Lukas 21:10 - Eipomek

¹⁰ Sirya talak noutamak ara, ton wininamle ning ara, weik ninye deiyoknye, Raja nang arye talinyak mutuku nang arye, ton mutuku nang ati, binuka oldanamake. Tonda, ton yala nang arye, ton yuk yala nang ati, oldanamake.

Lukas 21:10 Referans Kwoze

Markus 13:8

Tonda, sirya talak wininamle ning ara, ton pia weik mutuku nang arye, ton weik mutuku nang ati, binuka olanamake. Ara negara nyalamak ninye arye opdanamaka ati, nyapsine. Tonda, ton tam weik ninye deiyoknye birye talilul ninye ap, yuk tam weik ninye deiyoknye birye talilul ninye ap olanamake. Winilamice ani, mutuku yuk-yuk weika arye lulukunamle. Tonda, wa wibuka kouamice ning babye, nong kum upliba, din pia patanauk unamle. Anyapmasin ning nirya kel bikna ati, winipmanto ning ara, kilapu mi deipnuce talak mi deiyok uk din malye ani, mi delilamak touk, na laka nyanmasin ning nirya akunum uplyopura, ‘Sirya daknamle talak akunum dam uple,’ tenenamlume.

Ibrani 12:27

Elce, “Tonok talak tonap,” nyapsuk deice arye kel bikinyabe. Ara, lulukmanto ning nirya ara, elce kwepdeibuk ning nirya ara, aminyan talak kum kipdeiplyopura, aning ara, kum lulukmanto ning uk, winiryuk kwepdeipnamle ning ara, pia aunamle.

Zakaria 14:13

Atalak noutam nirya ara, Allah Yahweh arye, amutuku sirya im sirya nirya unyak nang arye, ‘Yerusalem mutuku nang optinye,’ tenenyak nang nirya ati, ilil una ap, kanye deibuka deilin ning ap nirya ara, areplyeba, sik anang nirya ara, sik kanye tenen ning ap, kanye walwal abuka unauk unamake. Tonda, sik nirya arye, weik ilil uplyeba, sik kayapu nang koproba ati bukni, taruk talipdakirye, mal olana uk unamake. Otam nang ap, atam unamak nang ap atibuk, tomobikirye mal olana uk unamake.

Yesaya 19:2

Na Allah arye sik Mesir mutuku nang nirya ati, sik talima noutam pil dopnyeba, sik nirya arye, sik kayapu nang koproba bukni, ‘Likeʼ tenelana ap, olana ap deiyok ning arepnamne. Winipyeba, sik kayapu nanguk, sik kayapu nang ati, olanauk upnamake. Atonun el kwit koproba bukni, otam asiknye birye, el kwit ton tam asiknye biti, ‘Like,’ tenepdakirye olanauk unamake. Atonun ton tam mutuku noutam weik asik unyak nang arye, ton tam weik asik domik mutuku nang ati olbanamake. Tonda atonun, ton tam nang deiyok kibuka talibikce unyak nang arye, otam nang ati, olanamake.

Rasul 11:28

Anang yayikura, sik kwit tonoknye, el si ara, Akabus tikukce, Allah Dib Kanye arye Akabus ati nyapdeibukura, elce aulamik nang ati, aminyan winipnamuk ning ati yupu nyabuk. “Aminyan talak, ninye unyak mutuku nirya ara, din pia kwaning patapnamle,” nyabuk. (Akabus nyabuk touk, Roma mutuku ninye deiyoknye, el si Kelaudius, talibuk mutuku noutamak nirya ara, dipkoprop amutuku-amutuku nirya ara, din ning kum dayukba, din weik patalamuk.)

Lukas 21:9

Tonda aminyan talak ninye arye, “Ton tam nang ap, ton tam nang ap oldanmake,” nyabuka nyanamaka ap, “Nun mutuku talisinyak nang ‘Obuka daknamap’ tenen, oldanmake,” nyanamaka ap, yanuka nyabikiba, kekepmunyopura, ilil kum unamsulule. Allah arye, ‘Atonun ning wininamle,’ akunum tenyamuk ati, wininamle bukni, ‘Sirya talak sirya dakna ning ara, kabula,’ tenenamlulume.

Lukas 21:11

Winildanmace talak ara, mutuku yuk-yuk weika arye lulukunamle. Tonda, wa wibuka kouamice ning nong kum uplyopura, din pia patana dem unamle. Tonda, mutuku-mutuku nirya yuk-yuk ninyeuk weik touk dilamlyeura, ninye weik dipnamake. Tonda, im deice upnamle ning eibikirye, ilil pia weik unamle ning ap, ‘Sirya talak akunum uple’ tenen, biknamaka ati, Allah arye pitin-pitin kilin ning im deice deipnamle ap, weik upnamle.