Markus 1:23 - Eipomek

²³ Anang ngalukunmek aik ara, Yahudi yala ninye sik Allah yupu peteren aik noutamak arye, isa talyamuknye bukmokce, yupu weik arye nyabuk. Anye bira, isa arye talipnuryamuka arye nyabuk.

Markus 1:23 Referans Kwoze

Markus 9:25

Ami winipmok ning ap, el li ap, Yesus ap, yupu talipmarik ati, ‘Yesus arye yata wiripnul do?’ tenen, aunmek nang nirya arye dilyayik. Sik tuba-tuba dilyanganmek talak ara, Yesus eibukce ami talyamuk isa ati nyabuk. “Anda amul kunukna ap, yupu luba una ap, winilyam isa ara, ami talima ak talipluma batakmince, kubuka bilyame. Baminye ning, ila tamubuka, ami talima pum bisik tonap, kum weknamlyame,” nyabuk.

Markus 7:25

Kel kibikce, “Yesus winira ayale,” nyabuka laka nyalbiyik ak, tonok kil kekebukce, Yesus dam yayuk.

Markus 5:2

Biyikopura, Yesus ara, mek liya yo deice arye tukwak tikilbiyuk. Tikilbiyukbuk, isa talyamuknye, ninye weilamik keil deiya noutamak arye kubukabukce, Yesus dam yayuk.

Markus 1:34

Bulubuka wekenmekba, Yesus arye, anang sik dilamuk uk, talilamuk ning weik yala-yala nirya kwetebuk. Tonda, Yesus arye isa mer weike ninye talyamuka ara, asik nirya yakuka dopkwetebuk bukni, aisa nirya ara, el Yesus akunum kel bikamik. Ati, Yesus arye, ‘Aisa arye na wininun ning laka nyapnicake,’ tenebuk. Tonda, sik isa mer arye, “Yesus ara, Allah el Mi Koprop akunum yanmale,” nyabuka ‘Na lak akarye, nyapnicak,’ tenebuk. Utenebuka anya arye, Yesus arye aisa mer nirya ati, “Anggun yupu tunimaplulume,” nyabukba, aisa nirya ara, yupu nyapmanto kum ubik.

Matius 12:43

Nyabukopura, ayupu ton nyabuk. “Anggunda, kanye mouplulume. Isa mer nirya ninye talima noutam talyamsilya ani, kutukuka balirye, ‘Dana ak didik septinye do?’ tenen, mek pia kumak balamlya ani, teleb ak kum eiplyopura, ila tamubuka el min arye talyamuknye dam yangalule.

Markus 1:22

Yesus arye peterenmokba, abulupmek nang nirya kekebikce, mambul kanye bobuka, ‘Se’ tenen, ngalukunmek. Ara, Musa sekamuk yupu peteren nang arye, peterelamik touk kum bukni, Yesus ara, ‘Yuk nang arye peterelamik ninguk nyapnune’ tenena kumce, weik kel arye peterenmoka ati, amutuku nang ngalukunmek.

Markus 1:24

“Yesus Nasaret mutuku ulamlumnye, anda yata ning patapmakilba yanmasilam do? Ance ‘Amutuku isa mer nirya opnaman’ tenen, yanmasilam do? Na kel bikmakine. Allah arye wiamkukba, anda Pia Diksukumnye ulyame,” nyabuk.

Markus 1:29

Asum arye, Yahudi yala nang Allah yupu peteren aik batakuka biyikce, Yesus ap, Simon ap, Anderias ap, Yakobus ap, Yohanes ap, sik nirya ara, Simon ap, Anderias ap, sik aik biyik. Biyikopura, anang aik binuka wekik.

Markus 1:39

Nyabuk touk, Galilea mutuku noutam nirya, balamukce, Yahudi yala nang sik Allah yupu peteren aik wekuka peterelamukce, aninye talyamne isa nirya yaklamuk.