Lukas 2:39 - Eipomek

³⁹ Maria ap, Yusuf ap Allah arye, ‘Wininamlulume,’ nyapdeibukura, Musa birye sekamuk yupu noutam nyapdeiamuk touk, akunum winiprikopura, Yerusalem mutuku batakuka, sik mutuku kopropa, Galilea tam noutamak bukni, asik si ara Nasaret mutuku, tamubuka birik talak ara, Yesus bobuka birik.

Lukas 2:39 Referans Kwoze

Lukas 2:4

Aninye nirya biyik touk, Yusuf babye, Daud yalanye anya arye, Galilea tam ulamuk mutuku Nasaret batakuka, Yudea noutamak Daud yala deiyok kouna ati, Betlehem mutuku biyuk.

Matius 3:15

Nyabuk bukni, Yesus arye tamubuka nyabuk. “Kume, Allah arye nunti, ‘Winibuka diksukumuk unamake’ tenepsuk touk, diksukum ninguk wininuyaba ati, wini talak ance mek dongopnilyame,” nyabuk. Nyabukura, Yohanes arye telebe nyabuka Yesus mek dongobuk.

Ulangan 12:32

Aning nirya narye anggunti, ‘Wininamlulume,’ nyabuka nyasinye touk moubuka wininamlulume. Anggunce ton tabaka longona ap, kulukulina ap, batakna ap pia meme. Musa birye Israel ninye ati nyabuk.

Lukas 2:51

Amenyan ara, Yesus ap, sik bitinye ap, sik mutuku kopropa Nasaret mutuku tamubuka biyikopura, el lin el li nyalamrik yupu nirya kekebuka ulamuk. El lin Maria arye, Yesus nyanmok yupu ap, sik elinmarik ning ap, aning nirya ara, el kanye pum tam pia teninmok.

Lukas 1:6

Zakaria ap, el kil Elisabet ap, Allah yupu nyalilye atouk ubuka diksukumuk ulamrikce, Allah arye, “Wininamlulume, aning kum wininamlulume,” nyapdeiamuk yupu, moubuka talyamrikce, dolbalamrik. Ayupu nyalul touk ning nirya atonun, sirya dakuka pil dolamdik, malye una deice tenebuk ning ababye, kum winilamrik ara, Allah arye sikti, kanye deiamuk.

Lukas 1:26

Elisabet mi bomuka ani, naku barye wala akunum ubuka talak ara, Allah el im deice pil dona ap, el yupu laka nyananye ap ati, el si Gabriel dopkwetebukura, Yudea tam mutuku bukni, Galilea tam noutam asik dolamik asik si ara, Nasaret mutuku laka nyalbiyuk.

Lukas 4:16

Aninye nyalamik bukni, Yesus el nemuk mutuku Nasaret biyukce, amutuku-amutuku nirya winilamuk touk, Yahudi yala ninye sik dikdik sen sum deice arye, sik Allah yupu peteren aik wekuk. Wekukopura, el pia winilamuk touk, ‘Allah yupu peterepnun’ tenen, tikukopura, Allah yupu buku dobuka arebik.

Lukas 4:23

Nyaldanmek ati, Yesus arye anang ati nyabuk. “Na dipkoprop nyapsine. Domon yupu anyapnusin yupu ara, aminyan ara ila tamubuka nyapnamnulume. Ara, ‘Ninye kwetena deiyoknye ance an bidamang kwetepdanulyame,’ nyapnamnulume. Tonda, ‘Kapernaum mutuku noutamak mambul pil dolamlumak yuk nang arye laka nyanyakak kekenyap ara, an babye, neplum mutuku pil dopsiminyak eipnuyabe,’ nyapnamnulume.