Markus 1:10 - Eipomek

¹⁰ Mek dongobukba, mek pum tam arye wekabuka ani, tikilongoyuk talak ara, Allah arye im deice buplan kukeibukba, Yesus dinmokba, Allah El Dib Kanye ara, yalma maka atonun dayukce, Yesus el nong deice bulyayuk.

Markus 1:10 Referans Kwoze

Lukas 3:22

Mek dongobukba, lukuka tikukura, Yesus arye dinmok talak ara, adiparyuk Allah arye im deice pakibukce, Allah El Dib Kanye ara, yalma maka atonun dayukce, Yesus el nong deice bulyayuk. Bulyayukopura, Allah im deice arye ayupu nyabuk. “Anda na Mi Koprop ulyame. Narye anti pia bicoe tenekenuna anya arye, anti na kanye pia delikunune.” Allah arye Yesus ati nyabuk.

Matius 3:16

Mek dongobukba, Yesus ara, mek pum arye mek wekabuka ani, tikilongoyuk bisikuk talak ara, adiparyuk Allah arye im deice kukeibukba, Yesus arye dinmok. Dinmokba, Allah El Dib Kanye ara, yalma maka atonun dayukce, Yesus el nong deice bulyayuk.

Yesaya 64:1

Allah ance im deice nirya bokuka dana-dana deipmince, yanalam talak ara, mutuku dana-dana nirya ara, weik tonun luluknamle. Ara, an weik mambulnye dam yaminba, mutuku nirya luluknamle.

Yesaya 42:1

Allah el si Yahweh arye nyabuk. Anggun nirya dilulume. Na amu tam ulirye, na mambul pil donamlanye bira, anggun kel bikna ati, erepdeipsine. Narye anye pia melibuka talinamne. Narye anye wibuka deiamsa ati, elti, ara, pia kanye delinamne. Na wiamsinye bira, na Dib Kanye weika arye el deice delinamne. Winipnyopura, elce sik tukwak ninye ayala-ayala nirya ati, diksukum kibuka yupu lipsisikuka bokolinamle. Winiplyopura, sik ikin weik ulamik ning kum kipdeiplirye, ninye weika arye teleb kilinamle. Winipliba, sikda kanye deibuka telebuk unamake.

Yehezkiel 1:1

Ara, atalak ara, keting tamun yupa weik, yupa tonok kepdopnye pamubarye (tiga puluh tahun 30) ubuk. Dumu wala arye, like pamu sum (tanggal 5) ubuk sum ara, Atalak ara, Babel mutuku ninye deiyoknye, Sisinanye Nebukadnesar ap, el yin talin nang ap arye, Israel ninye tongobuka tapu koubikce, Babel mutuku bobinamsikba, daulamua ani, keting tamun pamubarye, akunum kibukopura, mek si Kebar mek lelun unmase. Ara, na Yehezkiel ap, Babel mutuku nang arye, yuk Israel ninye bobuka delilbalamik ninye ap, Kebar mek lilunak unmapu. Atalak ara, Allah arye, im deice bublan kukibukba, weik mambul ning ton, laka kipsukba, narye eipse.

Markus 1:9

Yohanes ayupu peterelamuk talak ara, Yesus Galilea tam bukni, Nasaret mutuku arye, Yohanes birye dib tenen ninye dobuka mek dongolamukak yayuk. Yesus ara, Yordan mekin yayukba, Yohanes birye Yesus mek dongobuk.

Markus 1:11

Bulyayuk talak ara, Allah im deice arye ayupu nyabuk. “Anda na Mi Koprop ulyame. Na anti, pia bico tenekinirye, na kanye pia delikunune,” Allah arye nyabuk.