Biblia Todo Logo
Bib sou entènèt

- Piblisite -




Markus 1:22 - Eipomek

22 Yesus arye peterenmokba, abulupmek nang nirya kekebikce, mambul kanye bobuka, ‘Se’ tenen, ngalukunmek. Ara, Musa sekamuk yupu peteren nang arye, peterelamik touk kum bukni, Yesus ara, ‘Yuk nang arye peterelamik ninguk nyapnune’ tenena kumce, weik kel arye peterenmoka ati, amutuku nang ngalukunmek.

Gade chapit la Kopi




Markus 1:22
14 Referans Kwoze  

Sik mapnin balamika ani, Yesus el mutuku koprop, Nasaret mutuku koulukik. Koulukuka biyikce, Nasaret mutuku noutamak daulamik bukni, Yahudi yala nang arye Allah yupu peteren aik, Yesus wekukabukce, Allah yupu peterenmok. Peterenmok talak ara, pia teleb ubuka peterenmoka ati, el yupu kekenmek nang arye ngalukunmek. Ngalukunmekce nyanmek, “Anye bira, el peterenmal yupu ara, dan mutuku arye kel kibuk do? Yata weik kel bikna nang arye peterebikba, weik kele kibukce teleb ubuka peterenmasil do? Yata mutuku arye ninye kum winipmanto ning, mambul pil dona ati, mikip deiyok ning arebikba apil donmal do?” nyabuka ngalukunmek.


Wenebikbuk, ayin talin nang arye, “Kume, anye birye nyalye yupu ara, pia mambule. Yuk nang nirya ara, el nyalye touk pia kum nyalamsike,” nyabik.


‘El yupu peterenmok talak ara, abulupmek nang nirya kekebikce, mambul kanye bobuka, se’ tenen, ngalukunmek. Ara, Yesus ara, weik kel ap, weik mikip ap deice arye peterenmoka ati, ngalukunmek.


Anggun kele, na Allah Yahweh arye nyalisunun yupu ati, winipmanto yupu nyapsine. Ara, narye nyasinye yupu ara, uku dilamle atonun ulule. Tonda, narye nyasinye yupu ara, kat besi ning, el si martalok dobuka, weik keil sibikiba, teleb uka poulamle atonun ulule. Na yupu ara, dipkoprob mikip weik ulula ati, nyapsine.


Aning kum bukni, pia malye ning wininyak nang arye, ‘Yuk ninye eibuka kel biksikcak’ tenen, duknulamak ning aning-aning nirya akunum batakibirye, tenepce arye yupu nyana ap, tilila yupu ap kum nyanyabe. Tonda, Allah yupu dipkoprop nyasilye touk aninguk moubuka peterenyabe. ‘Yuk nang arye kanye deipsitinge’ tenen, nun kanye aryuk kwalibuka kum peterenyabe. Aning nirya kum wininyap bukni, Allah el dinmasilibuk, Allah el dipkoprop yupu ulye touk, aninguk dobuka laka arye peterenyabe. Peterenyaba deice arye, ninye nirya kekebikirye, sik kanye tenena noutamak arye nunti, ‘Anang ara, dipkopropuk wininyak,’ tenesinyake.


Stefanus el yupu dipkoprop nyalamukura, anang arye balye tam kibik akarye, ‘El yupu yanipnamap’ tenen, deiyok koubuka priplobik bukni, Allah El Dib Kanye Stefanus talima noutamak ulamuk arye, mikip weik kililamukura, weik kel ning melyamuka deice arye, Stefanus yupu teleb-telebuk nyalamukura, anang kum bisipmanto kibik.


Sik wenepnamsiak talak ara, narye weik kel yupu anggun kanye talima ak arepsinyeura, nyanamlum yupu ara, anang arye bisibuka yanipmanto kum winipnamsiake.


Anang ngalukunmek aik ara, Yahudi yala ninye sik Allah yupu peteren aik noutamak arye, isa talyamuknye bukmokce, yupu weik arye nyabuk. Anye bira, isa arye talipnuryamuka arye nyabuk.


Sik peterena deiyok nang arye elti, asinmekbuk, elce tamubuka sikti, nyanmok yupu nirya kekenmek nang nirya ara, ‘Se yata wiribuka arye ami aning-aning bikam turye laka nyaptu do? Se ami ara, pia kel weik mi,’ tenebuka ngalukunmek.


Swiv nou:

Piblisite


Piblisite