Lukas 6:28 - Eipomek

²⁸ Tonda anggunti, ‘Anang ara merekuka dadipting’ tenen, kanye tenelamsiyak nang ap, anggun nong deice ikin ning delilamsiyak nang ap ati, teleb yupu nyabuka ‘Allah arye lyepnamle’ tenen, moronamlulume.

Lukas 6:28 Referans Kwoze

1 Peterus 3:9

Yuk nang arye anggunti, malye upsikcopura, tamubuka kwang dakana meme. Tonda, yuk nang arye anggunti, yu bobuka malye yupu nyapsikcopura, tamubuka sikti, malye yupu kum nyalanamlulume. Bukni, “Allah arye, ‘Teleb ulinamsile’ tenen, Allah moronamsine,” nyabuka, teleb yupu uk, tamubuka nyanamlulume. Anggunce yuk nang ati, ‘Teleb yupu nyalinamak’ tenen, Allah arye wibuka yukupsuk anya arye, winimumnyopura, Allah arye teleb ulinamsile.

1 Korintus 4:12

Nun bidamnye taruk deice aryuk, ikin pil dobuka ulamibyopura, dikdik usiliba mitang asauk unyabe. Yuk ninye arye, nunti, malye yupu nyabuka, ikin ning nun nong deice deipsicopura, nunce tamubuka aninye ati, teleb yupu uk nimalye arye, nyanyabe. Allah el pil dopya ati ara, yuk ninye arye, ‘Anang ara nun lik,’ tenebuka, ikin ning weik nun nong deice delisinyak bukni, kwang dakna kum aryuk, talye lamapdongobuka, tuba pil donyabe.

Roma 12:14

Yuk nang arye anggun diba teneplum ninye ati, ‘Nun like’ tenen, anggun nong deice ikin ning deipsikirye, malye yupu nyapsikce babye, anggunce ila tamubuka malye yupu nyana meme. Anggunce anang ati, ‘Allah arye teleb ulinamsile’ tenen, “Allah moronamsiape,” nyabuka, teleb yupu uk tamubuka nyanamlulume. Anggunce anang ati, ‘Allah arye sikti, malye updeiptue’ tenen, sik nong deice malye yupu nyabuka, kum delinamlulume.

Yakobus 3:10

Nun si bam bol tonok bukni, adeice aryuk Allah si erena yupu ap, ninye malye len yupu ap nyanyabe. Se, na kayapu dipkoprop aning ara, pia kum winiptibye. Ara pia malye atia.

Lukas 23:34

Anang nirye arye, ‘Yesus opnuyap’ tenen, wanwanun yo deice deipmek talak ara, Yesus arye el li Allah ati nyabuk. “Naio, aonmaniak nang ati, kum wenepnamlyame. Sikda, bita kum tenepmakce, wininmaniaka anye arye, sikti, namin kipnamlyame,” nyabuk. Tonda, sik ayin talin nang arye, Yesus deice ongopmok baju, ‘Yatanye birye dopropnul do?’ tenen, sik nomor undian donokik anyak ani, aning akunum laka kipne nanguk, aongon baju dolonmek.

Lukas 6:27

Yesus ayupu akunum nyabukopura, ayupu tonap nyabuk. Na wini talak ayupu nyapnusine. Yuk nang arye anggunti, ‘Opnamabe,’ tenelamsiak nang ati, bico tenebuka melinamlulume. Tonda, yuk nang arye anggunti, ‘Nun lik,’ tenesinyak nang ara, teleb kilinamlulume.

Matius 5:44

Bukni, na wini talak nyapsin yupu ara, ani. Anggun oldalamlum nang ati, bico tenebuka melinamlulume. Anggun nong deice ikin ning deililamsiyak nang ati, ‘Allah arye aninye lyepnamle’ tenen, moronamlulume.

Rasul 7:60

Anang arye Stefanus onmekbuk dibuk talak ara, Saulus mening dam tikuka dinmokce, ‘E ara, merekuka obake,’ tenebuk.

Lukas 6:35

Wininyak bukni, narye nyapsin yupu ara, yuke. Sikce, ‘Anang optibye,’ tenelamsikce nang ati, bico tenebuka, teleb updeipmunce, ‘Aning tamubuka arenamsiake,’ tenena kum aryuk, talye urdemuk arenamlulume. Aning ati ara, anggun ni Allah im deice ululnye birye, pia malye ninye ap, teleb ubuka melilule, sikce tamubuka, ‘Naio telebe,’ pia kum nyanyak ninye ap nirya ati, bico tenebuka kanye arelul touk, anggun babye, yuk ninye nirya ati, bico tenebuka kanye delinamlulume. Anggunce winipmunyopura, Allah el mapu koprop kipdeipnamsile. Tonda aminyan ara, Allah arye im deice teleb ning weika arye arenamsile.

Rasul 14:5

Bokololamikce Yahudi yala kum ninye babye, Yahudi yala ninye babye, sik ap, sik ninye deiyok nang ap, tonok-tonok yupu sisiklamikak arye, ‘Ikin ning sik bitinye nang nong deice deibibirye, keil dobuka sik nong deice donokuka opnamabe,’ tenelamikce yupu talilamik.

Yehezkiel 36:5

Ati, na Allah Yahweh, aning-aning nirya talibuka deice tam, Pia Mikip Weik Deiyoknye birye, nyapnusin yupu kekeplulume. Ara, na weik arye, yu upniliba, sik Israel mutuku dana-dana unyak ninye nirya ap, tonda Edom mutuku unyak ninye nirya ap, anggun nirya ati, yu kanye bobuka nyapsine. Ara, anggun nirya wenebuka opnamsine. Derebuka opnamana deiyok ara, ani. Amutuku ninye nirya ap, Edom mutuku ninye ap arye, ‘Israel yala ninye talinyak mutuku nirya ara, maning teleb ubuka, palamle mutuku anya arye, nun kambing ap, nun domba ap arye, aning dinamaka ati, sik Israel ninye malye kibuka obibyopura, nuncuk amutuku nirya, dobuka talipnamabe’ tenen, kanye deiamikce, yupu sirikamika ani, Israel ninye taleamik mutuku, dalubuka dopromik.

Yehezkiel 25:15

Na Allah Yahweh arye, aning-aning deice tam erebuka, Pia Mikip Weik Deiyoknye ununye birye, ayupu nyapne. Sik Pilistin mutuku nang arye, yu kanye bomikce, ‘Nun mal olan nang, Yehuda tam unyak nang ati, kanye deibibuka, tuba-tuba kwang dakuka olyanganamabe. Sikti yu weik upsilye ati, batakna kumce, pia olyanganauk unamabe,’ tenelamik. Adeice, sik Pilistin nang arye, Yehuda mutuku noutam, Israel yala nang ati, pia weik olamik.

1 Raja-Raja 13:6

Winibukopura, Raja Yorebeam birye, anabi biti nyabuk, “Se, na moropkine. Ance nati, an ni koproba, Allah Yahweh ati, moropnilyame. Moropniminba, Allah arye nati, bico tenepnilirye, na taruk biti kipmanil ning ara, kwetep deipnamanilame,” nyabuka morobuk. Nyabuka morobukba, nabi arye, el morobukto, Allah ati, “Naio, anye meliplyame,” nyabuka morobukba, adiparyuk Raja Yorebeam, el taruk dipmok ning ara, melibuka kwetebukba, teleb ubuk.