Lukas 2:47 - Eipomek

⁴⁷ Sik peterena deiyok nang arye elti, asinmekbuk, elce tamubuka sikti, nyanmok yupu nirya kekenmek nang nirya ara, ‘Se yata wiribuka arye ami aning-aning bikam turye laka nyaptu do? Se ami ara, pia kel weik mi,’ tenebuka ngalukunmek.

Lukas 2:47 Referans Kwoze

Matius 7:28

Yesus arye ayupu nyanmoka ani, sirya dakukopura, abulupmek nang nirya kekebikce, mambul kanye bobuka, ‘Se’ tenen, ngalukunmek.

Lukas 4:32

‘El yupu peterenmok talak ara, abulupmek nang nirya kekebikce, mambul kanye bobuka, se’ tenen, ngalukunmek. Ara, Yesus ara, weik kel ap, weik mikip ap deice arye peterenmoka ati, ngalukunmek.

Mazmur 119:99

Dipkoprop nara, Allah ance, “Aning ara, wininalulume. Aning ara, pia kum wininamlulume. Teleb winina ara, ani,” nyapdeiamsulum yupu atibuk, kanye deibuka unirye, asum-asum nirya noutamak, ayupu moubuka tenepnirye, talinune. Ati ara, na moubuka teninun ning ara, weik arye teninun bukni, na peterena deiyok nang ara, ‘Deiyok ani’ tenen, sik mitika aryuk, bikinyake. Sik tenelamik atonun, kum tenenune. Nara, pia weik arye tenebuka bikinune.

Yohanes 7:15

Yesus arye peterenmokbuk, sik Yahudi yala deiyok nang kekenmekce, “Se, anye bira, yuk nang arye peteryamikak, ton kel kum bikamuk bukni, yata wiribuka deice arye, aning-aning nirya weik kel arye peterenmal do?” nyabuka, asipdanuka lukuldanmek.

Markus 1:22

Yesus arye peterenmokba, abulupmek nang nirya kekebikce, mambul kanye bobuka, ‘Se’ tenen, ngalukunmek. Ara, Musa sekamuk yupu peteren nang arye, peterelamik touk kum bukni, Yesus ara, ‘Yuk nang arye peterelamik ninguk nyapnune’ tenena kumce, weik kel arye peterenmoka ati, amutuku nang ngalukunmek.

Yohanes 7:46

Wenebikbuk, ayin talin nang arye, “Kume, anye birye nyalye yupu ara, pia mambule. Yuk nang nirya ara, el nyalye touk pia kum nyalamsike,” nyabik.

Lukas 4:22

Yesus arye peterenmokura, ayupu kekenmek nang arye, “Se yupu teleb ubuka peterenmasile,” nyabuka ngalukik akarye kanye deibik. Tonda, “Anye bira, Yusuf arye deibuk mi do?” Tenebuka nyanmek.

Matius 13:54

Sik mapnin balamika ani, Yesus el mutuku koprop, Nasaret mutuku koulukik. Koulukuka biyikce, Nasaret mutuku noutamak daulamik bukni, Yahudi yala nang arye Allah yupu peteren aik, Yesus wekukabukce, Allah yupu peterenmok. Peterenmok talak ara, pia teleb ubuka peterenmoka ati, el yupu kekenmek nang arye ngalukunmek. Ngalukunmekce nyanmek, “Anye bira, el peterenmal yupu ara, dan mutuku arye kel kibuk do? Yata weik kel bikna nang arye peterebikba, weik kele kibukce teleb ubuka peterenmasil do? Yata mutuku arye ninye kum winipmanto ning, mambul pil dona ati, mikip deiyok ning arebikba apil donmal do?” nyabuka ngalukunmek.

Matius 22:33

Yesus arye ayupu nyabukba, akekenmek nang nirya arye, ‘Se’ tenen, “El peterelye yupu ara, pia telebe nyabuka kanye deibikce,” ngalukunmek.

Markus 6:2

Binuka daulamika ani, Yahudi yala nang, sik pil dona kumce, dikdik sen sum, sabat sik Allah si erelamik sum akunum ubuka ati, Yahudi yala nang arye, Allah yupu peterelamik aik Yesus wekelbiyukce, Allah yupu peterenmok. Peterenmok talak ara, el yupu kekenmek nang arye, ngalukunmek. Ngalukunmekce nyanmek, “Anye bira, el peterenmasil yupu ara, dan mutuku arye kel bikuk do? Yata ning arye peterebik ak, weik kel arye peterenmasil do? Yata arye kel kibukba, ninye winipman kum pil dolul do?” nyabuka ngalukunmek.

Markus 11:18

Nyanmokopura, Allah si erena aik pum bisik pil dona deiyok nang ap, Musa arye mem yupu sekamuk yupu peteren deiyok nang ap, kekenmekce, yu ubukura, ‘Anye bira opnuyabe,’ tenebikce, ‘Yata ubuka optibye do?’ tenen, yupu talilbiyik. Yesus el yupu nyanmok talak ara, talye nang nirya awekmeka kekenmekce, ‘Se, Yesus arye peterlirye, yupu ara, pia teleb’ tenen, mambul kanye bopmekce, Yesus ati kanye deipmeka ara, adeiyok nang nirya arye eipmeka anya arye, Yesus ati sik ilil ubuk.

Lukas 2:46

Yerusalem birikopura, liki winilye sum tonap nirya ara, el tonok enmarika ani, Allah ati arilbalamikce, el si erelamik aik ara, Yesus aunmokak eiprik. Yesus ara, sik Allah yupu peterena deiyok nang kan-kan bukmokce, sik nyanmek yupu ara, el kekenmokce asildenmok.

Lukas 2:18

‘Ayupu kekenmek ninye nirya ara, adomba wein nang nyapmek yupu ati, se’ tenen, ngalukunmek.