Lukas 19:29 - Eipomek

²⁹ Bisik mapranin balamika ani, asik dolamik asik si ara, Betania asik ap, Betfage asik ap mapnin balamika, an ni Zaitun mutuku dup welepnuyik talak ara, el mapu bitinye nang ati nyabuk.

Lukas 19:29 Referans Kwoze

Matius 21:17

Yesus arye Mazmur yupu dobuka nyabukopura, anang asukum batakuka, Yerusalem mutuku asik dolamikak batakukce, Betania mutuku malbiyuk.

Rasul 1:12

Yesus akunum welebukopura, zaitun yo duk moulamuk mutuku ati, mutuku si Zaitun mutuku nyalamik mutuku arye, el mapu tamubuka Yerusalem mutuku biyik. Ara, Zaitun mutuku arye Yerusalem mutuku bana ati, tonok Sabat sum arye mening dam mutuku balamik touk, asum ara, sik babye, atonun biyik.

Zakaria 14:4

Atalak ara, Allah Yahweh Zaitun mutuku kon deice yanuka tiknamle. Zaitun mutuku kon ara, Yerusalem weik asik dam bukni, otam keting panalyangan tam ulule. Asukum ara, Allah yalirye, Zaitun mutuku kon deice yanuka tiknamle. Winiplyeura, Zaitun mutuku kon arye sakukaplirye, pala weik tam ara, keting panalyangan tam arye, deiyok koubuka binamlya ani, keting kumulban tam binamle. ‘'Amutuku toplirye, ton tam ara, outam dabu tam kisikuka binamle. Ton tam toplirye, iknapye tam ton kisikuka binamle. Ara, Zaitun mutuku kon nirya ara, dana-dana tam kipdoplyeba, danoutam ara, weik lu upnamle.

Lukas 24:50

Yesus arye ayupu nyabukopura, Yerusalem mutuku el minop bayukura, el mapu nirya ara aminyan bisik banmek. Banmeka ani, Betania mutuku dam biyikopura, ‘Allah arye anang teleb updeipnamle’ tenen, Yesus el taruk amubuka, Allah ati morobuk.

Lukas 22:39

Yesus arye nyabukopura, el ap, el mapu ap, sikce asum-asum nirya winilamik touk alip aik Yerusalem mutuku sik bukmek aik batakuka, banmeka ani, Zaitun mutuku dup biyik.

Lukas 21:37

Atalak ara, Yesus arye asum-asum nirya, Yahudi yala nang sik Allah ati arilbalamik aik pum peterenman ak, einipneura, Zaitun mutuku dup welebuka malbalamuk.

Lukas 19:37

Yesus bisik banmoka ani, Zaitun mutuku kolukuka bana ati, bisik bokolanak biyuk talak ara, Yesus ati diba tenebikce, melibuka banmek nang nirya ara, Yesus arye ninye winipman kumto pil, weik dolamukura, elilamika ati, kanye deibuka, Allah si erenmekce, ‘Yesus ara, nun weik ninye deiyoknye Raja kipnamsil’ tenen, ayupu weik arye nyanmek. Ara, Allah yupu laka nyalamik nang, nabi nang minop arye sekamik yupu, dobuka nyapra banmekce, weik yupu nyanmek. Nyanmek yupu ara, ani.

Lukas 19:30

“Ortam mutuku birumunce, asik dolamikcak anyuk birumunye talak ara, keledai basam mitik ning kirikdeipmacak eipdumunyeura, tapu kirikdongomica ara lobuka, el ngang kirikuka boyanururume. Amitik keledai basam ara, ninye bukuka kum balamikirye, anyuk weilamice keledai basam dobuka boyanururume.