Lukas 19:35 - Eipomek

³⁵ Lobuka bobanmarika ani, Yesus dam bobirikura, sik nong deice ongon baju kwiribuka, keledai basam balye deice yangabuka deibikura, Yesus adeice bukukopura bobiyuk.

Lukas 19:35 Referans Kwoze

Yohanes 12:14

Yesus ara, ‘Yerusalem mutuku binun’ tenen, keledai basam winiryuk ning, ninye ton kum bukuka balamik basam eibuka dobukabukce, akeledai basam balye tam bukuka bisik banmok. Winibuka banmok ara, minop talak Allah yupu noutamak sekamik ning, nong dukdongopnamuk ati winibuk. Nabi Zakaria arye minop talak sekamuk yupu ara ani.

Matius 21:7

Lobuka bobanmarika ani, Yesus dam boberikba, aunmek nang sik deice baju kwiribuka keledai basam mi mitik ning balye deice yangapdeibikura, Yesus abasam deice bukukura, bobiyuk.

2 Raja-Raja 9:13

Nyabukura, anang arye kekebikopura, adiparyuk Yehu el kwitcapu, sik ongopmek cang kain ara, el si juba kwiribuka, Yehu el dinmokak aik, atolonga dam anyuk deibuka batakik. Winibikopura, sik adiparyuk lelim nyan ning, yim domba basam, el kisok takce arye, kintinip deiamik ning ara, el si terompet, dobukabikce, pong anmekce, weik yupu deice arye, “Yehu elda, nun Israel tam ati, ninye deiyoknye Raja akunum kipmasile!” nyanmek.

Matius 21:4

Yesus arye nyabukba, winiprik ning nirya ara, Allah yupu lakak nyalamuknye, nabi Zakaria arye nyalamuk touk winipnamuka ati, Yesus arye ayupu nyabukba, winiprik. Nabi Zakaria nyalamuk yupu ara, ani.

Lukas 19:34

Asipdeyikura, sikce “Nun ni kopropa Yesus patapmala atia,” nyaprik. Nyaprika ati, atikmek nang arye mangkau kibukikura, sikce lobuka bobirik.

Lukas 19:36

Yesus ara, Yerusalem mutuku bisik keledai deice bukuka banmokura, ton nang ara, ‘Yesus si erepnuyap’ tenen, sik deice tam ongon baju kwiribuka, Yesus yanibuka yanamukak, yangabuka delinmek.

Yohanes 12:12

Maria arye, Yesus yan deice nintong teleb mek dikeibukba, sik mapmeka berekukopura, Yesus ap, el mapu ap, ‘Yerusalem mutuku binuyap’ tenen, bisik banmek. Banmekbuk, yuk nang arye Yerusalem mutuku lak nyalbiyikba, weik kwalina ati Yerusalem mutuku bulupmek nang kekebikce, kanye deibik.