Lukas 21:31 - Eipomek

³¹ Aning dimunce, ‘Dou mapnamale’ tenen, bikililaluma atonun, anyapmasin ning eipmunyopura, ‘Sirya dakne talak dam uple,’ tenepnamlulume. Ara, Allah arye aning-aning nirya ap, ninye mutuku-mutuku nirya ap, taliplirye, Weik Ninye Deiyoknye unamle talak, ‘Akunum deiyok kuple’ tenen, biknamlulume.

Lukas 21:31 Referans Kwoze

Yakobus 5:9

Tonda, anggunda, anggun kanye dukdongopdalum nang ati, malye yupu kum nyalanamlulume. Malye yupu nyalalulumopura, aminyan ara, Allah arye yupu bokeipsilirye, wenepnamsile. Winira nun yupu bokeipnamsil Deiyoknye bira, buplan dam akunum tikilyanmalce dinmasile.

Ibrani 10:37

“Pia batakna kumce, talibuka unamlume,” nyapmasin yupu ara, Allah yupu noutamak nyabik deiyok ning ton ani. ‘Aminyan yanamlanye bira, daulamlya ani, sik arye kum yanamle. Dipkoprop tenebuk talakuk tamubuka pola yanamle.

1 Peterus 4:7

Aning-aning nirya sirya daknamle talak akunum dam upsil ati, pia moubuka tenepmunce, teniltona kum arye, ‘Malye ubibyak’ tenen, moubuka kalikilanamlulume. Winibuka upmunyopura, Allah ati moronamlulume. Moubuka kum kalikdamunyopura, Allah ati teleb nyabuka kum moroptume.

Matius 3:2

Yohanes peterelamuk ning ara, ani. “Anggun nirya, anggun kanye talima malye tenelulum ning ap, anggun malye winimunye ning ap batakuka, kanye dangupmunyeura, Allah arye amalye ning nirya kum daneiplirye, namin kipnamsile. Winipnamlum ning, ara Allah arye ninye weike lyeplirye, sik kanye talima talinamle talak, akunum dam upmala ati, anggun malye winimunye ning nirya bataknululume,” nyabuk.

Lukas 21:32

Na dipkoprop nyapsine. Anyapmasin ning deiyok uplye talak eipnamak ninye ara, sik nirya min kum dipmace talak ara, anyapmasin ning sirya dakne talak babye, dipkoprop eipnamake.