Lukas 2:20 - Eipomek

²⁰ Sik domba wein nang ara, Malaikat arye ayanmekura, kekenmek ning atouk winipmokak eibikura, sik mutuku kopropa tamubuka banmek talak ara, Allah si erepnin banmek.

Lukas 2:20 Referans Kwoze

Yesaya 29:19

Mikip nang arye yanibikiba, ikin kanye bobuka, talye kankan unyak nang ap, tonda bona kum talibikceba, yuk nang arye, ‘Sikda talye nang unyaka,’ nyabuka, malye kinyak nang ara, Allah Yahweh arye, sik kanye tamubuka teleb kipdeipliba, sik kanye delinamake. Ara, Pia Teleb, Lek Deiyoknye, Israel nang sik ni koproba Allah arye, sik pia talye kankan Israel nang ati, tamubuka teleb kipdeiplyeba, kanye teleb deice arye unamake. Sikce elti, ‘Allah ara, pia telebe,’ nyabikirye, pin-pin asa arye, el siuk erenamake.

Mazmur 106:48

Tonda nyapsine. Nun nirya arye, nun ni Allah, nun Israel nang arye si erenyap Allah ara, el si Yahweh ati, “Anda pia telebnye ulyame,” nyabuka, el siuk erenamabe. Allah Yahweh ara, aning-aning min kum uamuk talak arye, dipdongobuka, danoutam talak nirya ap, dounamle talak nirya ap, eluk aulule. Pia Kam Unanye ulula ati, minop talak akunum ulamukce, danoutam talak ulamuka ani, wini talak tuba ulye touk, aminyan doupnamle talak babye, kam tuba unamle! Ati ara, nun Israel yala nang ap, tukwak mutuku unyak nang, yuk-yuk nang nirya ap ara, “Allah pia aunamle” tenen ati, ‘Amin’ nyanamabe. Tonda, nun nirya arye, “Yahweh anda, Pia Telebnye ulyame,” nyabuka, “El siuk pia erenamabe,” nyapne.

Rasul 11:18

Nyabukura, sik anang kekebikce, yupu tonap kum nyabikce, Allah siuk erebik. Erebikce nyabik. “Winira akunuma. Sik yuk-yuk talye mutuku ninye, Yahudi yala kum ninye babye, sik malye unyak ning batakuka, ‘Pia kam unamap’ tenen, Yesus ati dib tenebiceura, Allah arye anang ati, bola koplobuka kam pia una deiyok ning akunum arepmale,” nyabik.

Lukas 18:43

Yesus arye ayupu nyabukura, atalak aryuk, el asing teleb ubukura, aning-aning nirya eibukce, Yesus bisik banmok ati, anye birye aminyan banmokce, “Allah ara pia teleb,” nyabuka Allah si erenmok. Yesus arye anye bira el asing lapdeibuk ati, el ap banmek nang nirya eibikce, sik babye, “Allah el pia teleb”, nyabuka el si erenmek.

Matius 9:8

Biyukba, awekmek nang nirya eibikce, Yesus winibuka deice arye, ‘Se, Allah arye el mikip pia weik arye anye akunum aribuka ara, kel bikaba atia,’ tenebuka ngalukunmekce, Allah el si erenmek.

Mazmur 107:21

Ati ara, Allah Yahweh elce, kanye talima arebukba, bico tenen, melilamuk ninye nirya arye, Allah el tibuk, “Telebe, anda weik telebnye ulyame,” nyabuka, el si erebuka kinamake. Tonda, Allah el si Yahweh arye, tenebuka pil dolul ning nirya ara, ‘Se, aning ara, ninye arye kum upmanto ning winilula’ tenen, el tibuk ‘Telebe,’ nyanamake.

Mazmur 107:15

Ati ara, Allah Yahweh, elce talima arebukba, bico tenen, melilamuk ninye nirya arye, Allah el tibuk, “Telebe, anda weik telebnye ulyame,” nyabuka, el si erebuka kinamake. Tonda, Allah el si Yahweh arye, tenebuka pil dolul ning nirya ara, ‘Se, aning ara, ninye arye kum winipmanto ning winilula’ tenen, el tibuk, ‘Telebe,’ nyanamake.

Mazmur 107:8

Ati ara, Allah Yahweh elce kanye talima areplibuk bico tenen, melilul ninye nirya ara, Allah el tibuk, “Telebe, anda weik telebnye winilyame,” nyabuka, el si erebuka kinamake. Tonda, Allah el si Yahweh arye tenebuka, pil dolul ning nirya ara, ‘Se, aning ara, ninye arye kum upmanto ning winilula’ tenen, el tibuk, “Telebe,” nyanamabe.

Markus 1:7

Awinilamukce nyalamuk ning ara, ani. “Na mikip kumnye birye min yase bukni, aminyan tam yanamla deiyoknye bira, elda mikip pia weiknye ulule. Na mambul kumnye unirye el amutamuk ununa ati, elda pia weiknye binya arye, el yan deice ongolulul ning, el si ara yan ongona koulongon tapu, narye melibuka kanupdongobuka kum loploptinye. Nada mambul kumnye ununa ati ayupu nyapsine.