Markus 1:25 - Eipomek

²⁵ Isa arye nyabuk bukni, Yesus el yupu mikip arye, “An yupu tunim abuka, anye talima noutam talipluma ara, batakuka bilyame,” nyabuka wenebuk.

Markus 1:25 Referans Kwoze

Markus 1:34

Bulubuka wekenmekba, Yesus arye, anang sik dilamuk uk, talilamuk ning weik yala-yala nirya kwetebuk. Tonda, Yesus arye isa mer weike ninye talyamuka ara, asik nirya yakuka dopkwetebuk bukni, aisa nirya ara, el Yesus akunum kel bikamik. Ati, Yesus arye, ‘Aisa arye na wininun ning laka nyapnicake,’ tenebuk. Tonda, sik isa mer arye, “Yesus ara, Allah el Mi Koprop akunum yanmale,” nyabuka ‘Na lak akarye, nyapnicak,’ tenebuk. Utenebuka anya arye, Yesus arye aisa mer nirya ati, “Anggun yupu tunimaplulume,” nyabukba, aisa nirya ara, yupu nyapmanto kum ubik.

Rasul 16:17

Akil arye Paulus ap, nun nirya ap ati dobolbalamsukce, weik yupu arye nyalamuk. “Allah pia mikip weik ulirye, aning-aning nirya bisilul deice arye ulul Allah ara, anang ara, el pil melibuka don nang unyakce, ‘Allah arye Yesus ati dib tenebibya deice aryuk lyesulul,’ Yesus arye lyesulul yupu laka nyanmasiake,” nyabuka akil arye pia nyalamuk.

Lukas 4:41

Tonda, uk adilamuk ninye kan-kan ara, aninye sik nong talyamuk isa nirya kutukuka biyik. Kutukuka biyikopura, aisa mer arye ayupu nyanmek. “Anda Allah el Mi Koprop ulyame,” nyanmek ati, Yesus arye ayupu sekdongobuk. Ara, Yesus arye, aisa nirya, ‘Elda Ninye Lyenanye, Mesias ulule,’ akunum tenepmaniaka ati, ‘Ayupu kum laka nyapnamniyak’ tenen, sik nyanmek yupu sekdobuk. Aisa nirya ara, el Yesus akunum kel bikamik ati, ‘Na laka nyapnicak’ tenen, “Anggun yupu tunimaplulume,” nyabukura, aisa nirya arye yupu kum dayikce pia yupu nyapmanto kum ubuk.

Markus 9:25

Ami winipmok ning ap, el li ap, Yesus ap, yupu talipmarik ati, ‘Yesus arye yata wiripnul do?’ tenen, aunmek nang nirya arye dilyayik. Sik tuba-tuba dilyanganmek talak ara, Yesus eibukce ami talyamuk isa ati nyabuk. “Anda amul kunukna ap, yupu luba una ap, winilyam isa ara, ami talima ak talipluma batakmince, kubuka bilyame. Baminye ning, ila tamubuka, ami talima pum bisik tonap, kum weknamlyame,” nyabuk.

Lukas 4:35

Isa arye nyabukura, Yesus el yupu mikip arye, aisa ati, “An yupu tunim ablyame, anye bira talima noutam taliplum ara batakuka bindoplyame,” nyabuka wenebuk. Yesus arye nyabuka wenebukura, isa arye atalyamuknye kum obuk bukni, weik arye talibuka lulukunmoka ani, tukwak dofouklobukce, aisa arye anye el nong pum kupsaka ngalukukce biyuk.

Mazmur 50:16

Bukni, Allah arye sik malye weik wininyak nang ati, nyalule. “Anggunda, pia malye winiluluma ati, yata deiyok ati, narye, ‘Aning ara, wininamlume, aning ara, pia kum wininamlume,’ nyapdeiamsise yupu, dobuka nyaptum do? Aning atonun, anggunce malye winin ninguk, talibuka winilulum nang arye, yata deiyok ati, narye, ‘Anggunce winibuka teleb winipmunyeba, narye pia teleb kilinamsine’ nyabuka, nyalin yupu deice arye, nyapdeiamsise yupu dobuka, anggun sitang deice nyaptum do? Kume, ayupu ara, anggunce kum nyapnulume!

Matius 9:30

Teleb ubukba, Yesus arye ‘Yuk nang kekebikirye, biknicak’ tenen, anang ati yupu mopreibuk. “Akwetepmasin ning ara, ‘Yuk nang arye nati kel kipnicak’ tenen, narye kweteipmasina ara, kum laka nyapnururume,” nyabuk.

Markus 1:24

“Yesus Nasaret mutuku ulamlumnye, anda yata ning patapmakilba yanmasilam do? Ance ‘Amutuku isa mer nirya opnaman’ tenen, yanmasilam do? Na kel bikmakine. Allah arye wiamkukba, anda Pia Diksukumnye ulyame,” nyabuk.

Markus 1:26

Yesus arye nyabuka wenebukba, isa arye, atalyamuknye weik arye talibuka lulukunmoka ani, el kanye ap nong pum bisik ap arye kutuksakukce, ngalukuka biyuk.