Lukas 9:50 - Eipomek

⁵⁰ Nyabukura, Yesus arye tamubuka nyabuk. “Ato nang ati, anggunce yupu kum sekenamlulume. Yata ninye do nirya, na yupu kum yanisinyak nang ara, nun ap neika pil donyap ninye atonun unyake.” Yesus arye nyabuk.

Lukas 9:50 Referans Kwoze

Lukas 11:23

Nyabukopura, ayupu tonap nyabuk. “Na ap neika kum pil dolulnye bira, yupu sekuka bisbisibuka, yaniplobuka balamak atonun ulule. Tonda, kwaning yongobuka tonok ak bulubuka deibikce talak ara, el ap bulubuka kum delilulnye bira, yamubuka donokolamak atonun ulule. Na ap, anggun ap, neika kum pil dolbilyopura, wininyak nang atonun, na yupu yaniplobuka atonun ululume.” Yesus arye nyabuk.

Matius 12:30

Nyabukopura, Yesus arye ayupu ton nyabuk. Na ap neika kum pil dolulnye bira, yupu sekuka malye kibuka, yaniptapra balamak nang atonun ulule. Tonda, winipmanto ara, kwaning yongopra tonok ak bulubuka deibice talak ara, el ap bulubuka kum delilulnye bira, yamupra donoklamak touk ulule. Na ap sik ap, neika kum pil dobibyopura, arup nyapmasin nang, aunyak nang atonun malye weik winilulume.

1 Korintus 12:3

Winibuka ulaluma ati, narye ayupu nyapsine. Anggunce, ‘Aning ara, Allah arye, yanganmasil do, kum do?’ tenen, piripdelumba, kel biknamtum ning ara, ani. Ara, yata ninye do nirya, Allah El Dib Kanye, el mikip arye, aninye talibuka melilya deice arye, anggunce, “Yesus ara, talinye ulula ati, Allah weneplirye, uku din mutuku dopkwetepnamtue,” nyabuka, Yesus ati malye yupu nyabuka, pia kum yaniptinge. Aning atonun, yata ninye do nirya, talye nang arye, “Yesus ara, dipkoprop, nun Weik Ninye Deiyoknye usulule,” nyabuka, dipkoprop ning kum nyaptinge. Aning ara, Allah El Dib Kanye, el mikip deice melilya deice aryuk, ayupu dipkoprop ning nyaptinge.

Lukas 16:13

Nyabukce ayupu ton nyabuk. “Tonok pil donanye birye, el deiyok nang bitinye nang utiringopura, tonoknye birye abitinye nang pil kum doptue. El deiyok nang bitinye nang ati, kanye deibuka, tonye pil dobuka, tonye pil dobuka, kum winiptue. Ato pil don nang ara, ton deiyoknye biti, kanye deibuka, ton deiyoknye biti, lik tenebuka unamake. Tonda, sik deiyok nang bitinye kibikce, ton deiyoknye biti, pia talibuka unamake. Ton deiyoknye biti, lik uplibuk, bataknamake. El pil deiyok nang bitinye nang utiringopura, tonye biti lik tenebuka bataklirye, tonye biti kanye deiplirye, meliplyopura pil donamle. Tonye bira, bataknamle, tonye bira, pia talinamle. Ayupu nyapmasin touk, Allah ap, yo bok do, talye tukwak ning nirya ap ati, neika talibuka kum pil doptume. Tonok ning ara wibuka talinamlulume,” Yesus arye nyabuk.

Markus 9:41

Na dipkoprop yupu nyapsine. Yata nang do nirya, ‘Sikda Yesus el mapu unyaka ati, Yesus si deice arye mek kwebuka arepnuyabe,’ tenebikirye, arepmakeopura, Allah arye Aninye ati, arepnamne tenelye ning ara, kume kum danamle. Dipkoprop Allah arye dekna ning areplibuk, nirya dopdopnamake.” Yesus arye nyabuk.

Matius 17:26

Yesus arye ayupu nyabuka asipdeyukba, Peterus arye tamubuka nyabuk. “Kume sik mapu koprop arye kum arenyake, yuk talye nang aryuk arenyakba dolonyake,” nyabuk. Nyabukura, Yesus arye, “Dipkoprop nyaplame. Weik ninye deiyoknye el mapu koprop sikcuk pajak yo bok kum arenyake. Aning ati ara, Allah el Mi Koprop na ap, ara anggunda na mapu ap, Allah arena aik bana ati dololamak yo bok, nunce kum arebibyopura, aning babye telebuka.

Yosua 9:14

Sik Hewi nang arye ayupu nirya nyabikba, sik Israel deiyok nang arye, anang sik liamik din doprobik. Talye luparabuka doprobik bukni, aning dopropnuyik talak ara, sik ni koproba, Allah Yahweh ati, “Nunda, aning ton doproptibye do? Aning ara, kum do?” nyabuka, kum morobik.

Matius 17:24

Yesus ap, el mapu ap, amutuku batakuka bisik mapnin balamika ani, Kapernaum mutuku biyikopura, Yahudi yala nang sik Allah ati arilbalamik aik wekelban ati, pajak yo bok dona deiyok nang, Peterus el dam yayikce asipdeyik. “An peterena deiyoknye Yesus arye, Allah arena ap, el si erena ap ati, anyaik bana ati, dekna pajak yo bok arelul do, kum arelul do? Ara, Allah si erena aik talina deiyok nang arye, ‘Anyaik bana ati, pajak yo bok areplulume,’ nyapsikce talak ara, Yesus arye arelul do, kum do?” nyabuka asipdeyik.

Markus 9:38

Yesus arye nyabukura, Yohanes arye tamubuka nyabuk. “Naio, tonoknye elce ninye talilamuk isa, an si deice arye yakanmokbuk, eibupurye, anye bira nun ap, kum banyapnye ati, ‘Anda bataklyame,’ nyapmapu,” Yohanes arye nyabuk.