Lukas 2:21 - Eipomek

²¹ Ara, Allah arye, Yahudi yala ninye ati, “Wininamlulume,” nyalilamuk touk, Maria ap, Yusuf ap, Yesus ap, like pin barye sum akunum mabikopura, Yesus el den bam bol mouse ning sekna talak akunum ubuka ati, Maria mi kabul kum bomuk talak, malaikat arye, “An mi deipminyopura, el si ara Yesus nyapnalyame,” nyapdeiamuk touk, ami el si Yesus nyabuka, si siprik.

Lukas 2:21 Referans Kwoze

Imamat 12:3

Winilamlya ani, like pinbarye (8) sum akunum uplyopura, adiparyuk akil arye deipmalye mi, ‘Allah elnye unamleʼ tenen, el den bol mouse ning mitik tonun sekenamyake.

Lukas 1:59

Sik niryada ulamika ani, pin barye sum akunum ubukopura, ‘Ami ara Allah el mi unamle’ tenen, Allah arye nyapdeiamukura, Musa sekamuk touk, ‘El den bam bol mouse ning seknuyap’ tenen, yanmek. Winibikce, el li siuk “Zakaria nyapnuyabe,” nyapdayikce, ami el li si sibikura, el lin birye nyabuk.

Lukas 1:31

Allah melipkilya deice arye sal mi bominya ani, aminyan talak ami deipminyopura, el si ara, Yesus nyapnamlyame.

Kejadian 17:12

Winipnamlum ning ara, ani. An yala nang arye delinamak sal mapu nirya ara, dadeipmaca ani, pinbarye sum akunum uplyopura, sik den bam bol mouse ning sekenamake. Tonda, an mapu silip kopropuk kume. An pil melin ninye arye delinamak sal mapu ap, atouk wininamake. Tonda, ‘Nun pil dopnamsiyak’ tenen, yuk mutuku nang bukni, yo bok arye dekuka boyamunce, an aik delilyam nang ap, sikce delinamak sal mapu ap, sik den bam bol mouse ning sekenamake.

Pilipi 2:8

Ninye nong atonun dayukce, talima darapdongobuka, amutamak ulamukce, el li Allah el yupu uk kekebuka ulamuk. Winibuka daulamuka ani, el li birye tenyamuka atouk, malye nang arye obikba, dibuk. Aning ara, talye dipna kume. Malye nang arye ninye on ning pia malye ninguk wibuka, wanwanun yo deice deibuka, obikba, dibuk. Yesus arye, ‘Teleb daopnenyake,’ tenebuke.

Matius 3:15

Nyabuk bukni, Yesus arye tamubuka nyabuk. “Kume, Allah arye nunti, ‘Winibuka diksukumuk unamake’ tenepsuk touk, diksukum ninguk wininuyaba ati, wini talak ance mek dongopnilyame,” nyabuk. Nyabukura, Yohanes arye telebe nyabuka Yesus mek dongobuk.

Matius 1:25

Yusuf arye Maria domuk bukni, akil ap neika mana kum diparyuk, Allah El Dib Kanye mikip deice arye sal mi deibuk. Sal mi deibukopura, Yusuf arye, “Ami el si ara Yesus,” nyabuk.

Matius 1:21

Maria arye sal mi deipnamle. Deiplyopura, el si Yesus nyapnamlyame. Yesus nyapnamlama deiyok ara, ‘Elda Ninye Lyenanye ulule,’ tenena ati nyapnamlyame. Allah el mapu nirya sik malye wininyak ning ap, malye tenenyak ning ap ati, ‘Allah arye wenebuka oplyak’ tenen, Yesus arye aning nirya kum daneiplirye, ninye weike lyepnamla ati, ami el si Yesus nyanamle.” Malaikat arye Yusuf ati nyabuk.