Lukas 4:41 - Eipomek

⁴¹ Tonda, uk adilamuk ninye kan-kan ara, aninye sik nong talyamuk isa nirya kutukuka biyik. Kutukuka biyikopura, aisa mer arye ayupu nyanmek. “Anda Allah el Mi Koprop ulyame,” nyanmek ati, Yesus arye ayupu sekdongobuk. Ara, Yesus arye, aisa nirya, ‘Elda Ninye Lyenanye, Mesias ulule,’ akunum tenepmaniaka ati, ‘Ayupu kum laka nyapnamniyak’ tenen, sik nyanmek yupu sekdobuk. Aisa nirya ara, el Yesus akunum kel bikamik ati, ‘Na laka nyapnicak’ tenen, “Anggun yupu tunimaplulume,” nyabukura, aisa nirya arye yupu kum dayikce pia yupu nyapmanto kum ubuk.

Lukas 4:41 Referans Kwoze

Markus 1:34

Bulubuka wekenmekba, Yesus arye, anang sik dilamuk uk, talilamuk ning weik yala-yala nirya kwetebuk. Tonda, Yesus arye isa mer weike ninye talyamuka ara, asik nirya yakuka dopkwetebuk bukni, aisa nirya ara, el Yesus akunum kel bikamik. Ati, Yesus arye, ‘Aisa arye na wininun ning laka nyapnicake,’ tenebuk. Tonda, sik isa mer arye, “Yesus ara, Allah el Mi Koprop akunum yanmale,” nyabuka ‘Na lak akarye, nyapnicak,’ tenebuk. Utenebuka anya arye, Yesus arye aisa mer nirya ati, “Anggun yupu tunimaplulume,” nyabukba, aisa nirya ara, yupu nyapmanto kum ubik.

Yakobus 2:19

Anggunda, ‘Allah el tonokuk ulule’ tenen, diba tenelulume. Adiba tenelulum ning ara, teleb bukni, isa mer nirya, sik babye anggun tenelulum atonun tenebikirye, Allah ati ilil ubikirye sirimtalilule.

Yohanes 20:31

Bukni, abuku noutamak sekuka deipse yupu nirya ara, talye ati kum sekse. Ayupu nirya kekebikirye, ‘E, Yesus ara, dipkoprop Ninye Lyena Deiyoknye, Kristus ulule. Elda, Allah el Mi Koprop dipkoprop ulule’ tenen, dib tenebiceura, ‘El si deice arye kam pia unamlum’ tenen, abuku sekeipsise. Na Yohanes arye nyapsine.

Markus 3:11

Atalak ara, ninye talyamne isa yanuka, Yesus eibikopura, isa arye sik talyamik ninye tuku deice dobuka pouklopnarye, weik arye ngalukunmekce, Yesus ati ayupu nyabik. “Anda Allah el Mi Koprop ulyame,” nyabik.

Matius 4:3

Din pia patabukopura, Isa Mutuku Dongonye arye, ‘Yesus piripdenun’ tenen, Yesus dam nyalyayuk. “Anda dipkoprop Allah, el Mi Koprop ulaminyopura, aubuk keil dopropmince, ‘Kwaning kiplyame,’ nyapminba, kwaning daliba, aning dobuka diptume,” nyabuk.

Matius 26:63

Asipdeyuk bukni, Yesus ara yupu tonap tamubuka kum nyabukce, tunim abuk. Winibukopura, ila tonap Allah arena ati, aweik deiyoknye, Kayapas birye, Yesus ati asipdeyuk. “Allah arye dinmasilak unmalama ati, talya yupu nyana kum, dipkoprop ninguk nyapnusilame. ‘Ninye weik lyeplirye, sik kanye talima talinamle’ tenen, Allah arye wipdeiyamuknye, Mesias bira, an aulyam do? Tonda, Pia Teleb Etekdopnye Allah ara, anuk el Mi Koprop ulyam do?” nyabuka asipdeyuk.

Matius 8:29

Sik abitinye nang Yesus dam yarikopura, Yesus ati nyaprik. “Anda, Allah el Mi Koprop ulyame. Anda nun yata wiripnusilama ati, yanmalam do? ‘Allah arye isa nirya obuka sirya daknamne,’ tenebuk talak min kum upmal bukni, ance, ‘Sik opnaman’ tenen, yanmalam do?” nyabuka Yesus ati asipderik.

Markus 1:25

Isa arye nyabuk bukni, Yesus el yupu mikip arye, “An yupu tunim abuka, anye talima noutam talipluma ara, batakuka bilyame,” nyabuka wenebuk.

Matius 8:4

Kum dayukba, Yesus arye anye biti nyabuk. “An suse kwetepmakinba, lopmakila ara, yuk nang ati, laka kum nyalbinulyame. Lak kum nyanulyam bukni, an nong dipdenamkila ati, Yahudi yala nang, Allah el si erena aik pum pil dona deiyoknye dam binuka, laka nyapmince, el elina ati, an nong amupdenulyame. Tonda, uk dilamne ninyeuk lopnopura, Musa arye, ‘Wininamlulume,’ nyabuka sekamuk touk, Allah si erena ati, kam un ning obuka arelbalamak touk, an babye aning kintinibuka arelbinalyame. Ara, yuk ninye eibikirye, ‘Allah arye anye akunum kwetepmanil,’ ‘Tenepnamkiyak’ tenen, nyapmakine,” Yesus arye nyabuk.

Matius 8:16

Sik aunmek bukni, eibukopura, yuk nang arye isa talyamuk ninye ap, uk yala-yala nirya dilamuk ninye ap weike, Yesus dam boyayik. Boyayikba, Yesus arye yupu tonok nyabuka deice aryuk, ninye talyamuk isa nirya yakukba bindobik. Tonda, uk dilamuk ninye nirya kwetebukba, uk dilamuk nang nirya kum dayuk.

Markus 1:32

Asum bukni, keting akunum kum ubuk talak ara, amutuku ninye arye uk dilamuk ninye ap, isa talilamuk ninye ap, weik bobuka Yesus dam boyayik.

Lukas 4:39

Morobikura, Yesus arye akil mapmokak biyukce, kanupdongobuka dipdeyukura, ‘Anong bupu kum danul’ tenen, “Nong bupu ara, kum dalyame,” nyabuk. Nyabukopura, adiparyuk akil nong bupu ulamuk ara, kum dayukura, akil tikukabukce anang sik din dobuka aribuk.