Lukas 7:14 - Eipomek

¹⁴ Nyabukce, ami el baya yo deice taruk deibukura, ami baya yo bobanmek nang ara, tunim abuka tikik. Tunimabuka tikikopura, Yesus arye adipmok mi ati nyabuk. “Amio, anda kam bukuka tikdeo,” nyabuk.

Lukas 7:14 Referans Kwoze

Yohanes 5:25

Dib yupu nyapsine. Aminyan talak mambul talak yanamle. Tonda wini talak akunum deiyok koupmasile. Atalak ara, sik akunum diamik ninye bukni, Allah el Mi Koprop arye el yupu nyapliba, kekebicopura, kam bukuka pia kam unamake.

Yohanes 11:25

Nyabukopura, Yesus arye nyabuk. “Kam Bulina Deiyoknye ap, Kam Una Deiyoknye ap, na aunune. Yatanye do nirya, nati dib tenepnilinye bira, el nong dipmalya babye, kam pia unamle.

1 Raja-Raja 17:21

Nyabukopura, Elia bira atalak uk like winilye sum arye, ami mapdeipmok deice ak, iribuka mabukce, yupu weik arye Allah el si Yahweh ati morobuk. “Na ni Allah, anda Yahweh ulyame. Ance ami el dib kanye dopropmalamak arye, el nong pum tam isin tamubuka dongopminba, tamubuka kam buknule,” nyabuka morobuk.

Roma 4:17

Ara, Allah yupu noutamak sekeiyamik touk ulule. Ayupu ara ani. ‘Allah arye nyabuk, “Abrahamo, Narye an Abraham ati, yuk-yuk ninye yala-yala weik, daunamak ninye nirya ati, sik apu kopropa akunum kipkine,” Allah arye nyabuk.’ (Kejadian 17:5) Abraham bira, Allah ati diba tenelamuka anya arye, Allah el kanye ara, ‘Sik aminyan talak diba tenepnamniyak ninye nirya ara, sik apu kopropa ara Abraham ulule,’ tenelule. Allah ara, talinye kume. Elce deiyamuk ninye akunum kam bukuka delilule. Min kum ulamle ning bukni, ‘Aupnamle’ tenen, yupu nyalilamle touk, dipkoprop nong ulule.

Yohanes 5:21

Ayupu ara talye ati kum nyapsine. Ara, Allah arye akunum diamikce ninye, kam bukuka delilamle touk, el Mi Koprop arye el kanye delilul ninye ati ara, elcuk tenelul touk, kam una deiyok ning ariliba, pia kam unamake.

Yesaya 26:19

Nun ni Allah, an mapu koprop bukni, akunum min arye diamik nang ara, aminyan ance kam bukeipminba, kam unamake. Sik deiamik nang ara, akunum tuku palibuka wiamik bukni, sik nong ara, tamubuka kam buknamake! Tamubuka kam bukmunyopura, weik tonun kanye deipmunce, weik yupu weik tonun mot nyapnamlume! Winipmanto ara, mok purye tuku deice saklirye, dua pito weleplirye, dirina arye teleb ulilamle touk upnamle. Aning deiyok ara, Allah ance an mapu akunum diamik ara, tuba tamubuka, kam bukeipnalame.

Mazmur 33:9

Ara, talye ati kume. Deiyok ara, Allah elce, “Aning-aning nirya, wini talak winipnule,” nyabukba, adiparyuk, aning-aning nirya anyapmok touk, kikliman kibuk. Aning atonun, elce ayupu nyabuk talak aryuk, aning-aning nirya, lakak kibukce, pia darabuka winilule. El yupu nyabuka, deice aniryuk, aning ayala-ayala nirya, kwepdeibukba, lakak kibuk.

Ayub 14:14

Na nio, na walwale. Ninye akunum dipmakceura, sik tamubuka kam bukting do? Ance tamubuka kam bukeipnamsilam do? Kam bukeipsutum toura, aning biktinyeura, na tuba-tuba ikin unilye talak noutam ara, ‘Aminyan dipnyopura, Allah tenepnilye talak, tuba tonap tamubuka kam bukeipnamnil’ tenen, pia teninauk uptinye.

Ayub 14:12

Nun ninye dibinyaba ara, atonun unyabe. Ara, dibipyopura, tuba tamubuka kam kum buktibye. Im tuba upnamle talak ara, akunum dipmakce nang ati, yuk nang arye tamubuka tonap kum elinamake. Im noutamak ulul ning nirya, kum uplyopura, diamikce ninye tamubuka kam buknamak bukni, aning min kum winipmalye talak ara, pia mabuka tunimanauk unamake.

Efesus 5:12

Sikti, yupu sekenamluma deiyok ara, ani. Ara, sik pia malye winikirye, Allah yaninyak ninye arye, yuk nang kum elinyak ak, dungnubuka wininyak ning ara, pia malye anya arye, nun teleb nang arye, yupu deiceuk laka nyabibyopura, alye upsute.

1 Raja-Raja 17:22

Elia birye Allah ati nyabuka morobukba Allah el si Yahweh kekebukce, ami el isin tamubuka arebukba, adiparyuk ami tamubuka kam bukuk.

Markus 5:41

Wekikbuk, Yesus arye akilmu taruk talibukce, amutuku yupu deice arye nyabuk. “Talita koum,” nyabuk. Anyabuk yupu deiyok ara, ani. “Akilmu otiklyame nyapmakine,” nyabuk.

Lukas 7:13

Eibukce, ayouwak kil ati pia bico tenebukce, “Se, nongo engena bataklyame,” nyabuk.

Lukas 7:15

Nyabukopura, adiparyuk adipmok mi ara, baya yo pum arye bukukabukce, yupu nyanmok. Winibukura, Yesus arye ami tamubuka dobukce, el lin bak aribuk.

Lukas 7:17

Nyanmeka anya arye, Yesus ami kwetebuk ning ara, eibikce laka nyapra balamikura, Yudea tam ulamik ninye ap, amutuku dana-dana tam ulamik ninye ap, weik kekelamik.