Lukas 23:8 - Eipomek

⁸ Pilatus arye nyapdeibukura, yuk nang arye Yesus dobuka Herodes dam bobiyikopura, Raja Herodes arye Yesus eibukce kanye deibuk. Kanye deiamuknye bira, dorketing tamun, “Yesus arye ninye winipmanto kum pil dolule,” nyalamik ati, kekelamuka ati, ‘Na dinmatinyak ton apil doptopura na babye, eiptinye’ tenen, patalamuka ati, Yesus eibukce kanye deibuk.

Lukas 23:8 Referans Kwoze

Markus 6:14

Yesus el mapu arye, peterepra balamika ati, ninye weika arye, Yesus el si kekelamik. Ninye weike kekelamika ati, amutuku weik ninye deiyoknye, Raja Herodes babye, kekebuk. Ton ninye, Yesus arye ninye winipman kum pil dolamukbuk, eibika ati, sikce nyabik. “Kume Yohanes Pembaptis akunum diamuk bukni, tuba tamubuka kam bukuke. Ati, ninye kum winipmanto pil dolulnye bira, Yohanes akunuma,” nyalamik.

Matius 14:1

Yesus el mapu arye peterepra balamika ati, ninye weik arye, Yesus el si kekelamik. Ninye weik kekelamika ati, sikce laka nyalamikba, amutuku talyamuk deiyoknye birye, Raja Herodes babye kekebuk.

Rasul 8:19

“Anggun winipmaruma deiyok ning arepnuturumura, yata nang do nirya, na taruk tatang arye sik nong deice deiptinyopura, sik babye, Allah el Sambala doproptinge. ‘Winiptinye’ tenen, moropsine,” nyabuk.

Lukas 4:23

Nyaldanmek ati, Yesus arye anang ati nyabuk. “Na dipkoprop nyapsine. Domon yupu anyapnusin yupu ara, aminyan ara ila tamubuka nyapnamnulume. Ara, ‘Ninye kwetena deiyoknye ance an bidamang kwetepdanulyame,’ nyapnamnulume. Tonda, ‘Kapernaum mutuku noutamak mambul pil dolamlumak yuk nang arye laka nyanyakak kekenyap ara, an babye, neplum mutuku pil dopsiminyak eipnuyabe,’ nyapnamnulume.

2 Raja-Raja 5:11

“Nyabukba, binuka lak nyabukura, Naaman aning kekebukce yu ubuk. ‘Kumde, na tenepmanua ara, Elisa bira na dam yaturye, barye suse dinilye ning ara, el taruk na nong deice deibuka el si erelye Allah, el si Yahweh deice arye, moropnutuba, adiparyuk kwetepnamnutue,’ tenepmanue,” nyabuka yu ubuk.

Markus 8:34

Nyabukce, el yupu kekebuka dobolbalamik nang ap, abulubuka wekmek nang nirya ap, “Na dam yalulume,” nyabuka ayupu ton nyanmok. “Yata kil do, yatanye do nirya, na dobolyanganamniak nang ara, sik bidamang ning atibuk, ‘Aning mambule,’ kum tenenamake. Sik opnamikce nang arye, wanwanun yo dobuka balamak touk, sik badamnye kam un ninguk kum tenenamake. Yesus diba tenebikca deice arye yuk nang arye obikcopura, ‘Mambule,’ kum tenenamake. Na yupu uk kekebuka dobolyanganamniake.