikba, Yohanes arye adip tenebik ninye dobuka, mek dongolamuk.

Matius 3:6

Balamikce, sik malye ulamik ning, yuk ninye kekelamikak arye, lakak laka nyabuka batakik. “Nun dipkoprop malye winilamupe,” nyabuka, sik malye winilamik ning lak akarye, laka nyabuka bataklamikba, Yohanes arye adib tenelamik ninyeuk dobuka, mek ongolamuk. Aninye dobuka, mek dongolamuk mek si ara, Yordan mek.

Lukas 1:77

El bisik kintininalam ara, Yohanes ance, ‘Allah el mapu sik lyen ning kel biknamak’ tenen, laka nyanamlyame. Ara, ninye nirya, sik malye unyak ning ap, malye tenenyak ning ap ati, Allah arye namin kiplirye, kum danipnamle deice arye lyepnamle yupu ara, laka nyanamlyame.

Rasul 22:16

Ati, yata ati tonap, pia talye unamlam do? Ara, antikmince, Allah si moropminyopura, mek dongopkiceura, an tenepminye touk malye winiminye ning nirya ara, Allah arye kum kipdeipkilirye, lyepnamkile. Ananias arye nyapnuke.” Paulus arye lak nyabuk. Nyabukce, ayupu ton dukdongobuka nyabuk.

Rasul 10:37

Ara, Yudea tam noutamak akunum ulamuk ning nirya, anggun akunum kele. Galilea mutuku arye deiyok kouamukce, Yohanes arye mek dongon yupu peterelamukbuk, anyapce,

Matius 3:11

“Anggun malye ning nirya batakmunba, mek sirika dem dongosunun bukni, nada mitik mambulnye anya arye, aminyan talak yanamla weik deiyoknye bira, elda weik mambulnye. Nada, mambulnye kum ati, pia malye piluk bukni, el sandal koulongon tapu narye kum loploptinye. Aminyan yanamlanye bira, el mikip pia weik ati, elce Allah El Dib Kanye arenamsile. Narye mek sirika, dem dongopsiniba, anggun nong nirya mek singilamle touk, aminyan yanamlanye bira, el mikip pia weike ati, elce Allah El Dib Kanye arepsiliba, anggun kanye talima nirya talinamsile. Uku arye malye ning dilamle touk, Allah El Dib Kanye arye, anggun malye winin ning nirya dobuka, kum kipdeipnamsile.

Markus 1:5

Weik asik dolamik mutuku, Yerusalem mutuku ulamik ninye ap, Yudea mutuku noutam ulamik ninye ap, yupa weika arye Yohanes peterelamukak kekelbalamik. Balamikce, sik malye winilamik ning, yuk ninye kekelamikak arye laka nyalamik. “Nun dipkoprop malye winilamupe,” nyabuka, sik malye winilamik ning laka nyalamikba, Yohanes birye aninye ati, mek dongolamuk. Dongolamuk mek si ara, Yordan mekin.