Lukas 23:49 - Eipomek

⁴⁹ Sik talye nang nirya biyik bukni, Yesus melibuka balamik nang ap, kilapu ap, Yesus wanwanun yo deice opmeka dam ara, mitikto yukak arye dinmek. Anirya dinmek ninye noutam arye, akilapu nirya ara, Yesus Galilea mutuku arye, Yerusalem yangalamuk talak ara, sik ap melibuka balamik.

Lukas 23:49 Referans Kwoze

Lukas 8:2

Tonda, isa talyamneura, Yesus arye yakuka dopkwetepnarye kwetelamuk kilapu ap, uk dilamukbuk kwetelamuk kilapu ap, Yesus ap balamik. Tekbarye isa talyamuk kil, el si ara Maria, Magdalena kwetebuk kil ap, Herodes el aik pil dolamuknye Kusa, el kil Yohana ap, Susana ap, ton yuk kilapu weik tonap neika balamik.

Mazmur 38:11

Tonda, na talima noutam ara, weik tonun nyalanauk unulule. Wininirye, isin welepnilirye, na nong mikip ara, akunum kum danmanile. Tonda, na asing babye, akunum kupnamnila ati, eipmanto kum unamne.

Lukas 23:55

Yusuf arye, Yesus el nong dobuka weilbinmok talak ara, Yesus ap Galilea tam arye, melibuka Yerusalem mutuku yanmek kilapu arye, Yesus nong pakubuka weipmokak ara, sikce dinmek.

Lukas 23:27

Yesus menekuka banmokura, ninye weik ton aminyan banmek kan-kan arye, kilapu ton Yesus ati, bico tenebikce, kanye bobuka se tenebuka engepnin banmek.

Markus 15:47

Yusuf arye Yesus el nong dongobuka weipmokak ara, Maria Magdalena mutuku kil ap, Yoses el lin Maria ap, sikce ton eiprik.

Mazmur 142:4

Na ni Allah, na kanye talima pia kum upnilyeba, pia mitang unulul talak ara, na kele. Ancuk, na ikin unilyeba, unun talak ap, aminyan winipnamsil ning nirya ara, an akunum bikamlume. Bukni, nati ara, ‘Anye bira, nun lik ati, tomobuka opnuyab,’ teneninyak nang arye, na banun bisik noutam ara, ninye on ning, akunum kintinibikce deibik.

Mazmur 88:18

Ara, asum-asum nirya noutam ara, na wenena ati arenilyam ikin ning ara, na dana-dana tam nirya, antanap dongobuka yanganulule. Winipmanto ara, weik mek opnin banmalirye, dana-dana tam ulul ning nirya dilamle touk unulule. Ara, tonok tam arye kum yanganulule. Aning kum bukni, na dana-dana tam nirya arye, aikin ning na dam yanganilirye, dinikilongonulule.

Matius 27:61

Yusuf arye Yesus el nong dongobuka weipmokak ara, Maria Magdalena ap, Yoses el lin Maria ap, sikce Yesus weinmek keil deiya dam bukmarikce, dinmarik.

Ayub 19:13

Tonda, Allah arye ikin ning na deice deipnuka deice arye, na kwit capu ap, na du yapu ap ati ara, Allah arye yuk nang atonun updeipnuke. Ara, na kwit capu ap, na du yapu ap, na kayapu nang, yuk nang nirya ara, sik nirya arye bataknikba, na yuk ninye asiknye atonun unune.